تجربتي مع بيكر هيوز - Baker Hughes

الموضوع في 'ساحة الخريجين' بواسطة PE Engineer, بتاريخ ‏5 مارس 2013.

  1. PE Engineer

    PE Engineer عضو

    انضم:
    ‏25 فبراير 2013
    المشاركات:
    36
    التخصص:
    Petroleum Engineer
    الجامعة:
    TTU
    سنة التخرج:
    2012
    التقييمات:
    +40 / 0 / -0
    تجربتي مع Baker Hughes

    بسم الله الرحمن الرحيم
    السلام عليكم ورحمة الله وبركاته
    أنا طالب متخرج من امريكا وتخصصي هندسة بترول
    الصراحة هذا المنتدى افادني كثير في تقاديمي ومقابلاتي
    انا نويت اني اكتب موضوع كامل مفصل عن اللي سويته من خطوة التقديم الى الموافقة ردا للجميل

    .....................................................

    أولا: التقديم
    قدمت عن طريق موقعهم
    http://www.bakerhughes.com/careers/job-search-and-apply
    أنا قدمت لهم قبل تخرجي بحوالي 3 شهور وردوا علي بعد تخرجي بشهر واحد يعني المدة كاملة كانت 4 شهور
    رسلوا لي ايميل عشان ارتب معاهم موعد لمقابلة التلفون

    ........................................................

    ثانيا: مقابلة التلفون
    كانت المدة المفترضة نصف ساعة
    لكن مقابلتي اخذت حوالي 45 دقيقة
    طبعا قبل ما سويت المقابلة دخلت المنتدى وشفت مواضيع افادتني كثيييير

    المقابلة تكونت من ثلاث اقسام على ما اذكر:

    1. شخصي:
    هذا القسم كان حوالي ثمان دقائق
    كانت اسئلة عني.. مثل تاكيد التخصص والمعدل ومن وين متخرج
    بعدها سالتني اذا ودي اكمل ماستر.. طبعا انا جاوبت لا( بس بصراحة اكيد افكر اني ادرس في المستقبل)
    الشركات ذي ما تبي احد يطلع منها وتبيك تشتغل معاهم طول حياتك بدون بريكات طويلة فأي سؤال يجيكم تحسونه كذا جاوب مثل ما يبون.. يعني حسسهم انك تبي تشتغل معاهم طول عمرك

    2. تقني او تكنيكال:
    كانت اسئلة تعتبر متوقعة نوعا ما
    يعني لو انت باحث بالنت من قبل وعارف نوعية الاسئلة التقنية في مقابلات التوظيف بشكل عام ما راح يكون صعب عليك ابدا
    الاسئلة كانت مثلا: مشكلة تقنية واجهتها وكيف حليتها وايش تعلمت منها
    كل الاسئلة كانت نفس الطريقة (ايش سويت وايش تعلمت)

    3. Team Work
    اسئلة كانت سهلة بالنسبة لي
    نفس طريقة القسم اللي قبله لكن عن مواضيع اسهل وتقدر تألف فيها ههههههه
    اسالة مثل:
    شخص كان التعامل معاه صعب وكيف واجهته او حليت المشكلة معاه وايش تعلمت من التجربة
    سؤال ثاني كان عن اذا في مرة كنت الليدر حق القروب وايش تعلمت من التجربة

    ...............................................................

    ثالثا: اختبار لغة
    تم ارسال ايميل من الشركة بعد مقابلة التلفون باسبوعين تقريبا وكان فيه رابط الاختبار
    الاختبار كان سهل بالنسبة لي وتاخده بالنت
    مثل اي اختبار لغة عادي جدا
    Reading, Grammer, Listening, Speaking

    ...................................................................

    رابعا: تجربة بيكر هيوز Baker Hughes Experience

    بعد اكمال الاختبار بساعات قليلة وصلني ايميل بدرجتي وايميل بعده بدقائق فيه دعوة لحضور التجربة اللي تكون عبارة عن يومين في فندق خمس نجوم (السكن والاكل والمواصلات عليهم طبعا)
    اليوم الاول:
    اجتمعنا الساعة 7 الصباح في قاعة الاجتماعات
    كنا 21 خريج و10 موظفين من الشركة
    اللي من الشركة كانوا 3 من قسم التوظيف والباقي مدراء اقسام مختلفة ومن جنسيات مختلفة
    اول شي خلونا نعرف بنفسنا ومن وين متخرجين وايش تخصصاتنا ونرسم رسمة تعبر عنك او عن شي تحبه وتتكلم عنها
    بعد ما احنا خلصنا جاء دورهم واحد واحد قالوا ايش شغلتهم واقسامهم
    بعدها اخذنا بريك فطور وكانوا حاجزين قسم للشركة ولازم في كل طاولة يكون فيها واحد من المدراء ولازم تتكلم English طول اليومين
    بعد الفطور رجعنا للقاعة وسووا لنا محاضرة عن الشركة وبرنامج التدريب وجابوا مهندس صار له اقل من ثلاث سنوات معاهم جلس يتكلم عن تجربته
    بعدها جابوا باص واخذونا للشركة
    بعد ما دخلنا الشركة قسمونا اربع قروبات
    كل قروب يختبرون قسم مختلف وبعدين نتبادل (طبعا كل شخص يختبر لحاله مو جماعي.. للتوضيح فقط)

    الاقسام كانت:

    1. اختبار ماث
    هذا الاختبار كان مدته 50 دقيقة
    هو عبارة عن طريقة حساب كانت تستخدم قديما وتحول الارقام الى المستخدمة حاليا والعكس
    اسمها Mayan Language Numerals
    ابحثوا عنها رح تلاقوها

    2. Study Case
    عبارة عن مشكلة صارت في الشركة وعطوك معلومات عن كل شي
    وبعدها اسئلة واجوبة اختيارات
    اكثرها كانت عن الـ HS&E
    كان اسهل قسم لأنه اختياري وكله عن السيفتي

    3. Technical Test
    ينقسم الى عدة اقسام:
    Mechanical (تركيب والتعليمات موجود بس يبي له تركيييييييز والوقت محدود جدا)
    Chemical (تقيس الـ pH بالورق والجهاز.. سهل)
    Electrical (تقيس الـ Resistance لاكثر من واحد بطريقة الجهاز و طريقة الالوان)
    واخر شي عطاك جهاز تقيس الـ ID والـ OD واطوال مختلفة

    4. جولة تعريفية في الورشة
    وبينهم اخذنا بريك غداء وبريكات اخرى قصيرة
    خلصنا من الشركة ورجعنا الفندق (وصلت الساعة 6 ونص المغرب!!!)
    فكرنا خلاص كل واحد يروح غرفته وينام بس حامض على بوزنا
    رجعونا للقاعة مرة ثانية وقسمونا قروبات جديدة
    ورونا 3 صور لـ Rigs
    وقالوا لكل قروب يختاروا نوع وبعدها يحاول يبني مثله
    طبعا عاطينك مبلغ معين وانت تشتري اللي تحتاجه
    (اعواد+مزازات+اوراق+دبابيس+غيرها...)
    ويبون طوله اقل شي متر ويكون ثابت والوقت محدد طبعا
    طبعا تقسموا علينا.. على كل قروب 2 او 3 يراقبوا
    بعد ما خلص الوقت.. يتجمعوا عليك ويسألوكم اسئلة مثل ليش استخدمت اعواد وليش ما استخدمت مزازات...الخ
    ويسألون مين الـ Leader ومين اسوأ واحد وكيف كان تعامل الليدر معاكم ومين اللي قدم اقتراحات ممتازة.. الخ
    بعدها اخذنا بريك عشاء
    رجعنا القاعة مرة ثانية وعطونا اوراق صغيرة ملونة
    عرضوا علينا scenarios بالشاشة وبعدها ايش المفروض تسوي في كل حالة
    وموجودة عدة خيارات ولكل خيار لون محدد
    كل واحد يرفع اللون اللي يعجبه ويقسمونا قروبات على حسب اللون
    بعدها يسألوا كل قروب ليش اخترت هالاختيار مو الثاني؟
    ويبدأ النقاش مع الكل الى ان يقتنع اللي اختار الجواب الخاطئ
    كان هذا اخر شي في اليوم الاول
    وما خلصنا الا الساعة 11 الليل!!

    اليوم الثاني:
    اجتمعنا في المطعم الساعة 7 ونص الصبح للفطور
    وبعدها رجعنا للقاعة
    قسمونا قروبات مرة ثانية
    هالمرة عطونا scenario ان احنا نكون موظفين في الشركة ورايحين جامعة نسوي محاضرة نعرفهم على الشركة وبرنامج التدريب والمميزات
    عطونا نصف ساعة للتحضير ولازم تكون مدتها 10 دقائق
    بعد ما كل قروب يخلص.. يتجمعوا عليكم ويسالوكم اسئلة
    جلدونا جلللللد وحشرووونا في زاوية خخخخخ

    بعدها قالوا اخدوا بريك وعطونا اوراق نعبيها فيها اسئلة مثل ليش تبي تشتغل في الشركة
    واختفوا من القاعة كلهم
    جلسوا في غرفة صغيرة وماحد يدري ايش رح يصير
    بعد اكثر من ساعة رجع واحد منهم وقال راح ننادي على اسم واحد واحد ورح نسوي معاه مقابلة
    المقابلة كانت عادية جدااااا
    طبعا اللي يقابلك هو المدير اللي عجبته بس عنده اسئلة عشان يعرف هل انت تستاهل تكون في قسمه ولا يشوف غيرك.. بعض الاحيان اللي يسألوك اكثر من واحد ويتهاوشون عليك (يحسسوك انك فطحل زمانك :ملك:)
    خلصنا واخذنا بريك غداء
    خلصنا ورجعنا عند القاعة وهم رجعوا للغرفة الثانية
    بعد نصف ساعة تقريبا رجع لنا واحد وقال راح ننادي اسم اسم وتدخل تعرف نتيجتك وتمشي
    اللي يعطيك النتيجة هو نفسه اللي سألك
    أول ما دخلت كانوا ساكتين ويناظروني
    أنا صراحة خففففت
    قال لي اجلس
    بعدين قال: اول شي.. شكرا لأنك حضرت للتجربة واحنا فرحنا لأنك جيت وكانوا يومين حلوين (انا جاني شعور اني انرفضت وخلاني ارجف ووجهي صار احمرررر وارتفعت حرارتي 1000 خخخخ ).. وبعد ما صححنا اختباراتك كلها وحللنا حركاتك وتعاملك مع غيرك... ومب عشان اليوم عيد ميلادك بس يسرني اني اقول اني شفت انك اكثر واحد مناسب للقسم و قبلتك :winner:..والقسم اسمه: Completions & Wellbore Intervention
    بعدها سألني متى تبي تبدي قلت له اي يوم انا ما عندي مشكلة
    قال لي الاوفر رح يوصلك على الايميل خلال اسبوع وبعدها فيه اجراءات لازم تسويها (مثل الفحص الطبي)
    تقريبا راح تاخذ شهر..
    وعلى فكرة ما قبلوا الا 5 من الـ 21!
    شكرتهم كلهم ومشيت (الساعة 4 العصر خلصت) كان اجمل شعور حصل في حياتي وفي عيد ميلادي
    التجربة بشكل عام جميلة ولكنها متعبة جداااا جدااااا

    نجي للمهم (الاوفر) :صح: :

    البيسك= 10,416.67 SR
    بدل السكن= 25%
    بدل مواصلات= 10%
    الفل باكج= 14,062.48 SR

    +تأمين الصحي: يشمل زوجتك وأبناءك فقط
    +تأمين حياة

    نصائح:
    1. خليك واثق من نفسك طول الوقت ولا تخاف انك تناقش احد المدراء وتقول رأيك اذا تحسه صح الى ان احد فيكم يقتنع والمدراء اكثر الاحيان يعرفون انك صح لكن يبي يشوف كيف تفكر او اذا مجاوب وبس
    2. تكلم مع المدراء في اوقات البريك وخاصة مدير القسم اللي تبيه يوظفك عنده (هذا اللي سويته والحمدلله قبلني)
    3. خليك نشيط وشارك وجاوب لأنهم ما راح يسألوك لحالك كل شوي (اكثر الاسئلة تكون عامة للكل او للقروب حقك)
    4. لا تبين لهم انك مرهق او تعبان
    5. خليك دائما مبتسم ومتفائل
    6. حتى لو ما كنت الـ Leader في القروب اعطي اقتراحات ولا توقف شغل (انا ما كنت Leader)
    7. خليك اجتماعي مع الجميع حتى اللي مو عاجبينك تحملهم

    ان شاء الله موضوعي ينفع غيري
    والله يوفقنا واياكم على كل خير :)
     
    • x 2 إعجاب إعجاب
  2. ماراثووون

    انضم:
    ‏1 نوفمبر 2012
    المشاركات:
    112
    التقييمات:
    +0 / 1 / -0
    ماشاء الله .. الله يوفقك ياخوي
    وعلى البركة الوظيفة، والف شكر على رجوعك للمنتدى وافادتنا، هذا الصراحة اللي نبيه عشان الجميع يستفيد

    وبالنسبة للشركة لا تعليق، ماادري ليش كل هالعنا!
    مبروك مرة أخرى :)
     
  3. ترانسفورمر

    انضم:
    ‏28 أغسطس 2010
    المشاركات:
    207
    التقييمات:
    +6 / 0 / -0
    ألف ألف شكر على اطلاعنا على هالتجربة اللي استفدت منها كثير شخصيا ومليون مبروك الوظيفة والله يطرح فيها البركة :)
     
  4. Abo Ali

    Abo Ali عضو

    انضم:
    ‏1 أغسطس 2010
    المشاركات:
    5,365
    التخصص:
    تخصص العظماء "الهندسة الميكانيكية"
    الجامعة:
    جامعة الملك فهد للبترول والمعادن
    سنة التخرج:
    2016
    الصفحة الرئيسية:
    التقييمات:
    +585 / 9 / -72
    ما شاء الله ,,
    تجربه ممتازه بارك الله فيك


    :وردة:
     
  5. RA77AL

    RA77AL عضو

    انضم:
    ‏1 ابريل 2010
    المشاركات:
    291
    التخصص:
    Control and Instrumentation
    الجامعة:
    KFUPM
    سنة التخرج:
    2015
    الإقامة:
    K.S.A
    التقييمات:
    +0 / 0 / -0
    الاخ مهندس بترول .. ما شاء الله عليك افدتنا وحتى انا ليا صديق شارك معاكم في المقابلة وحكاني بالتفصيل
    خاصة rig اللي لززم يصير طوله متر

    عندي سؤال .. ؟ لو عاد بك الزمان الى الوراء على مقاعد الدراسة من خلال تجربتك في المقابلة

    ايش اكثر اشياء راح تحاول تطورها في شخصيتك وايش هيا اكثر الاشياء اللي راح تحاول تركز عليها بالاضافة للمعدل

    تقبل تحياتي العطره الله يبارك لك في الوظيفية ويرزقك بنت الحلال :good:
     
  6. Little Bird

    Little Bird عضو

    انضم:
    ‏3 فبراير 2013
    المشاركات:
    14
    التخصص:
    ميكانيكا
    الجامعة:
    الجامعه
    سنة التخرج:
    2017
    التقييمات:
    +7 / 0 / -0
    الف مبروك الوظيفه , اخوي انت اي جامعه متخرج منها؟
     
  7. iAbdullah

    iAbdullah عضو

    انضم:
    ‏5 فبراير 2013
    المشاركات:
    44
    التقييمات:
    +0 / 0 / -0
    تسجيل حضور و متابعة
     
  8. DreameЯ 〆 « ♫

    انضم:
    ‏7 مارس 2011
    المشاركات:
    147
    التخصص:
    Software Engineer
    الجامعة:
    KFUPM
    سنة التخرج:
    2016
    الوظيفة:
    Listener
    الإقامة:
    World where there are no eyes
    التقييمات:
    +3 / 0 / -0
    [ لا تعليق ] :sudden:

    ~

    مبروك على الوظيقة :وردة::قلب:
     
  9. يحيى ~

    يحيى ~ * The Genius * سابقاً

    انضم:
    ‏9 مارس 2009
    المشاركات:
    8,797
    التخصص:
    هندسة ميكانيكية
    الجامعة:
    جامعة الملك فهد للبترول والمعادن
    سنة التخرج:
    2013
    الوظيفة:
    مهندس ميكانيكي
    الإقامة:
    نجران
    التقييمات:
    +90 / 0 / -3
    ماشاء الله ~ على البركة
    يعني لازم تكون مدرك كل شي في تخصصك
     
  10. ابو شووووق

    انضم:
    ‏25 يونيو 2009
    المشاركات:
    2,949
    التخصص:
    Me
    الجامعة:
    Kfupm
    سنة التخرج:
    2013
    الوظيفة:
    فااااااااضي
    الإقامة:
    الريااض
    التقييمات:
    +100 / 1 / -6
    مبروك و الله يوفقك

    و شكرا على موضوعك المفيد
     
  11. Rami.Alloush

    Rami.Alloush عضو

    انضم:
    ‏8 مارس 2011
    المشاركات:
    19
    التقييمات:
    +0 / 0 / -0
    موضوع رائع .. يعطيك العافية
     
  12. Adel2811

    Adel2811 عضو

    انضم:
    ‏17 سبتمبر 2012
    المشاركات:
    20
    التقييمات:
    +0 / 0 / -0
    مبروك الوظيفة وأتمنى لك التوفيق في الدارين.
     
  13. ابو شووووق

    انضم:
    ‏25 يونيو 2009
    المشاركات:
    2,949
    التخصص:
    Me
    الجامعة:
    Kfupm
    سنة التخرج:
    2013
    الوظيفة:
    فااااااااضي
    الإقامة:
    الريااض
    التقييمات:
    +100 / 1 / -6
    بس لو تسمح لي اكتب رد ثاني ..

    احسهم مره متحمسين !! سالفه طويييله و يومين و بالاخير 5 من 21 !!

    ما احس قبول موظف جديد في اي شركه مهما كان عملها متعب يحتاج كل هالشي !!

    يمكن تكون تجربه و ذكريات حلوه للمرشح .. بس احس مالها داعي
     
  14. PE Engineer

    PE Engineer عضو

    انضم:
    ‏25 فبراير 2013
    المشاركات:
    36
    التخصص:
    Petroleum Engineer
    الجامعة:
    TTU
    سنة التخرج:
    2012
    التقييمات:
    +40 / 0 / -0
    الله يبارك فيكم جميعا
    ولا شكر على واجب.. اذا ما ساعدنا بعض مين رح يساعدنا!

    أخوي ماراثووون.. الصراحة التجربة متعبة جدا بس اللي اتوقعه ان هدفهم كان يشوفون مين اللي يتحمل الضغط من غير ما ينزل مستواه في الشغل.. لأن المعروف عن هالشركة واللي مثلها انهم يكرفووونك كرررف

    حياك الله اخوي رحال... الله يبارك فيك
    بالنسبة للأشياء اللي ودي اطورها اكثر.. الـ communication skills طبعا
    هذا مب معناته اني سيئ لكن من تجربتي اقدر اقول لك انها كانت من اهم الاهداف اللي كانوا يبحثون عنها بالاضافة الى روح الفريق والتعاون..

    الله يبارك في حياتك.. والله التخصص ما كان مفيد في هالتجربة
    الاختبارات كانت عن أغلب فروع الهندسة وتشمل أشياء ما درستها
    بس قبل كل اختبار يعطونك التعليمات وانت عليك الفهم والتطبيق فقط

    أخوي ابو شوووق..
    أنا معاك في هالنقطة بس مثل ما قلت لأخوي ماراثووون هدفهم على ما اعتقد كان انتاجية المتقدمين تحت الضغط ومراقبة نفسياتهم (يعني مين يعصب ومين متماسك وهادئ)
    والصراحة زعلنا كثييير على رفض اغلب المتقدمين لأن المتوقع كان رفض 5 الى 10 بالكثييير مثل المرات اللي قبل..
    وعلى فكرة الـ21 اللي ترشحوا كانوا من بين اكثر من 500 متقدم تمت تصفيتهم بالمراحل اللي قبل​
     
    • x 1 إعجاب إعجاب
  15. المستشاار

    انضم:
    ‏6 فبراير 2013
    المشاركات:
    95
    التقييمات:
    +6 / 0 / -0
    طريقة القبول فيها صعبة جدا ,بس هل الشركات كلها بنفس هالطريقة ؟؟ حست انهم بيظفونهم مدراء على طول
    المهم تجربة رائعة والله يوفقك في حياتك العملية
     
    • x 1 إعجاب إعجاب
  16. Instrument

    Instrument عضو

    انضم:
    ‏24 يوليو 2012
    المشاركات:
    476
    التخصص:
    Measurement and Control Technique and Instrument
    الجامعة:
    East China University of Science and Technology
    سنة التخرج:
    07\2017
    الجنس:
    ذكر
    التقييمات:
    +192 / 16 / -43
    الف مبروك..
    لكن طريقتهم في قبول الخريج الفرش مبالغ فيها..
     
  17. Rytamu

    Rytamu عضو

    انضم:
    ‏3 سبتمبر 2007
    المشاركات:
    252
    التخصص:
    ISE
    الجامعة:
    KFUPM
    سنة التخرج:
    2013
    التقييمات:
    +16 / 0 / -0
    ألف مبروك القبول والله يوفقك ..

    أنا كنت من ضمن المرشحين بس ما انقبلت لكن ما أخفي عليكم إنها كانت تجربة عظيمة رغم التعب اللي صار فيها, بعد هالتجربة تقدر تدخل اي مقابلة او اختبار وانت مرتاح ومتعود ..

    بالنسبة لاختيارات الشركة فكانت غير مفهومة للأغلبية وبعض الشباب توقعنا انهم بينقبلون بناء على نشاطهم , فمن الصعب اني انصح أي شخص بيدخل المقابلة على عمل شي معين او تقوية جانب من شخصيته بس بشكل عام حاول تخليهم يحبونك ودايم سولف معهم في البريك وانقز بوجه المنجر حق القسم اللي تبيه ..

    ايه صحيح , في اليومين اللي عشناهم لاحظنا انه ما كان يهمهم انت وش تخصصك لانه الشغل بيكون واحد وغير معتمد ابدا على التخصص, يعني شباب الهندسة الصناعية اللي مثل حالتي اقدر اقول انه المكان غير الصحيح لنا اما اذا انت مستعد تتخلى عن علمك فبكيفك ..
     
    • x 1 إعجاب إعجاب
  18. Sirmo7

    Sirmo7 عضو

    انضم:
    ‏3 سبتمبر 2013
    المشاركات:
    29
    التخصص:
    N/A
    الجامعة:
    N/A
    سنة التخرج:
    N/A
    التقييمات:
    +3 / 0 / -1
    موضوع مهم و مفيد جدا

    انا الحمدلله مريت بنفس الي مكتوب بالضبط و مشكور على الافاده
     
  19. moh kau

    moh kau عضو

    انضم:
    ‏26 ديسمبر 2010
    المشاركات:
    224
    التقييمات:
    +8 / 0 / -0
    شباب ممكن احد يبين طريقة التقديم على الموقع لان انا قدمت وارفقت كل الوثائق ولكن المشكلة لما اختار التخصص فيه وظائف مفضله وفيه apply ... انا مقدم من شهرين وللان ماجاني رد
     
  20. mayar

    mayar عضو

    انضم:
    ‏14 يناير 2014
    المشاركات:
    27
    التقييمات:
    +0 / 0 / -0
    الف مبروك وبالتوفيق ان شاء الله , بس سؤال اخي لو تكرمت انا جيولوجي وكما تعلم بان اختصاصنا مافيه كيمياء كثير فيعني لو رحت للشركة واعملت مقابلة معهم هل راح يسالوني عن الكيمياء ولايسألون الشخص على حسب تخصصه؟
     
جاري تحميل الصفحة...
مواضيع شبيهة - تجربتي مع بيكر هيوز Baker Hughes
  1. theend
    الردود:
    2
    المشاهدات:
    11,520
  2. ziadb
    الردود:
    6
    المشاهدات:
    5,142
  3. AHMED_SH
    الردود:
    1
    المشاهدات:
    9,393
  4. Abdulaziz013
    الردود:
    2
    المشاهدات:
    4,429
  5. مهندس ME
    الردود:
    15
    المشاهدات:
    9,154
  6. Eng.zad
    الردود:
    0
    المشاهدات:
    1,368
  7. mahdadi
    الردود:
    0
    المشاهدات:
    986
  8. Su112
    الردود:
    2
    المشاهدات:
    3,268
  9. Exudes
    الردود:
    31
    المشاهدات:
    9,349
  10. PNG243_
    الردود:
    2
    المشاهدات:
    1,847

مشاركة هذه الصفحة