Site Supervision vs. Design

الاشراف الميداني افضل من التصميم لانك اذا عرفت الشغل على ارض الواقع سهل عليك التصميم
صحيح الاشراف الميداني في تعب وقلق بس الخبرة اقوى من التصميم
والاشراف مرغوب اكثر في الشركات
والاشراف فيه علاقات اكثر ويغير شخصيتك في حالك ترشحت الى منصب ادارة
والله يوفق الجميع

 

السلام عليكم
اذا قصدك بالديزان اللي هي الكونسلتنق نفس جيكوب و فلور وورلي وهذي الشركات
فانا انصحك تروح فيها بيئة عمل راقية و تتعلم تكنيكال بشكل كبير مو مثل الاشراف اقرب للمانجمنت

اذا انت فرش نصيحة لك روح الديزان راح تاخذ اساس قوي و كبير في التيكنكال سايد و ايضا في المانجمنت سايد
و ذي الشركات غالبية مشاريعها مع الشركات الكبرى مثل ارامكو و سابك و صدارة و مرافق والى اخره

 

خبرة الفيلد تفتح لك مجالات ادارية بالمستقبل خصوصا لو كونستركشن تفتح مناصب بروجكت مانجر, كونستركشن مانجر, بروكيورمنت .. الخ أو ممكن تستمر فيلد طول عمرك على حسب الخبرة ورغباتك.

أما الديزاين طول عمرك شغل مكتبي لكن تترقى لجونيور وسينيور ديزاين انجنير ولك نزلات للفيلد من فترة لفترة.

بخصوص وش أفضل يعتمد على رغباتك وكلها فيها فلوس بالشركات القوية.

ما أعتقد هالكلام صحيح مع احترامي, خبرات الفيلد المتراكمة كلها سارت codes & standards يستخدمونها المصممين بالديزاين. لو تستغل هالسنتين بانك تشتغل ديزاينر من البداية(في حال رغبتك) يكون أفضل وخبرة بمجالك وراتب أعلى وان كان في شي تحتاج تتعلمه من الفيلد شركة الديزاين بترسلك للفيلد.

لو تجمع سنتين خبرة فيلد ويجي للشركة واحد خبرته سنة ديزاين أعتقد فرصه أفضل منك(في حال كانت الشركة شغلها استشاري وتصميم) فالأفضل لك تحاول تدخل المجال اللي تبيه من البداية.

 

الديزاينرز عندهم مناصب مشابهه(مدير فريق التصميم) مثلا يكون قائد فريق التصميم والتوقيع والاعتمادات بيده لكن اذا كان يبي يكون بروجكت مانجر ويراقب نسبة انجاز المشروع وأسباب التأخير والميزانية صحيح لازم يبدأ بفيلد ويستمر فيه لفترة.

بخصوص الراتب المتوسط للفريش قراديويت متقارب, اذا الشركة ممتازة ولها مشاريع تعطي رواتب +12 ألف سواء فيلد أو تصميم.

مثلا فلور شركة تصميم قوية وتعطي رواتب +12 ألف وبكتل برضو شركة قوية وتعطي +12 ألف وشغلهم فيلد فلا تبني قرارك عالراتب لأنه يعتمد عالشركة مب المنصب.

 

اشتغلت 3 سنوات في الدزاين في احدى شركات الاستشارات الهندسية و بكل اسف كل الشغل عبارة عن copy/paste
يمكن يكون كلامي خاطىء لكن اتوقع انو في السعودية لا يوجد لدينا دزاين حقيقي كما في الدول المتقدمة زي امريكا و غيرها

بينما خبرة الفيلد في رأيي افضل لانك راح تفهم في الكونستركشن بل و راح تفهم ايش هي اخطاء الدزاين و هل التصميم بحاجة الى تغيير او لا ... هذا غير عن المهارات الاخرى اللي بتكتسبها من ادارة و اشراف و تواصل ...الخ

بالنسبة لي مهندس الدزاين في السعودية "مهندس على ورق " لا اكثر لانه ما يقدر يعرف هل تصميمه يشتغل صح في الفيلد او لا ...الا اذا كان البوزيشن انو يقوم بالتصميم و يشرف على الكونستركشن في نفس الوقت فهذا هو الافضل

بالنتيجة الفيلد كـ خبرة افضل في رأيي ...لكن حط في بالك انو الفيلد فيه عيب كبير جدا و هو عدم الاستقرار و كثرة السفر