إضافات : يكرفك كرف مو طبيعي

يأذن العشا انت ما خلصت التجربة

دقييييييييق جدا في تصحيح الريبورت ومافي امل يعطيك درجة كاملة

تقسيم الدرجات في اللاب

5 كويزات .. كل اسبوع كوز قبل التجربة

5 لاب فاينل

10 ريبورتات

كل اسبوع بيعطيك كوز اسئلة مدري وش تبي والكوز 6 اسئلة !!!!!!!!!

اللا بالغصب يبي يحسس نفسه انه دكتور وقاعد يدرس شي بطل !!!

نصيحة ابعدوا عنه !!!!! اللا اذا ودك تكره عيشتك نزل اللاب معه

 

انا معه هالحين ..

..

حبوب ويتغاضى عن التأخر والحضور في غير سكشنكـ بس لا تمصخهـا ..

..

شرحه حليو وببساطة , وبالنسبة للطلعة فـ أنا دايماً أطلع بعد ساعتين ..

..

الكويزات كل اسبوع بس مدري وش تبي من جد , 6 أسأله !! ..

..

الريبورت دقيق فيه جداً ومزااجي , الدرجات تتراوح ما بين الـ 7 ونص والـ 9 .. نادراً تجيب 10 من 10 ..

..

قدامكـ طيّـب وترتاح له , لكنه في نطاق الدراسة شيء ثاني ! ..

..

بس الحمدلله مرتاح معه هالسمستر وعندي أمـل بـ قريـد , أحس إنه يتشبّـكـ خخخ ..

 

طبعا الصوره الموجوده مختلفة تماما عن الواقع ...((الصورة قدييييمة))

الشرح : ممتاز .

يتساهل معك في الحضور في السكاشن الاخرى ..

نزل عنده .... وانت مغمض .

 

أخذت عنده رسيتيشن 102
يمتاز بحل الكثير من المسائل
شرحه عادي وأذكر ان ثلاث ارباع السكشن كان نايم والباقي يوقع ويطلع
كويزاته طويلة جدا لكن سهلة
تقييمي له c
لهجته نوعا ما مقبولة

 

اذا تبي تفهم اللاب عدل نزل عنده.
محترم, كوزاته سهله وأحيانا تكون غبيه غير متوقعه.
طبعا الى الساعه 5 وممكن ما تخلص بس في النهايه راح تكون فاهم أكثر من اي واحد.

 

ليش تبغى تفهم اللاب يعني ؟ ايش بتستفيد ؟

-----

يا شباب ياريت اللي نزل عنده من زمان يقولنا كيف طريقته بالفاينل ؟

 

انا نزلت معه لاب فيزكس 102

الفاينال اذا ماني ناسي يكون عملي ونظري واعتقد ان فيه ست جلسات .. كل جلسة 15 او 20 دقيقة ما اذكر كم بالضبط ..

يعني اول جلسة تروح للتجربة الاولى مثلاً معك الورقة وتقرا المطلوب وتسجل النتايج .. لا خلصت الربع ساعة كل الطلاب ينتقلون للتجربة اللي بعدها وكذا .. وسط هالتجارب بيكون فيه جلستين تجلس على كرسي وطاولة بدون تجربة ولا شي تحل الاسئلة النظرية اللي بالورقة اللي معك ..

احلى شي انه اوبين بوك (اذا ماني ناسي بعد ) يعني اذا ضيعت ولا نسيت شي افتح الكتاب وخذ المعادلات (ياليت احد يأكد لي هو اوبين بوك ولا لا لأني ضيعت من كثر اللابات بالجامعة)

اذكر الفاينال كانت فيه تجربتين صعبة وهي آخر تجربتين مدري آخر تجربة والتجربة قبل قبل الاخيرة قانون خركشوف مدري وش اسمه والثانية مدري وشهي بس الثنتين كهرباء (قانون اوم يمكن )..

نصيحتي لكم لاتطلعون من اللابين هذه بالذات الا وانتم فاهمين كيف تشبكون الاسلاك صح وتحسبون المقاومة والفولت والامبير وكيف تستخدمون الاجهزة وسجلوها سواء على ورقة ولا بفيديو عشان ماتنسونها وقت المذاكرة للاختبار .. لاتسوون زينا فاهمين وقت اللاب ولا سجلنا شي ويوم نذاكر ضيعنا كل شي وبالفاينال انواع التخبيص مليون بالمية بتجي بالفاينال

 

كنت معه ريستيشن


من جنب القدهـ


آحلى ما فيه .. كويزاته و انه يتضبط


مره جيته الآوفيس و جبت معي كم سؤال من الاولد اقزامز

اول سؤال قعد يحل فيه حوالي نص ساعه و لا حله

حليته انا عنده .. حاولت و حاولت لييييييين جبته

و هو لسه ما حله



الحاصل .. ما عندكــ نفر


تحيتي

 

التحضير : عادي
طريقة الشرح : متوسط
الكويزات : سهلة وتافهة ومكررة - يعني لو تعرف أحد اخذها معاه في اي فصل من الفصول السابقة خذ المانول حقه واحفظ الكويزات لأنها نفسها بالضبط
المياجر: كومون
الفاينلات : جزء نظري سهل جدا وجزء عملي أقل سهولة يعني بشكل عام حلو
القريد النهائي: B+
الصوت: عادي
إضافات : تراه أفضل من غيره بكثيييير

 

صدقني فيه افضل منه كثييييييييييير

يكفي انه يقعد اكثر من ساعه يشرح وما يعطيك الدفتر الين تجيب الداتا

ويجلسك اللاب كامل

لدرجة اننا اخر الاسابيع كنا نجيب معنا دفتر قديم من السمسترات الماضية وننقله ونطلع من الباب الخلفي

 

التحضير : يحضر كل لاب
طريقة الشرح :للاسف تعبانه
الكويزات : متوسطة الى سهلة

الفاينلات : الفاينل كان عملي وكتابي وكان مش سهل
القريد النهائي:ِa
الصوت:مش واضح لانه عنده حساسية في خشمه... اللاب تخلص تجربتك تطلع على طول والتصحيح دقيق على اشياء معينه وخاصه في الوحدات
إضافات :اذا لقيت سكشنه مفتوح نزل عنده ولا تحتار لانه الافضل

 

Up
اي زياده الله لايهينكم
ومين احسن هو ولا معالج؟

 

لا نزل عنده هو !! انحش عن معالج

 

هو احسن ولا غنام؟

 

أنا أخذت عنده 102 هذا الفصــل ( 092 )

التحضير :يوميـاً .. وما عنـده مشكلة تحضر مع شعبة ثانية .. لكن عطه خبـر أنك بتحضر ..
أنا حضرت معه يمكن 5 لابات مع شعبه ثانية .. وما استأذنت منه إلا مرة .. هع ..
بعض المرات يسألني وش جايبك هنا .. أصرفه يمين ويسار وما يقول لا ..


طريقة الشرح :
شـرح مفصـل تفصيلاً ممـلاً .. أحلـى حاجـة أنه يشرح لك التجربة حبـه حبـه .. وكل القوانيـن اللي راح تستخدمهـا .. وفوق كذا يطبـق عملـي بشكل سريع بعد ما يخلص شرح ..
لكن مثل ما قلت .. يأخذ تقريبا ساعة إلى ساعة إلا ربع في الشرح .. ونادرفي الأيام الأخيرة كان يشرح في نص ساعة تقريباً ..

الكويزات :
على كل تجربة موجود في المانيوال .. يعني إذا التجربة اللي بتاخذونها مو موجودة في المانيوال .. ما راح يكون في كويز ..
لأنه كويز ريدينـق .. يعنـي اقرأ التجـربـة مضبوط .. وتجيب قريد تمام ..
أغلب الكويزات تكون كالتالي ..
الـ purpose .. وهذا يجيك في كل كويز ..
الرسم يكون بين ايش vs ايش ..
بعض المرات يجيك أكمل المعادلة ..
ومرات يقول وش راح نطلـع من الرسمة .. أو وش راح نطلع من المعلومات اللي جمعناها ..
وأيضاً هناك أسئلة أكمل الفراغ .. وهذي تحتاج إلى أنك تقرأ التجربة كويس .. وتلاحظ الأشياء المهمة ..
عالعمـوم .. مثل ما قال أحد الاخوان فوق .. الكويزات متشابهة في كل سكاشنه .. يعني لو تعرف أحد في سكشن قبلك أخذ الكويز .. تقدر تأخذ الأسئلة منه ..

المياجر: ما له دخـل .. هع

الفاينلات :
الفاينــل نظـري فقـــط ..
وأسئلة نارية .. تعتمـد على فهمـك للتجـارب فهم شامل ..
في شعبتي .. طالب واحد فقط أخذ أكثر من 3.5 من 5 ..

القريد النهائي:
أعطيـه B+

الصوت: واضـح .. وأكسنت هنــود .. .. يعني في حروف مبلوعه نوعاً ما ..


إضافات : راح تكرف إلى وقت متأخر من اللاب .. يعني لا تتوقـع أنك تطلع قبل 4 إلا ما نـدر ..

بالنسبة للتصحيح .. عني شخصياً كنت أقدم له ريبورت محترم .. فأخذت درجة نهائية 9.1 من 10 ..
فقط كنت أطبق نفس اللي يبيه .. وأحل التمارين .. وبعضها تطنيش .. وكان يهتم بالـ scale في الرسم والوحدات ومكان وضع البيانات ..
يعني الداتا حطها في الداتا .. ما تحطها في الثيوري أو الأناليسيس ..


أتمنـى إني أفدتـكم وأعطيكم نظرة شاملـة عنـه في هالسمستـر ..

تحيـاتــي ..

 

lab - phys 102
???

any recent news?

 

Phys 102 Lab Term 093

التحضير:
كل يوم ولا يدقق على التأخير

الشرح:
كان يشرح بطريقة جميلة ويبسط لك التجربه ويسهلها عليك وكان يتجنب بعض الفلسفة الموجودة في المانيوال بختصار شرحه روعه ومرتب بس في تجربة الكهرب ما الكهرب كانت التجربة صعبة ولا فهمنا عليه

الكويزات:
على حسب ما أذكر انها كانت في كل لاب وكانت سهله جدا

الفاينال:
كان ريتن ومتوسط وماقصر جزاه الله خير علمنا بطريقة الأسئلة

اضافات:
1) خلوق ومتعاون ولا عنده مشكلة تساله اي سؤال
2) لابه خفيف وفله مااذكر كنا نطول فيه
3) بطل في التصحيح اغلب التجارب 9 او 8 من 10 وذا انت مره داج 6 من 10

القريد النهائي:
A

 

أخذت عنده لاب phys102 ; الفصل 132

التحضير :

دقيق شوي

أول ما يبدأ الوقت يحضر ويعطي كويز مدته خمس دقايق لو تتأخر 5 دقايق راح عليك الكويز

طريقة الشرح :

يكتب كل القوانين على السبورة بشكل واضح ومرتب جدا بعدين يشرح التجربة

الكويزات :

نص من الكتاب بس عشان يتأكد انك قريت التجربة قبل تجي

الفاينلات :

متوسط ومفاجئ نوعا ما ( موب زي الاسئلة اللي اعتدت عليه باللاب ) ; بس ميزته عطانا 3 تجارب فقط

القريد النهائي:

b+ إلى a

الصوت:

واضح

إضافات :

* أكبر مشكلة بهالشخص انه مراجي لحد بعيد ونفسيته سيئة .. دايم يجي وكأنه مغصوب

* أحيان يتقبل الاسئلة أثناء اللاب واحيان يرفض يجاوب على أي شي بحجة انه شرحه أول اللاب

* أشوفه ممتاز وواضح بالشرح بس بعض التجارب مدري شلون جايه وتضطر تسأله بنص التجربة

* ما يعطي كل الأسئلة اللي بالكتاب زي بعض الدكاترة

 

خطيب الرحمن / R KHATEEB

المادة ورقم الترم: PHYS102 (Lab) & T202 (In-person)

بنود التقييم /

التحضير : بعد ما تاخذ الـ " Pre-quiz " يبدأ يحضر بالأسماء واحد واحد لو جيت بعد التحضير راح يجيك أتوقع بجيك منه " absent " لأن غالبا مشت فوق 10+ دقايق بالنسبة للـ " Make-up " يقبل فيه بس بيسألك عن السبب

طريقة الشرح : والله يا خويي الشرح كان جمييل وبسيط وماشي معك تكـه تكـه ومعطيك كل شي تحتاج بالترتيب مع اهم القوانين للتجربة ومختصر عليك الكلام الكثير اللي في الـ " Writer " والصراحة ياخذ وقت كثير لأن يمشي بالبطيء وبالتفصيل الممل فـ غالبا مراح تطلع بدري ولكن التجارب ما كانت سهلة بالذات الأخيره فـ التطبيق العملي اللي يسويه قدامك عالسريع ويكون مرة وحدة بس و GG .. لا أمزح يقول : اي شي توقف عنده نادني وارجع اشرح لك + في أول يوم بيذكر لك وش الأشياء اللي لازم تضمنها فالريبورت حقك صدقني لو تمشي على كلامه راح تكون بين " 9-9.5+ / 10 " ومن الأمثلة ( لازم تذكر اسم التجربة اول شيء ) + ( بعدها تحط الـ " Objective " المتطلبات ) + ( وتحتهم تكتب القوانين الأساسية الـ " Theory " ) .. وتكمل بالترتيب والتسينق اللي بيعطيك أياه ولاتنسى الـ " Unit " .. وطلب منا نشتغل على مجموعات كل أثنين مع بعض

الكويزات : سهلة بس تحتاج تستعد لها صح .. كانت أغلبها من الـ " Writer " اللي بالموقع لديبارتمنت وجزء بسيط مره معلومات عامة عن الموضوع تحصله بالـ " Lecture " .. طبيعتها كانت 8-10 أسئلة ويعطيك حدود 4-5 دقايق وأغلبها خيار متعدد ويمكن 2-3 أسئلة كانت كتابة وتكون بداية اللاب عن الموضوع اللي بتاخذه اليوم ، لكن لاتشيل هم حاول تركز على 90% أفكار دايم يكررها بكوزاته واللي هي :
* الـ Objective احفظها مافيها كلام دايم تجي + شكل القوانين وتكملتها + دايما كان بعد يجيب الـ " Slop " وش يعبر عنه + وكان دايم يسأل بعد ماعرفنا هالمعلومات وش نقدر نطلع + العلاقات بين الأشياء ( شيء vs شيء ) + .. والنصيحة الأعظم في أول كوز حاول تستكشف طريقة كتابته للأسئلة لأن مايغيرها .. ليش أول كوز لأنه راح يحذف لك أسوء كوز من أصل 6

المياجر : None
الفاينلات : None

القريد النهائي : A+

الصوت : مراح تواجهه أي مشاكل أشوفه متزن وواضح والأكسنت هندي وتقريبا بعض الكلمات راح يسوي لها دليت لكن كلامه بطيء ومفصّل فـ معليك

إضافات : أشوفه طيّب وحبيب ونظام شرحه ممتاز يخليه خيار أول + فالأخير حذف لنا أسوء ريبورتين .. وكان دايم يورينا أخطاءنا فالكوزات بين كل لابين مع الريبورت .. كان تجربة جميلة للأمانة اللاب الحضوري الأختياري مع د. خطيب ..
كـ تجربتي قدرت أطلع بـ 18/20 مع الـ " Normalization " وأستفدت من التطبيق العملي للتجارب وبالذات طريقة عمل وتحليل الـ " Circuit "