الكورس اللي ماخذه معه 102

التحضير : كل محاضره ينادي كل واحد باسمه يعني كل كلاس يروح منه خمس دقايق تحضير وطبعا يحضر نهاية الكلاس ,, اذا صارلك ظرف طارئ والا تأخرت ادخل باخر خمس دقايق

طريقة الشرح: والله متوسط ,, مهوب ممتاز ولا شين ,, بس مثل ماقال اخوي صالح ميزته بالسلايدات
صح ان فيها بعض الاخطاء بس على كلامه انها سلايدات جديده اول مره يسويها وانا اشوفها ممتازه لأني اعتمدت عليها بالاختبارات ولا فتحت الكتاب ,, والميزه انه مجمع اسئلة من الاختبارات القديمه ومرتبها بالسلايدات حقته

الكويزات : كل ريسيتيشن تقريبا يعطينا كويز ,, متوسطه وبعضها سهله ونهاية السمستر اخذ الافرج حق درجات احسن خمس كويزات

المياجر: كومن

الفاينلات : كومن

القريد النهائي: B

الصوت: واضح

إضافات : المدرس هذا يصلح للطلاب اللي مستواهم متوسط ,, لأن الشباب الممتازين ماشاء الله ماراح يفيدهم بشي
بس للي مستواه متوسط ووممكن انه يعتمد على السلايدات وبس راح يرتاح مع المدرس ​

 

كيف الاب معه يا ششباب محتار بينه وبين فواد عنايه في الاب ​

 

مافيه مجال للمقارنة عزيزي..فؤاد عناية أبطل منه بألف مرة

 

آممممم كنوار.. خذت معه Phys102 وهذا اللي عندي بالتفصيل:

التحضير: يومياً ويعطي كل واحد رقم ويقوله بنهاية الكلاس. تجيه مرات ما يكفي الوقت وما يحضر. والتأخير لك 10 دقايق.
طريقة الشرح: احسن شي فيه الشرح.. بالنسبة لي شرحة ممتاز جداً والكويس فيه انه دايم يحل أولد اكزامز.. يعني لو تركز معه بتدخل الاختبار وتقريباً كل المسائل مرت عليك..
عنده سلايدات مظبطها وحاط في كل تشابتر اولد اكزامز.. لا ومقسم الاولد اكزامز بعد على كل سكشن من التشابتر.
سلايداته يستخدمها بالشرح. واجزم ان اذا احد ركز معه وحل كل التمارين اللي بسلايداته+الرسيتيشن ما راح يقل قريده عن B+
الكويزات: موب صعبة وغالباً يكون حال مثلها باللكتشر.
المياجر:كومن.
الفاينلات :كومن.
القريد النهائي: b
الصوت: ممتاز وواضح والاكسنت حقته ما عليها لكن تجي منه زلّات هنود.

إضافات :
المدرس ممتاز وتحس انه يهتم بمصلحة الطالب.. يعني اللي ناويها دفرة وفهم ينزل عنده ولا يفكر.. لأن طريقة شرحه حلوة واللي يبي يفهم ما راح يطلع من الكلاس الا وهو فاهم.. فيه عيب يمكن ما يعجب الجميع انه قلق بالكلاس.. يعني ما يحب ان احد يرن جواله أو يسولف.. يحب ان الجميع يكونون معه مركزين. لكن بشكل عام المدرس متعاون ويحاول يساعدك باللي يقدر عليه.. لكنه ما يقدر يتعدى قوانين الجامعة لأنه يخاف. يعني مستحيل يعطيك بونس أو يشيل عنك غيابات.
عموماً المجتهد ما تهمه هالاشياء..

 

كيف اللاب ؟؟؟

 

Up

 

د. سنكوار كنوار 101
بنود التقييم :

التحضير : التحضير يومي وبالرقم يحضر ستين واحد كل محاظره ما عنده مشكله بس اذا تاخر بالشرح يقول خلاص مافي تحضير بس انتبه تقوله times up بيولع فيك

طريقة الشرح : هالمدرس بطل شريح ويتميز ان يشرح من سلايداته الي بصراحه اعتبرها افضل من سلايدات الجلال لان المدرس يشرح عليها ولمى تجي تذاكر تتذكر الشرح وفيها الرسومات المتحركة الي تفهمك الكونسبت ... حاجه ثانيه يفهمك افكار المياجر وطريقه حلها بابسط الطرق

الكويزات : متوسطه من الاولد اكزام .. يعطي 6 وياخذ افضل 5 ويزيد درجة في النهاية للي ما عنده غيابات
المياجر: كومن
الفاينلات : كومن
القريد النهائي: A
الصوت: واضح والاكنست كويسه يعني لا تخاف بتفهمه زين
إضافات : مدرس جيد وانصح فيه لـ 101
..

 

ااااااااااااااخ ليتني سمعت كلامك
شكلي بدردب الصيف عشان هالوجه الخايس حسبي الله عليه .,

 

مُدرس رائع والله ،،

توني عنده 101 ، وانصح فيه !!

 

كيف اللاب معاه يا شباب ؟

 

الأستاذ س . كنوار

محاضر

بنود التقييم :

التحضير :
تحضير كل الكلاسات .. في آخر الكلاس وغالبا بعد ما يخلص الكلاس بدقيقة أو دقيقتين يآخذ 5 دقايق من البريك يحضر .. ومرات إذا طول مرة بالشرح وحس انه زودها يكنسل التحضير .. بس شئ يحطم لما يدخل قبل الكلاس بخمس دقايق ويبدا يشرح ويطلع بعد ما يخلص الكلاس بخمس دقايق علشان التحضير
التحضير بالارقام .. كل طالب عنده رقم .. يقول الرقم ويناظر فيه ..
تتأخر أكثر من 10 دقايق يجلسك آخر الكلاس لأجل يغيبك ..

طريقة الشرح :
سلايدات من تصميمه .. شرح مش ولابد .. اعطيه 5 من 10 .. لكن اللي يقهرني انه يستحقر الطالب اللي اسألته يشوف انها تافهة ويرفض يجاوب عليها ويرد عليك بكلمتين يحسسك انك أهبل يخليك تخاف تسأله + سلايداته واضح انه تاعب عليها .. لكن أنا ذاكرت منها وصميتها لميجر ون .. جبت 7 من 20 .. حولت لسلايدات الجلال ميجر تو الصعب واللي كان الافرج فيه طايح جبت فيه 13 من 20 والفاينل 24 من 30 .. في كل الأحوال .. المدرس هذا تفهم منه شوي لكن الأغلب انك راح تعتمد على نفسك

الكويزات :
متوسطة سؤالين او ثلاث بس تختبر كامل فهمك على الباب .. مرة فاجأنا باختبار مافيه أرقام كله كلام ومفاهيم ما راح تعرف لكويزاته .. ويقهرك لا شاف وجيه الطلاب في الكويزات جايبه العيد , يبدا يردد ( I'm smart ) يحس انه جابها على الجرح ..
تقريبا كل اسبوعين كويز .. ويحذف لك واحد او اثنين .. وتصحيحه يمشي لك امور ويدفك درجة او نص درجة آخر التيرم بالكويزات ..

المياجر:
كومن .. بس يساعدك فيها قدر المستطاع .. الاسبوع اللي قبلها يجلس يراجع بس

الفاينلات :
كومن

القريد النهائي:
C+ كان بالإمكان أفضل مما كان .. الحمدلله على كل حال ..

الصوت:
واضح ..

إضافات :

لا أنصح بالتنزيل عنده لأنك أولا وأخيرا بتعتمد على نفسك بالدراسة ..

 

كيف لاب 102 معاه ؟

 

كوزات نار

متشدد بالتحضير

وبالنهايه من جنبها

لاتنزل عنده ابد

 

دكتور كنوار ..

أشتاق لكل محاضره له .. مُدرس جدًا عظيم ورائع

يقدر الطلاب المجتهد ودائما ماينصح الطلاب بأن يذاكروا الكتاب ويحلوا مسائل الكتاب لكن للأسف محد يسمع نصايحه


على الرغم أن فزكس 102 درسني اياه احمد منصور ، لكن حبيت كورس 101 بسبب كنوار !

اذا الطالب تابع معاه زين ... والله انه يشوف المسائل بالمياجر مارة عليه كلها بكلاسات كنوار

استفدت من المهارات اللي تعلمتها منه في حل المسائل وتكوين المعادلات والرسم في كورسات ثانية كثير

شكرًا كنوار !

 

مدرس متكبررررر ويستحقر الطالب لابعد درجه الشرح جداااا سيءءءءءء ومايغطي كل النقاط
ويقهر كل مسالة يجي عندها يقول انا حليتها اول خلاص مايحتاج احلها وهو اصلا ماجاب طاريها ><

مدرس دا تعتمد عليه 10 % بس و90 % عليك

نصيحه ابعدو عنننننننننننننننه

 

^^^^^^^^^^^^^^^^^^^^^^^^^^^^^^^^^^^^^^^^^
مع احترامي لك كلامك ما هو صحيح انا منزل عنده السمستر الاول و راح انزل عنده السمستر الثاني ان شاء الله

بنود التقييم :

التحضير :
تحضير اغلب الكلاسات .. في آخر الكلاس وبعض الاحيان بعد ما يخلص الكلاس بدقيقة أو دقيقتين .. ومرات إذا طول مرة بالشرح يكنسل التحضير .. بس
التحضير بالارقام .. كل طالب عنده رقم .. يقول الرقم ويناظر فيه ..
تتأخر أكثر من 10 دقايق يجلسك في مكان معين ويحط لك very late واذا تكررت مرتين تكون ابسنت..

طريقة الشرح :
سلايدات من تصميمه .. اعطيه 7 من 10 .. (لكن اللي يقهرني انه يستحقر الطالب اللي اسألته يشوف انها تافهة ويرفض يجاوب عليها) هذا اذا كان جالس يشرح من 10 دقايق ثم يجيك واحد يسال سؤال غبي شي طبيعي تكون ردت فعلك كذا ... سلايداته واضح انه تاعب عليها .. لكن ما تستغني عن الكتاب ... في كل الأحوال .. المدرس هذا تفهم منه شوي لكن الأغلب انك راح تعتمد على نفسك لان المادة سلف ستدي

الكويزات :
متوسطة سؤالين او ثلاث بس تختبر كامل فهمك على الباب .. مرة فاجأنا باختبار مافيه أرقام كله كلام ومفاهيم ما راح تعرف لكويزاته ..تقريبا كل اسبوعين كويز .. ويحذف لك واحد او اثنين .. وتصحيحه يمشي لك امور ويدفك درجة او نص درجة آخر التيرم بالكويزات ..

المياجر:
كومن .. بس يساعدك فيها قدر المستطاع .. الاسبوع اللي قبلها يجلس يراجع بس وهذي حسنه تحسب له

الفاينلات :
كومن

القريد النهائي:
A

الصوت:
واضح .. والاكسنت واضح

إضافات :
نزل عنده وتوكل على الله وراجع اول باول

 

الاحظ فيه تباين واضح جداً في التقييم

هل هذا يعني ان الدكتور متمكن فقط في فيزيكس 102 ؟

 

Physics 102 -122

التحضير :
نهاية الكلاس بنادي بالأرقام و يحضر على ملف أكسل, يعني لو ماجاب كمبيوتره او كان خربان مافي تحضير
تأخير أكثر من عشر دقايق ..غايب

طريقة الشرح :
يشرح على سلايداته .. سلايداته رهيبه و الأنميشن فيها خطير على أي حال هي ممتازه بالشرح لكن ما تنفع للمذاكره لأن أغلب الأجوبه فيها أخطاء

الكويزات :
امممم , يمكن مذاكرتي مو قدها

المياجر: كومن

الفاينلات : كومن

القريد النهائي:
A هو بططططططططل لكن فيه هياط شويتين

الصوت:
الصوت واضح لكن الأكسنت لك عليه
I'll show U >> I'll saw U


إضافات :

يهتم بالفهم أكثر من الحسابات فيه مره أعطانا كويز وقال أخطاء الحسابات مارح يهتم فيها يعني لو كتبت القانون المناسب للحل رح تاخذ الفل ماركـ..."هذا لا يعني كويزاته سهله "

​

 

الزبده انزل عنده 102 ولا لا