CHE 444 - TERM 201
(Online)

التحضير :الحضور على مايكروسوفت تيمز وماينادي الاسماء الا نااادرا جدا، يمكن الترم كامل نادى 3 الى 4 مرات بس وشديد في التحضير، اذا تاخرت دقيقة واحدة يحسب غياب ومرررررة لا تناقشه فيها لانه نظامي وشديد، لكن اتوقع يحذف غيابين او 3 مني متاكد بس انه بيحذف في النهاية لانه يقول ممكن في شخص غاب لشيئ طارئ، مسوي عبده متفهم.

طريقة الشرح : يشرح على التيمز من سلايداته وشرحه مفهوم وواضح لكن المشكلة انه يشرح بسرعة الاشياء الي انت اخذتها في مواد سابقة. يقول انه هذي الاشياء المفروض تكونوا عارفينها.

التصحيح: تصحيحه حقاني وممكن توصل انه يكون شديد، اتوقع اي شيئ غير انه يدف. والمشكلة في بعض الكويزات الدرجات اما صفر، 5 من 10 او 10 من 10.

الكويزات : يعرض الكويز على التيمز او على شاشته وتشوف الاسئلة منها وتحل على ورقة وتكتب فيها بس الاجوبة على طول. وصعوبة الاسئلة على متفاوتة، في كويز جابه مرة سهل والي بعده وسط وفيه كويز جابه نسخ من السلايدات بس غير شوية في الكلمات. كل كويزاته واختباراته مقالي سواء حل او كونسيبت او شرح او ذكر اجاة قصيرة، لانه مايحب نظام الاختياري.

المياجر: ميد واحد صعب كله مقالي والميد وجاب سؤال شااامل لكل الي درسته في ماتيريال الميد وطوييييييل والفقرات الي فيها كثييييرة من a الى w، كان ناقصه بس x,y and z ويكمل الحروف الكلها. وكان على ذا السؤوال اتوقع 56 بالمية من الميد كامل. وبقية الميد كانت خليط من اسئلة كونسيبت وشرح واقتراح حل وذكر السبب وعدد.

الفاينلات : الفاينل كان غير متوقع جدا، كان 15 سؤال اختياري و 5 اسئلة اجابتها قصيرة، هذا وهو مايحب الاختياري بس اتوقع سوا كذا لانه الاختبار اصلا كان اخر يوم في الاختبارات وفي الليل ويادوب يخلص تصحيح ورفع درجات وماكان فيه حيل يصحح. حتى كان يبغانا بس نكتب حرف الخيار الي اخترناه ع الورقة للاسئلة الاختيارية.

الصوت: واضح ولهجة مفهومة

إضافات : الدكتور صراحة طيب ومهتم لفهم الطلاب لكن شديد معنا في موضوع التحضير والمواعيد في رفع الاحتبارات وانه مايقبل الاختبار من اي شخص اتاخر على الموعد، وفعلا سواها مع كذا شخص. وكمان شديييد جدا على موضوع الغش وممكن يرفعها بنفسه للادراة اذا قفط احد وقال انه ماعنده مشكلة كمان يطرد الطالب من الجامعة بسبب الغش، عنده اي شيئ عادي الا الغش. صراحة ماانصح فيه.