الى جميع طلاب السنة التحضيرية ضع سؤالك هنا 2016

هم يحددون لك الموضوع
غالبا يكون موضوع عام وعندك خلفية عنه ، تكلم عن مدينتك ، أو شيء زي كذا

 

اذا جبت العيد باختبار تحديد المستوى تصير السنة التحضيرية على 3 سمسترات؟؟

 

مو شرط
لو افترضنا انك تبدأ من 00
أول ترم: 00 و 01
ثاني ترم: 02 (تقدر تسوي فيه بروموشن لو جبت A فأعلى ، ثم تختبر توفل لو اجتزته تخلص الانجلش) و 03 (تقدر تسوي بروموشن لو جبت A فأعلى مع 500 في التوفل)
في حال ما اجتزت في ترمين بتاخذ 04 في الصيف ، وأهم شيء فيه تنجح وتجيب 500 في التوفل وخلاص
وإذا ما جبت 500 بتاخذ مقرر خاص بالتوفل ، لكنك تعتبر رسميا خلصت السنة التحضيرية بمجرد ما تنجح في 04 ، بغض النظر عن نتيجة التوفل

 

يعطيك العافية

 

الا يبدا من01 يعني ما يبي 00 ويش يسوي

ومتى يحطون الواحد في 00 او 01

باقي اسبوعين احد يقدر يساعدني بشي (نصيحة)!

ما ابي ابدا من 00 ؟!!!!

 

السلام عليكم

عندي سؤال بخصوص الأسبوع التعريفي

الأسبوع التعريفي اكثر من يوم هل اداوم الايام هذي كلها ولا اخلص اجراءات تسجيلي بيوم واحد ؟

 

وعليكم السلام
تداومها كلها ، بس مو كلها اجراءات
بيصير عندك يوم للاجراءات ، يوم لاختبار تحديد المستوى ، وباقي الايام محاضرات مع الجهات الهامة اللي راح تتعامل معها مثل السنة التحضيرية والأمن

 

السلام عليكم

كم فرصة للشخص لأختبار اختبار التوفل
وهل الاختبار في الجامعة يكون محوسب او ورقي ؟

 

السلام عليكم

شباب

الحين الكشف الطبي الزامي اجيبه مع خطاب القبول

الجامعة الزفت هذه إذا اطبع الكشف يطبع ليي ورقتين ما في تنسيق في الاوراق (جامعة زفت)

رحت المستشفى المعفن زين واخذو الورقة الاول بس الثانية ما اخذها ورميتها

الحين ويش الحل ارجع اطبعه مرة ثانية ؟

وارجع المستشفى ؟

ثاني شي ليش الكشف هذا جامعة زفت والله زفت

 

تقدر تختبره في 02 اذا جبت فيه A أو +A
وتختبره اجباري في 03 و 04 ، وعليه نسبة محددة
واذا ما اجتزته تاخذ مقرر ENGL EP اللي هو خاص بالتوفل ، وأعتقد لك فيه 3 محاولات أو 5 ، ماني مثبّت بس اتوقع 5

طبعا الاختبار ورقي

 

وعليكم السلام

أعتقد إلزامي تجيبه
ما فهمت وش المشكلة اللي معك ، بس اعتقد الكشف - سويته في 2014 - إذا ما غيروه فهو ورقة وحدة بس
وضّح مشكلتك اكثر عشان نقدر نساعدك

 

اول شي شكرا

هذه الكشف الزفت ورقتين هم وحدة المعلومات و الثانية توقيع مدير المستشفى الثانية رميتها لانه ما اخذها الا في المستشفى فالحين انا ويش اسوي ارجع اطبع الكشف و ارجع للمستشفى مرة ثانية ؟ اسويه مرة ثانية

 

شكرا على ردك ... ولكن بما ان الاختبار ورقي
عندي استفسار بخصوص فقرة الاستماع ... هل يتم اعادة المحادثة اللي للاختبار عدة مرات ..؟
أو مثلا .. يعطوني مسجل ويقولون لي هذا خاص بفقرة الاستماع .. وانا اعيده بس لازم اخلص في وقت الاختبار المحدد ؟
عندي مشكلة بهذا الموضوع .. ياريت يكون فيه شرح إيضاحي لفقرة الاستماع في اختبار التوفل

 

مدري بس انت اطبع مرة ثانية ، وروح للمدير وقل له انك ما اخذت التوقيع وهذا الفحص فيه اختام الاقسام كلها ، وإن شاء الله راح يوقع لك

في حال ما قبل ما عندي فكرة وش ممكن تسوي

 

فقرة الاستماع في التوفل:

يكون عندك دفتر الاسئلة ، وما فيه الا الخيارات مع رقم السؤال
فقرات 1-30: مقطع قصير من محادثة بين شخصين (جملة و رد عليها) ، ثم يجيك السؤال ، وغالبا الاجابة تعتمد على الجملة الثانية
فقرات 31-42(غالبا التوزيع كذا): مقاطع اطول اشوي من الاولى ، تستمع لكل مقطع ثم يعطيك الاسئلة المرتبطة به ، ثم يعطيك المقطع اللي بعده وتستمع له ثم يعطيك اسئلته
فقرات 43-50: مقاطع اطول من سابقتها ، غالبا مأخوذة من محاضرات أو شي زي كذا ، تستمع لكل مقطع ثم تاخذ اسئلته ورى بعض ، وتستمع للي بعده وتاخذ اسئلته

الاسئلة تذكر مع مقاطع الصوت ، مو مكتوبة في الدفتر
الاستماع مرة وحدة فقط ، ما يعيدونه لك
بس يشغل المقطع ويخليه مرة وحدة لين يخلص ومن يوقف يقول لك انتقل للقسم اللي بعده

 

الله يعطيك العافية
ورحم الله والديك

 

السلام عليكم يا اخوان ابغيت اسالكم ياليت تجاوبون باسرع وقت الحين الكشف الطبي كم ياخذ وقت يعني يسويه من وقته وعادي من اي مستوصف

 

وعليكم السلام
إي عادي تقدر تسويه في أي مستوصف في حال كانت جميع الفحوصات متوفرة هناك
بالنسبة للوقت سوه متى ما تبغى ، أتذكر سويته قبل الدوامات بشهر

 

اخوي. انا صارت لي نفس مشكلتك غير المتصفح واذا جيت بتطبع اظغط ctrl+p

بعدها مساحه الورقه اختار A4