سلام عليكم .. كيف حال الشباب مع المياجر .. فيه موضوع لي قديم كتبته بأحد المنتديات سابقًا > لا تروح وتدور على موضوعي يا Br4ve استعنت ببعض الكتب والموقع لترتيب الموضوع بالشكل اللي راح يظهر امامكم واتمنى ان المعلومات تصل بالشكل المطلوب .. مع الإشارة أنه لا يجب عليك حفظ هذه المعلومات أنما هي للفائدة العامة فقط .. بسم الله في الموضوع هذا راح اتكلم عن أهم المواضيع اللي تهم اللينكساويين : 1- نظام الملفات في لينكس ووحدات التخزين 2- استخدام الطرفية بإحتراف في مهام عديدة وأساسية . 3- نظرة شمولية على مدير الحزم والحزم والصيغ التنفيذية الشائعة للبرامج في بيئة لينكس . 4- تركيب التعاريف الناقصة ( مثل كرت الشاشة ). 5- تركيب أهم البرامج والحزم وتحسين البيئة التي قد تحتاجها كمستخدم لللينكس 6-تعريف الملحقات مثل الطابعات والهاردسكات وغيرها نبدأ بأول قسم وهو 1- نظام الملفات في لينكس ووحدات التخزين في البداية لازم نعرف ان لينكس مختلف تمامًا عن وندوز في تقسيم الملفات وبرضه المسميات ونظام الملفات .. وحدات التخزين 1st : /dev/hda = Primary master هذا المقابل للسي في الوندوز وهو الهاردسك الرئيسي ويوجد فيه نظام الإقلاع للإنظام راح اكتب كل هاردسك والمقابل له في السي hda1= C hda5= D hda6= E hda7= F 2nd : dev/hdb :Primary slave الوحدات التخزينية مثل الهاردسك والفلاش والتي تستخدم لتخزين وحدات اضافية خارجية ومسمياتها بالنسبة لوندوز . hdb1=G hdb5=H hdb6=I hdb7=J 3rd : /dev/hdc : Secondary master وهذي هي السواقة او السيدي روم وهذا رسم توضيحي لكلامي عشان لا تدوخون وتحطونها في راسي انكم ما فهمتوها زين طيب خلصنا من وحدات التخزين الآن ننتقل لنظام الملفات في لينكس نظام الملفات المتعارف عليه في وندوز هو VFAT&NTFS ولكن الكلام في لينكس مختلف تمامًا فنظام الملفات في لينكس هو 1st : EXT2&EXT3 طبعًا EXT2 أصبح طراز قديم مقارنة مع EXT3 لأنه تم تحديث الكثير من المشاكل فيه وبعض الأخطاء ايضَا .. 2nd : SWAP يعبر عن الذاكرة التكميلية للجهاز وهو الشكل الوحيد اللي يتعرف عليها اللينكس ومن المتعارف عليه ان تكون ضعف الرام الخاص فيك هناك نظام جديد يسمى ب reiserfs لا اعرف عنه الكثير لأنه تم تطبيقه مؤخرًا في بعض التوزيعات الجديدة .. والآن ننتقل للقسم الثالث وهو 2- استخدام الطرفية بإحتراف في مهام عديدة وأساسية الطرفية وما ادراك ما الطرفية .. كل شيء ممكن تسويه عن طريقها تحدث نظامك تركب برامج تفك ضغط كل شيء ببالك .. طيب كيف استخدامها الطرفية تعتمد على شيئين مهمه الأول المسار بمعنى مسار الملفات لازم تعرفه لأنه مختلف تمامًا عن الوندوز مثلا / >> السلاش ويوجد فيه جميع ملفات النظام ومجلداته مثل root , home , var , etc أهم مجلد وراح تتعامل معاه كثير هو مجلد هوم .. لأنه بداخله كل شيء يخصك .. بالنسبة للأوامر راح أجلها لأن بالبداية راح يكون التعامل معاها صعب خاصة على مبتدأ ولكن بخصص لها موضوع ان شاء الله في القريب العاجل .. والآن ننتقل لأهم قسم بالنسبة لي ولكم وهو - نظرة شمولية على مدير الحزم والحزم والصيغ التنفيذية الشائعة للبرامج في بيئة لينكس مدير الحزم هو المدير المسؤول عن البرامج والحزم المنصبه عندك على النظام وهو يعتبر حلقة وصل بينك وبين النظام ليوفر لك البرامج اللازمة للتعامل مع مختلف الملفات وتوفير الإحتياجات الخاصة بك كمستخدم . البرامج في اللينكس مقسمه إلى عدة انواع : # source code وهذي أضمن الطرق لتركيب البرامج من مصدرها بمعنى برامج مصدرية سؤال / كيف أحصل على هالبرامج المصدرية ؟! عن طريق هالموقع http://sourceforge.net # Binary package كمبتدىء في عالم اللينكس راح يعتبر هالقسم صعب عليك لأنه يحتاج لك تعود على التريمنال ( الطرفية ) فراح يتأجل مع موضوع الطرفية بإذن الله ولكن لنأخذ نظرة عامة عنه هو بشكل أساسي يعتمد على البرامج المصدرية لنأخذ مثال بسيط عندنا برنامج مصدري ونبي نركبه على الجهاز حملناه البرنامج لازم ينعمل له ترجمه (compile) عشان يفهمه البوكس لأن زي ما نعرف أن الكمبيوتر ما يقرا اللغة الإنجليزيه فهو مجرد يفهم لغة الباينري بمعنى اسهل هو تحويل سورس البرامج المصدرية إلى برنامج تنصيب بمعنى Wizard installation ولكن باللينكس ما يسمى هالإسم بس لأني حبيت اقرب لكم الفكره بشكل ادق .. راح تنفهم أكثر لما اشرح الطرفية وتركيب برنامج مباشرة بإذن الله # package file من اسهل الطرق في تركيب البرامج في اللينكس خاصة في الأوبنتو لما تكون الحزمة deb بمعنى انها حزمة ديبيانيه اللي هي مبنيه عليها اوبنتو بالأصل ومخصص لها واجهة رسومية من اوبنتو .. فمجرد تحمل الملف الخاص بالبرنامج على هيئة ديب وتضغط عليه كلك مرتين وراح يفتح ويعطيك الواجهة ببساطه وتعمل له تنصيب بكل خفه انتهيت من هالنقطة الآن ننتقل للنقطة الآخرى وهي تركيب تعريف الشاشة والتعاريف الناقصة .. طبعًا من المعروف بأن الكيرنل في اللينكس يتعرف على جميع الملحقات ولكن احيانًا يواجهة مشكلة في تعريف الشاشة فتحتاج تعرفها لكن في اوبنتو الوضع مختلف شوي بحيث يوبنتو وفرت خاصية التعريف ولكن تحتاج انك تفعلها بنفسك يدوي بمعنى هي تجيب لك التعريف المناسب ولكن لازم انت تعطي الأمر بتحميله وتنصيبه والأمر سهل وبسيط جدًا .. صورة بسيطة للأداة additional drivers وهذا فديو لطريقة عمل الأداة المصممه من اوبنتو http://www.youtube.com/watch?v=MaPOMLaHOxA ننتقل الآن للجزء الآخر وهو تثبيت الطابعات والهاردسكات غيرها .. بعضها راح يسأل الآن عندي طابعة او هاردسك وابي اركبه على اللينكس هل راح يتعرف وهل احتاج احمل تعريف له ؟! طبعًا الإجابة راح تكون أن في معظم الأجهزه صار اليو اس بي من النوع Plug and play بمعنى اشبك وراح يشتغل في النهاية , أعرف بأن اغلب الشرح اخذ طابع الكتابة ولكن كان قصدي بالموضوع في المقام الأول انه يكون مفهومي بمعنى Conceptual عشان نقدر ندخل هالعالم واحنا فاهمين المفاهيم وراح اوعدكم بإذن الله بشروحات جاية بالفديو فقط بس اشوف الناس تحمست لعالم اللينكس والجايه راح احاول كلها تكون فديوز لأني سيء في الشرح الكتابي صراحه لا تنسوني من دعائكم لي ولوالدي والتوفيق في المياجر الجايه وإن اصبت فمن الله وإن اخطأت فمني نفسي والشيطان
السلام عليكم موضوع ممتاز أنا حاولت اركب اليونكس على جهازي وعحزت نزلته من النت بس في مشكلة في الCD ابعا احد يساعدني فيه وهل ممكن تركيب البرامج الاخرى مثل Outlook, MATLAB, OFFICE, Apple products, لأني طفشت من الوندوز شكرا
حياك الله يالغالي .. التركيب سهل ولا يبي له شيء - ان شاء الله .. لكن بالبداية وش هي المشكلة اللي معك بالسيدي ؟ بالنسبة للبرامج اللي ذكرتها فيه اللي لها بدائل تغني عنها أو موجود منها نسخه لينكس فمن هالناحية لا تشيل هم ابدًا .. وتذكر شيء حنا ما وجدنا هنا إلا لمساعدتكم ..
الله يجزاك خير نزلت نسخة من اللنكس من الإنترنت ومكتوب لزم أحطه في CD بعدين يتم تركيب البرنامج من الCD المشكلة عندي الCD Driver الله بالخير مشي حالك. مرة يشتغل مرة لا وكل ماجيت اسوي نسحة يطلع خطا فهل فيه حل آخر مثالا عن طريق الهاردسك الله يكثر خيرك ماقصرت.
ايش احسن توزيعة لمبتدأ في اللنكس يا شباب ..ووده يشوف النظام كيف بنزله على بارتشن خفيف بالهاردسك عشان أجربه .. ويعطيكم العافية مقدماً
حمّل البرنامج هذا http://www.linuxliveusb.com/ واحرق التوزيعه على usb وبذلك تصير تستخدم النظام من الـ usd من غير الحاجه لتثبيته على هاردسك جهازك هذا دليل المستخدم للبرنامج http://www.linuxliveusb.com/en/help/guide وهذي هي الاسئله الشائعه http://www.linuxliveusb.com/en/help/faq موفق
حبيت احدث المعلومه الأولى وهي ان فيه نظام ملفات أحدث الآن وهو EXT4 من مميزاته انك تقدر تحفظ ملف بحجم 16 تيرابايت والحد العلى للحجم الكلي لنظام الملفات EXT4 هو 1 اكسابايت. والنظام مستقر أكثر ومزاياه أكثر من سابقيه بالنسبه لـ SWAP الحركه هذي قديمه ايام ما كان حجم الرام صغير في اجهزة الكمبيوتر مقارنة بالوضع الحالي. تخيل لو حجم الرام في الجهاز 8 قيقا ، هل تختار حجم سواب 16 قيقا ؟ بالتاكيد لأ . أخيرا ، افضل حجم هو 2 قيقا. فيه نقطه حبيت اوضحها هنا وهي ان فيه مركز برامج في اللنكس له واجهه رسوميه وتقدر تبحث فيه عن البرامج اللي تبغاها وتثبتها من خلاله. علما ان مو كل البرامج تتوفر فيه ، لكن لو بحثت بالنت راح تلقى ملف تثبيت لها وغالبا يجي معها ملف READ ME يشرح لك طريقة التثبيت من طق طق للسلام عليكم ويجي فيه بعض مشاكل التثبيت. شكرا جزيلا على الموضوع. استمتعت في قرائته كثيرا. من اول ما نزل وانا ودي ارد لكن كنت اسوف واخيرا كسرت هالعاده واعتبرني حجزت مقعد من الحين لمواضيعك الجايه يا صديقي