من ( مهندس طموح ) إلى ( مهندس بلا روح ) ,,, قصة واقعية

^^^
مو للدرجة هاذي عاد...وكأني احس اللي كتبها يبالغ ...

 

هذي الاشياء اساسيه ومعروفه

لا تركن وتضمن الوظيفه وتوقف تقديم على الوظائف الا بعد ما توقع العقد واسمك يدخل في التأمينات
بعد كذا تقدر توقف تقديم
اما مسألة موظف الاتش ار قال اني مقبول او اللي سوالك المقابله قال انك مقبول
او حتى بعد توقيع العرض وعمل الفحص الطبي
كل هذي تعتبر بروسيس للتوظيف ممكن تنرفض كذا بدون اي سبب وفي اي وقت
توقيع العقد ودخول اسمك في التأميينات هي الضمان غير كذا لا تضمن

----

بالنسبه لراعي القصه
اشوف انه مبالغ بشكل كبير
اذا ناسي اساسيات تخصصه يقدر يراجع ويستذكر

اما بالنسبه لرفضه بدون سبب واضح فهذى شي وارد وبقوه ممكن يصير لاي احد

 

قصة حزينة وفيها عبرة للشباب اللذين يأملون في الحصول على وظيفة معينة ومحددة. إحنا في وقت يصعب الحصول على وظيفة محترمة فما بالكم اذا تم تقليص الخيارات الى خيار واحد فقط،،،، سوف تكون شبه مستحيلة الا ما رحم ربي. فهذا خطأ كبير والصواب ان يمسك الشخص بالوظيفة الأفضل من المتوفر في الوقت الحالي وسيأتي دائماً ماهو افضل

 

الله يكون بعونه ويوفقه ويرزقه
ومن قصته نأخذ العبره ولا نعتمد على وظيفه معينه او شركه معينه

يجب على كل خريج التقديم على اكثر من شركه تناسبه بحيث انه يتوظف في اقرب فرصه تواجهه بحيث انه يضمن وظيفه اولا، ويكتسب خبره حتى لو كانت قليله وبالاشهر
ويستمر في العمل في هذه الشركه الاحتياطيه حتى يتم قبوله في الشركه المبتغاه ويستقيل بعدها

 

انا اشوف ان هذي مشكلة جدا خاصة وماتتعمم على اي احد غير الاخ صاحب القصة.. انا لسى ماشفت اي احد يفكر مثل تفكيره.. مسالة انك تتخرج وتقدم بكل مكان وتمسك باول وظيفة لين تلقى وظيفة تبغاها هذا يعتبر "common sense".. الاخ سوا بنفسه كذا لانه مايعيش بالواقع.. شنو هي بنت لازم ماتتزوج اي احد عشان تتزوج اللي تبغاه؟؟؟ .. شكانت المشكلة انه ياخذ احد العروض اللي جاته على ماتجيه هذي الوظيفة.. يعني الشركة اللي يغاها همهم يوظفون العاطلين مثلا.. ما اقول الا الله يعيينه على نفسه ويوفقه ويكتب له فرصة ثانية بوظيفة زينة وللجميع

 

بالعكس مافيها مبالغة الانسان ضعيف حالته النفسية تقلبه سريعا رأسا على عقب ..
على العموم دائما الانسان الذي يمتاز بالتخطيط السليم يجعل له خيارات كثيرة وخطة a ,b الخ ..
بالتوفيق للجميع ..

 

اشوف القصه فيها مبالغات مثل ما قالو الشباب

و الرجال غلط انه اعتمد على كلام غير رسمي من موظف hr

مفروض اول فرصه مناسبه يقبل فيها

و الله يوفق الجميع

 

انا تم استبعادي عن وظفيتين من غيير سبب واضح واغلبه واحد عنده واسطه دخلوه محلي تصيير كثيير ... خصوصا الفتره مابين 2009 و2011 هي ازمه في الوظايف ومكتب العمل مخليهم يوظفون اجانب بالهبل... الحين الوظع احسن بكثيير وبدا مكتب العنل يظغط اكثر من الاول عليهم

 

سامحنا بطول عليك بالكلام

بسم الله الرحمن الرحيم

الواحد يحسن علاقته بربه ويجيه الخير واللي يتمناه الى عند بيته

كلنا مقصرين في هذا الجانب ..... مثلا صلاة الفجر

يوم كنا طلاب كان الواحد يسهر عشان اختبار وقبل الاذان بساعه راح نام قال عشان اكون مصحصح للاختبار

وتخرجنا وصار ينام بدري عشان يلحق دوامه ...

طيب الى متى ...... يا اخون اعرفوا ان الواحد يتاخر عليه رزقه على قد ما ياخر صلواته وعباداته

والعباد نوعين

الاول اللي عنده كل شي وربي منعم عليه من مال وصحه وعيال وما ناقصه شي
هذا له خيار مصيرين
الاول ينشغل بكل اللي معه ويهلك في الاخره
الثاني انه يكون من عباد الله الشاكرين ( وَقَلِيلٌ مِنْ عِبَادِي الشَّكُورُ ) والشاكرين لهم اعلى درجات الجزاء في الاخره

الثاني
اللي من يوم ما عرف نفسه ما عمره شاف خير .... دائما من مشكله في الثانيه
ومن بلاء الى الثاني
هذا يكون مصيره واحد من اثنين
الاول (والعياذ بالله من هذا العمل واسال الله ان لا يجعلنا منهم)
هو انه يسخط على قدر الله (ربي ما اعطاني كذا وانا اسوي كذا....الخ) ويحسد غيره على ما عندهم
(تعريف الحسد هو ان ترا شي عند احد وتتمنى ان تنزع منه هذه النعمه وتنفرد انت بها)

والثاني (الله يجعلنا منهم)
اللي يتحلى بالصبر (وبشر الصابرين) ويؤمن ايمان صادق بالآيه(فان بعد العسر يسرا * ان بعد العسر يسرا)
اقراءوا قصه النبي ايوب ..... دائما يضرب به المثل في الصبر ........."يا صبر ايوب"
وكيف ربي جازاه من صحه ومال وذريه بعد ان صبر....غير جزاء الاخره

ما شاء الله كلكم اكيد موظفين رواتبكم طيبه

انا انصح ان يبدا الواحد يخصص مره في الاسبوع على الاقل
انه يتصدق ....(الصدقه تطفئ غضب الرب ..... وتدفع البلاء .... وتعجل الرزق)
وانت ماشي في السياره تصدق
(بنيه ان الله يغفر له ويرزقه من حيث لا يحتسب)
على اول عامل نظافه يشتغل تحت الشمس ... تصدق عليه بـ100 ريال واعطه قارورة مويه
وبس تامل الفرحه اللي في الوجه
باذن الله ما تعدي كم متر الا ويجيك اللي تتمناه

ولا رح دار الايتام .... خصص مبلغ 250 ريال في ظرف واكتب معها رساله بكلام جميل للعيال هناك
اللي هم اخواننا
وقبل العيد او يوم العيد رح للدار ووزع عليهم ...... مو شرط فلوس
بطايق 250 ريال من اكسترا......اي شي حتى لو العاب

بس هذا اللي عندي
الكلام كان كثير
والنقاط مرميه في الموضوع بعشوائيه
بس عسى ان شاء الله.... ان الرساله اللي ابي اوصله وصلت

الحمدلله .الحمدلله.الحمدلله
اللهم ارزقنا بالذريه الصالحه والمال الحلال واجمعنا باحبتنا في الفردوس الاعلى امين


سامحونا على الاطاله

 

اللـــــــــــــــــــه يعوضك خير ان شاء الله
لكن مافهمت , تقول توظفت قبل شهرين!!! و انت خريج 2008

 

^أخ جنوبي جزاك الله خير على كلماتك الرائعة , وبصراحه نحتاج لتذكير بمثل هذا الكلام