بعد خوض معركة الأوريا بنجاح مع بعض الجروح السطحية قررت اني أخذ راحة وما أدرس صيف 083.
صيف 083 كان أجمل صيف في حياتي . صيف 083 كل شي ُمر مر علي نسّـاني. تجردت من كل همومي واحـزانـي وآلامي. كانت البسمة بسهولة تُرسم على شفـاتـي. كنت أعتقد بعـده راح تتحقـق كـل آمالي. كنت أعتقده صفحة جديدة من صفحات حياتي. كنت اعتقد صيف 083نهاية همومي واحزاني. لكن للأسف سريعا ما عادت بعده آحـزانـي. سبحان الله كان عندي احساس غريب وهو ان مشواري الجامعي راح يكون سهل جدا ولا راح أواجه أي عقبات. كنت حتى اتوقع اني اتخرج في اقل من خمس سنين براحه!!!. كنت اتوقع اني بجندل المواد بسهولة وآخذ أعلى القريدات براحة. مدري ليه كنت أحس بهذه الأشياء الغريبة جدا يمكن ثقة زايدة بالنفس علشان الدرجات والمعدل الطيب اللي حصلته في التحضيرية دون عناء. كنت متحمس كثير للدراسة في الجبل والمرور يوميا بجانب برج جامعتنا الشامخ. كنت متحمس كثير أدرس أول كورس كيمياء وأول كورس رياضيات. كنت متحمس كثير اني أخلص مواد الفرشمن بسرعة وادرس اول مادة في الهندسة الكيميائية. ليت هذه الثقة وهذا الحماس استمرا للأسف جاء فصل 091 وهدم كل حلو بنيته في التحضيرية. كثيرا من آمالي وطموحاتي هدمها فصل 091 وكان لهدمه وقعه كبيرة في قلبي. حالتي مثل شخص ما كان يتوقع وواثق من توقعه على مدى أربع شهور ان الطريق يمين لكن تفاجئ وانصدم لما قالوا له ان الطريق عكس تماما ماتتوقعه الطريق يسار . تمنيت ولا زلت اتمنى لو أرجع ادرس فصل 091 و 092 مرة ثانية ولكن خلاص ماينفع الكلام ذا الحين واللي فات مات وارجوا من الله اني اعوض ما خسرته في سنواتي الأولى في الجامعة .......... يارب. ولفصل 091 قصة أخرى