يعني يا شباب مافي أمل ابدآ في المدرس هذا ؟؟

 

شبااااب تكفون وقته ممتاز

في أحد أخذ عنده 214 ؟

 

افضل مدرس لغه انجليزية مر علي بعد ما كان اسوء مدرس
الصيف الماضي كان شديد جدا غير متساهل يستخدم اسلوب التهديد بكثر
لكن الترم الي راح كان مدرس مختلف تماما اسلوب جميل متساهل بشكل مو طبيعي و اعطى قريدات كثير c+ و b
فما تدري كيف المدرس هذا كل ترم اسلوب ولا تعدل

 

وش الفلم الهندي هذا

مدام انجليزيتك ممتازة ما تفكر تطور املائك العربي...؟

 

طيب يا حلوين تهقون يكره الشام بسبة إنه كان شغال سواق مدري إيش بالأردن ؟

من جد ترى بدى مخي يلحس من كثر الكلام السيء عنه

 

بالعربي ان نزلت عنده لا يحطك براسه ولا بتروح فيها
المدرس من اول اسبوع يحفظ اسماء الكلاس كامل وما ينسى

 

up

 

التحضير : يحضر يوميا
الشرح : يعيد الكلام ألف مررهـ , وشرح مافيه فايده
مايقيمك ع الانجليزي .. دائما يهمه التعليمات ( الخط , الوقت, عدد الحروف) << يحط عليها اكثر الدرجات
وزياده مايسمح لك تناقشه في اي شئ .. ودائما الطالب غلطان عندهـ , واذا صار لك اي موقف معه يفضح بك عند جميع الطلاب ويعيد الموقف ألف مرهـ ( حقوود بشكل غريب )



في النهـآية لآ أنصح فيه أبدآ .. راح يعقدك في الكورس ويسبب لك مشاكل غير طبيعية .. مقارنة بالاسايمنت اللي تسويها مع المدرسين الثانين .. هو دآئما أكثر الباقين ...

التقيم العام : F

 

كلمة حق سأحاسب عليها :
درسني إنجلش 101 ، وتقييمي له كالتالي :



التحضير :
كل كلاس يحضر من ملف الإكسل ،
ويحضر بالأسماء مو بالأرقام "لمحة احترام" ..

طريقة الشرح :
يكتب الـ Main Points لكل حصة على ركن بالسبورة ، وأحيان ما يكتبها ..
يشرح من notes يكون مجهزها ولو بغى يكتب مثال أو كذا يفتح ملف وورد ويبدأ يشرح ..
مهم عنده التعلم الذاتي ، يعني يعطيك روابط تعليمية وواجبات وما يسألك عن كثير منها ، يعني مبدأه إن هذي حياتك وأنت لو تبي تستفيد بتتعب ، أو بتعاني آخر شي ..

الكويزات :
الريدنج كويزز تكون من ال Mid Terms السابقة أو Finals ، خصوصاً قبل الميد تيرم والفاينل ..
ال writing tasks تكون كومن عن موضوع الكورس "في حالتنا كانت عن الصحة" ..

المياجر:
كومن ، ريدنج

الفاينلات :
كومن ، ريدنج

القريد النهائي:
A
واقروا الإضافات .

الصوت:
د. سافينو هو أسترالي من أصول إيطالية ..
يعني الأكسنت حقه نفس أكسنت الأستراليين ..
والكلمات الصعبة أو الجديدة على الطلاب يعطي لها كلمات مقاربة عشان تفهم أو يضرب مثال ..
الصوت واضح بالنسبة لي "لأني أحب الأكسنت البريطاني والأسترالي" ..

إضافات :
مثل ما قلت : ما ذكرته كلمة حق وسأحاسب عليها :
الرجل عادل لأبعد حد ، وبيحاسبك من منظوره الأكاديمي ، واهتمامك بيعني له الكثير ..
يعني إذا مستواك متوسط بالإنجلش ، لا تتأمل في قريد عالي ..
وإذا مستواك عالي جداً ، فيه فرصة تجيب b+ .. A .. b
وإذا مستواك عالي جداً جداً جداً ودفرة إنجلش من يوم انك صغيييير ممكن تجيب A+


ماني نادم على إني أخذت الإنجلش عنده ، بالعكس أحس إني استفدت ..
تعبت وبذلت جهدي وعدلت وحاولت .. والحمد لله على كل حال .

 

ابعد عنه

يكرفك طول السمستر

واخرتها يعطيك اقل من درجتكـ

ما انصحك فيه ابدا

 

التحضير :
كل يوم، اول اسبوع ينادي الين يحفظ الاسماء بعدين يحظر من نفسه.
طريقة الشرح :
يعطيك هاند اوت لكل درس ويشرح منها على البروجكتر، وفي دروس الرايتنج يفتح الوورد ويعطي اكزامبل خفييف.
الكويزات :
والله انا اشوفها لا صعبة ولا سهلة، متوسطة الا في بعضها يصعبها شوي، والكويزات اللي قبل الفاينل والميدتيرم كانت اولد اكزامز للميدتيرم والفاينل
المياجر:
كومون
الفاينلات :
كومون
القريد النهائي:
C
الصوت:
واضح جداا ويعيد الكلمات الصعبة، اعتقد هذي حسنته الوحيده
إضافات :
نززلت معه 101، ما يمر اسبوع الا وطالع لنا بشغلة، كررييف جدداااا
بالنسبة للرايتنج اكثررر شي يهمه الحجم، انا اول 3 رايتنج تاسك كللها c او c+ الرابع كتبتله صفحتين عطاني b...
تصحيحه بالرايتنج جدددا دقييق، قليلين الطلاب اللي ياخدون فوق c+ بالرايتنج
ايـضآآ، آنآآ اشـوف انه مدررس نفسسية، مزآجي جدددددآآآ، كلآس يجي مبسوووط للآخرررر و كلآس يجي ينكّد علينآآآ، وكلاس يطلعك بدرررري مررره وكلاس يقعدك فوق 10 دقايق زيادة >> لانه كلاسي كان قبل بريك الغدا ونفس الشي بالتصحيح، احس ماله معايير محددة للتصحيح...
انا منزل عنده ذا الترم، لسى ما اعطانا القريدات، لكن الله يفكنا منه على خيير...
عن نفسـي: مآآ رآآح انـززل عـنده مررة ثآنية لـوو وش يصيرر...

موفّقين...

 

كيفه في ٢١٤؟ صيف .. انحاش ولا؟

 

^
بالصيف حلوه بس بتاخذ اقل من حقك بكثير

 

التحضير :
بعد عشر دقايق من بداية الكلاس واذا تأخرت يرحب فيك بكل ادب وااحترام ويقولك ذكرني احضرك بنهاية الكلاس
طريقة الشرح :
يكتب وش اهداف الحصه لليوم على السبوره وبعدين يشرح من السلايدات وكلامه كله مفيد وجميل
الكويزات :
كل اعماله على الويب سيتي وبصراحه الرجال منظم وواضح بطريقة تصحيحه ولا يهتم باللغه كثير انت سوو اللي طالبه منك ويعطيك اعلى قريد
المياجر:
كومن
الفاينلات :
كومن
القريد النهائي:
A
الصوت:
واضح
إضافات :
من افضل المدرسين اللي اخذت عنده انسان عادل ومايحب الظلم ودينه ودين الغش او البلاقريزم.
انا اذكر رحت له مره الاوفيس وقلت له ان الطلاب في المنتدى مايمدحونك وقالي وش كاتبين وقلت له قصصهم ووقالي ان هذولا حريم مو رجال لو كانو رجال كان قالوا هالكلام بوجهي وبعدين وراني درجاتهم وانصدمت اغلبهم كانو غاشين او مش مسلمين نص الاسايمنت
يعني من الآخر اللي شتم فيه بصراحه العيب منه مو من المدرس

واي استفسار انا حاضر

 

^^^^^^^^^^^^
الله يهديك

هو انت اللي كلمته عن المنتدى
الرجال بدى يحقد على الطلاب
ويلف ويدور
ويسب في المنتدى طول الكلاس

 

انحشش عنه

 

انا شفت ردود سيئة كثير بخصوص هذا المدرس
وانا منزل عنده هذا الترم
ان شاء الله نهاية الترم ارجع لكم واكتب لكم تقييمي له

 

كيف عرف اسماء الطلاب اللي بالمنتدى ووراك درجاتهم ؟!

منزل عنده حاليا وبحط تقييمي ان شاء الله نهاية السمستر

 

وليش نظام التميلح طيب

 

شباب نتمنى تقييم منصف وحيادي

انا بأنزل معاه 214 ترم 122