الدكتور أردني جديد فالجامعة
ماث 201 ترم 162
التحضير : آخر الكلاس وما يعطي ليت بس اللي يتاخر يخليه واقف برة شوي .. مرات كان ياخرنا دقيقتين زيادة عن وقت الكلاس
طريقة الشرح : الدكتور شريح ولكن شرحه سريع شوي بالنسبة لي ما كنت افهم كل شي احب اللي يشرح بروقان .. يسأل الطلبة عن طريقة حل المسائل ويطلعهم عالسبورة
الكويزات : متوسطة ,, اخذنا 5 وحذف أسوأ كويز وفي كويز صحح ثلاثة اسألة من اصل خمسة واللي حل ثلاثة صح اعطاه فل
المياجر:كومن
الفاينلات :كومن
تقييمي للدكتور :B
الصوت:واظح والانجليزية ممتازة
إضافات :ممكن ما يتعمق بصعوبة الاسئلة واجد و مرات يشرح من السلايدات وهذا اشوفة غير صائب لمادة مثل الماث
فتصحيح المياجر في حلول ما اعطى عليها بوينتس مادري بسبب السرعه او شي ثاني بس راجعة بيعطيك حقك وزيادة

 

اي معلومات يااخوان Math201 ؟؟

 

يسمح بالميك اب ؟

 

Math 102 term 172
الدكتور طالب الكردي، أردني الجنسية خلوق لأبعد حد والكلاس عنده ممتع ومفيد.

التحضير : يحضر كل يوم لكنه مستاهل من ناحية التأخير ، فيه طلاب يدخلون بعد 10 او 15 دقيقة ويحضرهم.
طريقة الشرح : شرحه ممتاز جدًا، لدرجة أني اذا جيت بذاكر الكتاب ألقى كل شيء فاهمه لأنه شرحه، يلتزم بالأمثلة الموجودة في الكتاب ويشرحها بشكل رائع، ممكن مايتعمق كثير بشرح الأفكار النظرية و(proofs) لكن كون ماث 102 مش قائمة على الاثباتات فهذي نقطة تحسب له.
الكويزات : مش صعبة للي يذاكر .
المياجر: كومون
الفاينلات : كومون
القريد النهائي: A+
الصوت: واضح، بس يتكلم عربي كثير نوعًا ما.
إضافات :

ما بتردد أنزل عنده لو ألقى فرصة في 201 أو غيرها.

 

Math 101 - 171

التحضير : بعد خمس دقايق ما يسمح لاحد يدخل في اغلب الحالات لكن احيانا يسمح.
طريقة الشرح : يستعمل السلايدات اللي تجي مع الكتاب( للاسف) ... ما اقول شرحه سيئ بس كان ممكن يكون من مصدر افضل.
الكويزات : سهلة عطانا 6 كويزات وحذف الاسوء .. تحل اسئلة الريساتيشن والاسئلة المقترحة في السيلبس تضمن كلاس ورك حلو لانه يجيب افكار قريبه منها.
المياجر:كومن
الفاينلات :كومن
القريد النهائي: B+
الصوت: يبلع شوية حروف بس بشكل عام واضح.
إضافات :
الدكتور اخلاق، مرح، شباب لكن له ايجابيات وسلبيات ..
الايجابيات : شرح واضح وما يجيب النوم ودايم نهاية الكلاس يحط اسئلة يجبها من عنده فيها افكار حلوه يعطينا وقت نحلها و يصير نقاش فيها + عطانا 3 هيلب سشن قبل الميجرين وقبل الفاينل (رغم انه ما كان في داوم اسبوع الفاينل ) + اذا منت فاهم سؤال في الكويز يشرحه لك (مره شرح نص السؤال ما بقى الا التعويض) .

السلبيات :ما عنده نوتة او سلايدات خاصة فيه فلازم تشوف لك مصدر مناسب ترتاح له مثل الكتاب او نوتة دكتور ثاني ( الكتاب ممتاز لكن المياجر في 171 كانت فوق مستوى الكتاب عكس 172 اللي كانت مقاربة لمستوى اسئلة الكتاب).

اذا الدكتور عدل السلبية اللي عنده بيكون من افضل دكاترة القسم ..الى هذاك الوقت لا تخليه خيارك الاول.

 

MATH 101 - 171
التحضير : مرن ويسمح بالميك اب اليومي( هذي ميزة رهيبة فيه) لكن التأخير ما يسمح فيه لك ٥ دقايق اذا ما جيت أحضر له كلاس ثاني

طريقة الشرح : على السبورة يشرح أمثلة وبعض المرات سلايدات الكتاب يعني ما عنده مصدر محدد.

الكويزات : سهلة.

المياجر: كومون.

الفاينلات : كومون.

القريد النهائي: A

الصوت: واضح.

إضافات: الدكتور خلوق ومتساعد وأيضًا يحفظ كل طلابه من أول اسبوع بالاسم يحفظهم.

 

Math 201, Term: 181

التحضير: يحضر بالبلاكبورد بنهاية المحاضرة، ومايدخل المتأخرين اكثر من ١٠ دقايق.
يسمح بالحضور في اي شعبة من شعبه، يعني يمديك تحضر يوم الاحد في شعبة والثلاثاء في شعبة والخميس في شعبة ولا بيقول شي

الشرح: عنده نوتة يفتحها ويحل الاسئلة اللي فيها، يشرح فكرة الدرس بشكل سريع و يركز على حل الامثلة أكثر. سريع جدا بالشرح، يعني مايمديك تفهم المثال الاول الا وهو طاب في الثاني ومخلصه لكن مع ذلك شرحه جيد ومتجاوب مع الاسئلة.
النوتة اللي يشرح منها جدا ممتازة، احسن من الكتاب حتى وفيها اختصارات كثيرة، لكن مشكلتها مافيها حلول، لذلك يبغالك تكتب وراه بالمحاضرة. ماتحس بثقل المحاضرة معاه، ويحب ينكت كثير، والصراحة ذباته حلوة

الكويزات: للحين وصلنا نص الترم عطانا كويزين فقط، وكلها سهلة. بأخر كويز سألوه الشباب عن سؤال وشرحه لهم ومابقى الا يحله عنهم.
التصحيح: متساهل شوي، يحاول يعطيك الدرجة بكل الطرق

مشكلة الدكتور فقط انه يعطينا هومووركات طويييييييلة جدا وتهد الحيل، فوق ٥٠ سؤال تقريبا. لكن يوم كلمناه نقصه لنا شوي و الصراحة انه متفهم جدا للطلاب، اخر هوموورك اجله اسبوع واللي قبله اجله ايضا. محترم لابعد درجة ويحب ياخذ ويعطي مع الطلاب.

 

الدكتور من أعظم ما خلق ربي من المعلمين؛ نزلت عنده كل كورسات الماث اللي عندي ومتحسف إنه معد بيدرسني مرة ثانية.
من أفضل المعلمين اللي مروا في حياتي، راح أفقد الدكتور حقيقة لكن بإذن الله يبقى لي تواصل معه.

لو ودك بتجربة تعليم مختلفة مع معلم مختلف، أنصحك من كل قلبي تجرب تدرس عند هذا الدكتور.

دعواتي له دائمًا ...

 

181 - ماث201
الدكتور قمة في الخلق و التعامل و الشرح
التحضير غالبا اخر الكلاس
انصح فيه بقوة

 

هل يعطي وقت لكتابة الحلول وقت الشرح؟؟

 

ما أكتب معه كثير صراحة، بس لما أكتب يكون فيه وقت

 

هل الدكتور يعطي هوموورك غير الاونلاين هوموورك ؟

 

Math 202
182

التحضير : يحضر نهاية الكلاس و مايسمح للي متأخرين فوق الربع ساعة ب الدخول, احيانا ياخذ زيادة دقيقة او دقيقتين على وقت الكلاس للتحضير في النهاية, ويسمح ب الميك هذا احسن شي.

طريقة الشرح : يستخدم ال surface pro في الشرح على ال one note, شرحه ممتاز و راح يرفع الملفات ع البلاك بورد

الكويزات : اول كوز خلاه عبيط متعمد عشان ينزل الافرج, الكوزات الباقي كانت عادية و المذاكر راح يحل.

المياجر: كومن, لكن ضروري تروح المكتب تشوف اختبارك عنده, لأن ممكن في حاجة ما انتبه لها و ما اعطاك درجتها
او ممكن تحاجج معاه على سؤال منقص عليه كثير , و ما راح يقصر, الميجر الثاني زودني 4 درجات ولا وحدة استحقها لو امشي على السلوشن

الفاينلات : ما بعد اختبر ف IDK

القريد النهائي: A

الصوت: ,واضح و ينسمع من نهاية الكلاس

إضافات: الدكتور حبيب و فاهم, لكن اذا شافك متنح و فيك النوم ممكن يقولك روح غسل , او اذا شاف هالشي يتكرر كثير منك ممكن احيانا يطردك, و نفس الحكاية معا الجوال اول ما يشوفك تطقطق فيه ؟ " اتفضل اطلع "
sooo be careful

 

بنود التقييم - منقول عبر واتساب

اسم المدرس : Taleb Kurdi
المادة : Math201
الترم: 183

التحضير : يسمح تأخير عشر دقايق لكن مايدخلك الكلاس بعدها و يحضر كل يوم نهاية المحاضرة

طريقة الشرح : يشبك الايباد على البروجيكتر ويحل بسرعة وبطريقة مو مفهومة لكن اذا سألته يجاوبك و ممكن يعيد السؤال عشانك اهم شي اسأل

الكويزات : كويزين بلاكبورد و كويزين رتن

المياجر: كومن
الفاينلات : كومن
القريد النهائي: B
الصوت: كويس
إضافات :
يشرح لآخر ثانية وممكن يأخرك دقيقتين عشان يخلص الدرس

 

MATH202
TERM182

التحضير: يحضر بنهاية المحاضرة، ومايدخل المتأخرين اكثر من ١٠ دقايق. والميك اب مسموح

الشرح: عنده نوته يقعد يشرح منها ويحل امثله وللامانة شرحه ممتاز.

الكويزات: للاسف اعطانا بس كويزين خلال السمستر وكل كويز عليه ماتيريال كثييييير. ومهي سهله مره.

الواجبات: عيبه ان اسئلة واجباته جدا كثيره حتى لو الحل عندك تتعب وانت تنقش.

التصحيح: هنا انا عندي ملاحظة.. لمن طلعت درجات الفاينال رحت اراجع ورقتي معاه ولقيته معطيني سؤال كامل صفر وانا حاله صح بس صححه مره ثانيه واخذت فل عليها. وباقي الاسئلة خاسفني فيها شويه حتى لو الجواب صح.

اللي ابغى اقوله لو انت مو شاطر بالماث لا تنزل عنده لان ترى اكتشفت ما يحب الا الدوافير وما يدعم الا الطلاب الدوافير... اما اللي على قد حالهم عادي يخسفهم ويصكهم افات عادي. وانا اعتقد انه كان بيخسفني في الدرجات لانه كان اخذ عني فكرة مو كويسه. لاني مره بس اتأخرت ١٠ دقايق عن الكلاس ببداية السمستر + كنت انعس بعض الاحيان وانام فشكله اخذ فكره عني اني مهمل وقرر يخسفني بكل شي حتى الكلاس وورك اعطاني ١٣ من ٦٠ وانا الصراحه كان عندي ظروف. طبعا كلامي موجه لطلاب اللي تنجح في كورسات الماث ب D و D+

بس ما اقول غير الحمد لله

 

بنود التقييم -

اسم المدرس : Taleb Kurdi
المادة : Math102
الترم: 192

التحضير : يسمح تأخير 5 دقايق على كلامه لكن مايدقق لو تجي بعدها حبيب الدكتور .

طريقة الشرح : يشرح ب surface pro ، يحط امثله على كل جزئية من الدرس ويشرح عليها ، شرحه ممتاز جدا جدا يحط امثله الكتاب ويحلها ويغير عليها شوي وبعد الكلاس ينزل النوت اللي بالكلاس بالبلاك بورد .

الكويزات : كويزين الى الان واحد صعب مره والثاني نفس مستوى الاولد اكزام .

المياجر: كومن
الفاينلات : كومن
القريد النهائي: A+
الصوت: كويس
إضافات :
الدكتور اخلاقه عاليه جدا جدا ، مايحب تقعد بالجوال او تنشغل بشي ثاني بالكلاس .
الدكتور عنده مشكله انه مايحل اولد اكزام كثير يعني يحط ممكن كم سؤال بالشرح زي الاولد اكزام لكن قليل .
الغياب محسوب بالكلاس وورك عنده ف اذا انت حق غياب العب بعيد عن الدكتور .
اذا تبي تفهم الكونسبت نزل عند الدكتور يفهمك اياه وزياده ، لكن اذا تبي احد يحل كثير مره معك اولد اكزام ف شف دكتور ثاني مع ان مافيه بالقسم ناس يحلون اولد اكزام واجد الا محسن الشهراني و الفرج .