الدكتور ولفقانج فورنر بروفيسور http://faculty.kfupm.edu.sa/CHEM/forner/ بنود التقييم : التحضير : طريقة الشرح : الكويزات : المياجر: الفاينلات : القريد النهائي: الصوت: إضافات :
وش سالفته هالدكتور ما احد يبي يتكلم عنه ؟ فيه 13 مشاركة محذوفة فوق قبل مبتسم كلها تطالب بالرفع والمعلومات لكن حذفناها بحكم انها قديمة .. يا ليت اللي يعرف عنه شيء يكتب يا شباب .. لوجه الله !
بنود التقييم : التحضير : ورقه وتمشي طريقة الشرح : على البروجكتر ويقراء قرايه <<<<<سيء الكويزات : فوق المتوسطه المياجر: كومــــــن الفاينلات : كومـــــن القريد النهائي:c الصوت: واضـــــــــح
مدري دآج وفله ويحب ينكت انا اخذت 311 مع الداعوس وكنت اعرف كم واحد مع فورنر يقولون ان شرحه سيئ لكن قبل الاختبار يدفك بكم سؤال تلميح عن اسئله الاختبار هذا كل شي اقدر افيدكم ... :: عزووز ::
السلام عليكم بصراحة أنا عند المدرس في الفصل الحالي Chem311, الشرح: سيء طريقة الشرح : سلايدات يقرأها باستخدام البروجكتور. الكويزات : متوسطة إلى سهلة ( أسئلة محددة من المانيوال سولوشن ). الصوت: جيد و لكنته رائعة. التحضير : ورقة تمر على الطلاب يسميها هو (Book of Lies), لأن ما يحضر عنده إلا نصف الفصل والنصف الباقي ساحبين و يحضرونهم زملائهم, و لو أتيت بعد (ثلث,نصف) ساعة أو أكثر و لا كأن شيئاً حصل ;يقول ("Lucky you I don't care"). المياجر: كومون ( اختيار متعدد). التقييم : c ملاحظة في اللاب أفضل منه في الحصة , و يتساعد معك في قضية التقارير , أتذكر مرة كان علينا ميجر 1 لل Chem 311 في نفس يوم اللاب ,ققال طلابي ليسوا بحاجة إلى أن يعطوني ( pre-report) ولا الرسم و لا حتى بيانات التجربة, فقط أنهوا التجربة و اذهبوا و سلموا لي المطلوب الأسبوع القادم.
اخذت عنده 102 لكتشر في الصيف.. التحضير : ورقة تمشي يوميا طريقة الشرح : سيء جدا ويستخدم البروجيتكر الضوئي القديييييييييم خخخخ الكويزات : كل رستيشن اختياري وقريب للسهل. المياجر: متوسطه الفاينلات : متوسط القريد النهائي: +c الصوت: وسط قريب للمنخفض وبعد المرات يجيب النوم...الاكسنت بك عليه شوي... إضافات : يحب يقط نكت باااااااااااااااايخه جدا حاول تخليه اخر اختياراتك... بالتوفيق...
أخذت معاه Chem101 التحضير: بالورقة، لكن مرة قد لخمنا وحضر بالاسامي (مرة وحدة بالسمستر). طريقة الشرح: نفس السلايدات حقت الكتاب يجلس يشرحها.. شرحة اعتبره عادي جداً.. الكويزات: أتذكر انها مالتبل تشويس.. و عبارة عن 5 اسئلة.. وعادة ما تكون صعبة. المياجر: كومن. الفاينلات: كومن. القريد النهائي: C+ الصوت: ممتاز ولكنته انجليزية وواضحة جداً. إضافات: ما ادري ما عندي اضافات زيادة. المدرس ألماني الجنسية بس مو مبين عليه لأن لكنته انجليزية بحتة. بشكل عام المدرس عادي جداً.
Chem 311 - الترم 111 أنحححححححححححححش !!!!!! فر منه كفرارك من الأسد !!! شرح مييييييح بكل ما تعنيه الكلمة من معنى ... آفرج سكشنه دائما اقل من باقي الدكاترة (وبفارق كبيـر) .. طريقة الجشح على بروجيكتر قديم (ابو ورق شفاف) وما يمديك تقرا شي !!!! بالنسبة للتحضير ورقة وتمر عالطلاب ويمديك تحضر اخوياك وتحضر ابناء الدول المجاورة اذا تبي بعد !! بالنسبة للكويزات يجيبها كوبي بييييست من الهوموورك وبالأرقام .. والشعب كانوا يصورون السليوشن بجوالاتهم وينقلونها (كوبي بيست) على ورقة الإختبار ... ونتايج الكويز اكثر من نص الكلاس ماخذ (10 من 10) .. المياجر والفاينل (كومون) الدكتور اخلاقه جدا سيئة مع الطالب في المحاضرة ولكن في المكتب تعامله يختلف كثير .. بإختصار هالكورس لا تفكر ولو مجرد تفكير انه تنزل مع هالفورنر !!! أنحححححش !!!
Chem 311 Lab Term 121 التحضير: يتأخرون الشباب مايقول شي بس في بعض المرات يعصب شوي. في يوم من الأيام وأن دايما أجي بدري 7:40 من الإجتهاد جيت متأخر دقيقتين حط علي سالفه وقام يصرخ ويخانق كني ذابح أحد من أهله والله انها فولت معي وبغيت أرد عليه لكن مشيتها وبعد هالموقف السخيف منه كرهته الشرح: زفت وأزفت من الزفت لدرجة اني في بعض الأحيان أكون فاهم التجربة ولكن لما يشرحها تضيع المعلومات اللي في راسي أخلاقه: زفت ويرد عليك بنفس خايسه. مالك إلا سؤال واحد يرد عليك بشكل طبيعي وبعد كذا اذا سئلته أي سؤال يعصب ويقول انا قيد شرحتها وانت مانت منتبه وقد كتبتها على السبورة. أنا عن نفسي ما عاد أسئله واعتمد على الله ثم على نفسي. مميزاته: فيه ميزه كبيره انه مايدقق في تصحيح الريبورت ومسهل عليك كتابة الريبورت ودرجاته عاليه في الريبورتات اذكر اقل ريبورت أخذت فيه 8 من 10 والباقي أكثرها 9 من 10 الكويزات: مافيه القريد النهائي: أعطيه D الأخلاق قبل كل شي
التحضير بالورقه لكن عدد طلاب سكشنه قليل لهذا حافظ العدد والوجيه ولا يمديك تحضر لخويك الشرح سلايدات يقراها لك الكويزات نفس الهومورك المحلول بالضبط بس يغير ارقام الاخلاق هو مدرس محترم ويحب يساعد الطلاب لكنه احيانا نادره يفصل عليهم ويصيح اذا واحد تمادى في حاجه مثلا لكنه يرجع يعتذر بعدين في اللاب هو افضل من الليكتشر