الموضوع: The Story of My Life
عرض مشاركة واحدة
قديم 06-08-2013, 08:59   #67
Chemist
Engineer IV
 
تاريخ التسجيل: May 2010
الدولة: In her heart
المشاركات: 1,858
افتراضي قصة # 18 - فصل 081

مر يوم تلوا الآخر وها أنا في يوم السبت الموافق 18/10/2008 , هو أول يوم دراسي لي في جامعة البترول هو بداية فصل 081
------------------------------------------------------------------
اطلعت على جدولي الدراسي أنا وأخي (الجامعي) سويا ومن حسن حظي ان جدولي كان فوق الممتاز.

هذا هو الجدول المصون


__________________________________________________ __________

أول يوم دراسي لي:

طبعا ما اقولكم اني كنت سوبر هيرو أو شي من هذا القبيل, كنت مثل حال الطلاب ذاك الوقت كنت مرتبك بعض الشي .

في هذا اليوم قمت بدري مرة تقريبا الساعة 4:30 ص << وش دعوى اني نمت اصلا

المهم قال لي أخوي الكبير يالله خلنا نمشي بدري علشان ادلك الطريق والقاعات الدراسي < قلت انا خير ان شاء الله. بعد نصف ساعة من الطريق وصلنا الجامعة وقام أخوي مشكورا بتعليمي كل المباني والقاعات الدراسية.

قال لي بعدها " هاه دليت "
قلت أنا " ازهلها " وأنا ماعندي سالفه

دخلت كلاس الإنجلش وانصدمت شوي . متعود في مدرستنا الفصل الواحد ان زاد فيه 15 طالب. بس لما دخلت الفصل إلا وفيه 40 طالب . قلت في نفسي ما شاء الله أجل كم قبلت الجامعة من طالب.

وبعدين دخل علينا مدرسنا البريطاني وقال " Good morning" وبعدها قام يتكلم ويتكلم ويتكلم ونصف الفصل ماهو داري المدرس وش يقول . إذا هز راسه هزينا روسنا معه وإذا ضحك ضحكنا معه يعني السالفه كلها تسليك في تسليك هو داري ان حنا مانفهم عليه وحنا دارين انه هو مو فاهم علينا.

قسمنا بعد ذلك لمجموعات وارتحت صراحة للطلاب اللي معي بصراحة كانوا مرحين وزالوا عني هم كبير. الله يوفقهم ويطول عمارهم لا أزال اتذكرهم واتذكر اساميهم واشكالهم. كانوا أفضل أصدقائي ولكن التخصصات بعد كذا فرقتنا .

جات الساعة 9:50 وجاء كلاس الماث معه.

مثل ما قلت لكم قبل ان أخوي ما قصر دلني على كل شي ولكن مدرس الإنجليزي طلعني متأخر وارتبكت شوي وضيعت كلاس الماث .

بعد ربع ساعة من الفرفرة والبحث الحثيث على كلاس الماث في مبنى الرياضيات القديم المجاور للورشه لقيته وكان رقمه 6. لا والمضحك في الأمر ان الجدول كان معي والكلاس كنت آمر عليه رايح جاي ما لاحظت انه هو كلاسي المقصود.

طبعا يمكن تقولون مالاحظت الرقم أقول لكم كان الرقم ممسوح او غير واضح. طبعا وقتها ما كنت اضحك لأني كنت شايل هم الغياب اللي آكلته .

ولكن يوم انتهى الدوام ورجعت للشقة ضحك بشكل هستيري كيف الكلاس جنبي ولا شفته

طبعا جاني اخوي وقال وش فيك تضحك علمته السالفه وضحك وقال أنا ماني دالك عليه قبل نص ساعة من الدوام قلت بلى قال آجل ليش ضيعته قلت الرقم مو واضح قال إلا والله من التتنيحه اللي في راسك .

انقطع الضحك وانقلب إلى جد قلت يا فلان لا يكون يحسبه المدرس غياب قال لا لا تخاف أول يوم ما يحسبون الغيابات بشكل جدي عندها اطمئنيت ورحيت بالي.

يوم الإثنين جيت وكلمت المدرس عن الغياب قال لي: متخافش ما راح احسبه قلت زيــــــن يارجل

على لقاء قريب إن شاء الله
Chemist غير متواجد حالياً   رد مع اقتباس