جاء فصل 091 وكنت انتظره بشغف كبير جدا
سرعان ما اندثر هذا الشغف للأسف 
المهم سجلت أو بالأصح سُجل لي جدول ممتاز جدا مافيه أحسن منه طبعا كنت محسود عليه شوفوا جدولي المصون 
هذا كان جدول شفتوا كيف كان مره مرتب ومتعوب عليه 
أسؤا جدول مر علي في حياتي وله تأثير نفسي كبير علي
خطأ حلف بالله اني ما أعيده لو أخذ مع أسوأ الدكاتره 
طبعا الأيام كانت سبت إلى أربعاء
طبعا كنت أذاكر واذبح نفسي بالمذاكرة لكن للأسف أكتشفت بعدين أني أذاكر بطريقة خاطئة جدا وهي السبب في نزول معدلي. الأسوأ انني ما اكتشفت اني اذاكر بشكل غلط إلا بوقت قريب جدا وهو فصل 111 أو 112 ناسي بصراحة.
طريقة مذاكرتي الخاطئة التي سببت نزول المعدل مع اني ابذل جهد كبير فيها:.
1) ماكنت انتبه مع الدكاترة مرة واحدة, وكنت أعتقد اني راح أعتمد على نفسي. هذا الشي خلاني اروح الجامعة فقط من أجل التحضير. فصرت في بعض الأحيان اذاكر بعض المواضيع اللي مو مطلوبة علينا اعتقادا مني ان الدكتور شرحها وهو ماشرحها.
2) ماكنت أحضر أو اهتم بـ الساعات المكتبية وكنت أسلك لنفسي في الشي اللي ما أفهمه وهذا أحد الأسباب القوية اللي سببت نزول المعدل.
3) ماكنت اذاكر الأولد إكزام وكنت ساحب عليها بقوة. والواجبات كنت انقشها من المانيويال سلوشن وعلشان كذا كنت اجيب العيد في المياجر.
4) كنت أركز وأعطي اهتمام على بعض الأشياء اللي مو مهمة بالنسبة للمادة وللدكاترة ولكن شغف مني وحب اطلاع.
5) كنت أكتفي بحل تمرين أو تمرينين وهذا أكبر غلط لازم الطالب البترولي يحل أكبر عدد من التمارين اللي يعتقد انها مهمة علشان إذا جاء الميجر يكون متدرب وعارف من أين يبدأ الحل ومن أين ينتهي الحل ويكون حله أسرع.
6) ماكنت أذاكر خميس وجمعة ولا أحل فيها واجبات ولا اسوي فيها شئ لأني كنت أعتقد انها راحة للطالب ولا يجوز استقلالها بالمذاكرة ولكن للأسف بعدها اكتشفت ولكن متأخر جدا انها هي بعد الله سبب نجاح الطالب.
7) المزاجية. يمكن هذه أكبر الأسباب في نزول معدلي. زين كيف تفسر المزاجية؟
المزاجية هي الإهتمام بالمادة اللي تعجبني وإهمال المواد الإخرى. مثل كانت معي فيز 101 و كيم 102 فكنت أعطي الكيمياء وقت أطول بكثير من الفيزياء. مثال آخر في احدى الفصول درست EE 204 لكن كنت أكرها ولا زلت بشكل كبير جدا فما أعطيتها وقتها ولا أهتميت فيها.
هذي الأسباب مجتمعة هي كانت سبب كبير في نزول معدلي
طبعا بديت في تصحيحها واحد تلو الأخر بدأ من فصل 111 إلى الآن والحمد لله بدأ المعدل يتعافى شيئا فشيئا وان شاء الله يستمر في التعافي ... دعواتكم شباب .
مشيت في طريق ما أتمنى صراحة أحد يجربه. تعبت من رفع المعدل ومن محاتات الدرجات في أحد الشباب يقول:
ان +A اسهل بكثيير من +C وبصراحة بديت أصدق مقولته
لأن +A صح يبيلها شغل لكن شغلها يبدأ من أول الفصل ويستمر إلى نهاية الفصل فثقل المواد والمذاكرة موزع على الفصل كله وبعد نهاية الفصل تحس ان جهدك وتعبك ماراح سدى.
لكن +C تريح في أول الفصل وتلعب وتجيب العيد في المياجر والكوزات والهوموركات ثم لا جاء الفاينال حاولت تعدل الوضع وعاد شوف المعاناة في أيام الفاينال وفي الأيام اللي قبلها ماتدري هل انت تعدي بـ C أو بـ D .
مثلا أنا في احد اختبارات المواد كنت جايب درجات عالية جدا في المياجر وفي الهوموركات وفي كل شي ويوم جاء الفاينال والله العظيم كنت في نزهة احل الإختبار برواقه وبهدوء وببطئ وبثقة لأني واثق من نفسي وفيه درجات تدعمني.
بعكس لما أكون مزفت وساحب على المادة يكون الفاينال مرة مرعب ولا يجيني النوم في الليلة اللي قبله ومحاتاه ومعاناه بعد وأثناء وقبل الإختبار
نكمل نتائج فصل 091 في وقت آخر 
حفظكم الله