للمشاركة اضغط هنا
روايـة..((طـلاب تـحـت الـمـجـهـر)) - sKFUPM
sKFUPM  

العودة   sKFUPM > الأقسام العامة > ركن القهوة

إضافة رد
 
أدوات الموضوع انواع عرض الموضوع
قديم 07-09-2007, 16:39   #1
someman2005
عضو سفمور
 
تاريخ التسجيل: Apr 2007
الدولة: داخل الحدود
المشاركات: 141
افتراضي روايـة..((طـلاب تـحـت الـمـجـهـر))

الحلقة الأولى


((عام دراسي جديد))

دخول مفاجئ إلى بوابات العالم الصغير,,ازدحام كبير,,تنظيم مروري محكم,,لحظات فرح تغمر الطلاب,,جامعة من أعرق الجامعات العربية,,(طلاب تحت المجهر)...

صباح جميل..يستيقظ عبادي مبكرا ليوم جديد في حياته الدراسية,أول يوم يذهب فيه للجامعة,وبعد الاستعداد المبالغ فيه كعادته يتصل مسرعا بسيارة الأجرة الخاصة بالجامعة ويتجه للمبنى الدراسي الجديد والذي حالف حظ الدفعة لهذا العام 2006 بمنى جديد مجهز بجميع التقنيات, يمشي عبادي بين الممرات وفكره شارد بوعده الذي قطعه على نفسه الاجتهاد والمثابرة ونيل الدرجات العليا في جميع المواد. يدخل الفصل الدراسي بكل ثقة,,

عبادي: السلام عليكم.

ويجلس في المقدمة كعادته في كل بداية سنة دراسية .. لحظات..
يدخل؟؟

’’عبادي أهلا بالصديق القديم أهلا’’
عبادي: هلا وغلا بخالد وين الناس يازين الصدف كيفك ياغالي.
خالد:والله بخير يامال الخير وإنت علومك والله زمان عنك.

"خالد وعبادي درسا سويا في مدرسة واحدة لسنوات كثيرة وافترقا في المرحلة المتوسطة والثانوية"

خالد:والله ما تغيرت ياعبادي.
عبادي: ههههه هذاني عبادي.

تدق الساعة العاشرة صباحا..وتعلن عن بداية مغامرة جديدة,,يدخل أستاذ مادة اللغة الإنجليزية الفصل وتبدأ المحاضرة..

"خالد وعبادي منسجمان معا وكأن الزمان لم يبعدهم لسنوات"


عبادي:خالد عندك قلم؟؟
خالد: لا والله ما جبت على بالي إني في مدرسة مافي دراسة من أول يوم.
عبادي: الله يرجك ههههههههه.
عبادي: ياطيب ممكن قلم الله لا يهينك.
’’تفضل,,
عبادي: مشكور وماتعرفنا عليك ياخوي.
’’ثامر’’
عبادي:والنعم فيك ياثامر.
خالد: ياهلا فيك ياثامر.
عبادي في وسط المحاضرة:ثامر إنت من أهل المنطقة.
ثامر: إيه وساكن قريب,,وإنت.
عبادي: وبعد أنا مثلك ساكن قريب.
ثامر: يعني مآخذ غرفة بالسكن.
عبادي: لأ..قريب من الجامعة

تنتهي المحاضرة ويتجه خالد وعبادي وثامر سويا للكافتريا..

عبادي: أهلا ماجد صباح الخير.
ماجد: هلا اوووه ياهلا فيك ياخالد وينك زمان عنك.
خالد: هلا والله والله اشتقنالك ياماجد.
عبادي: ماجد هذا ثامر من أهل المنطقة ومعنا بالكلاس.
ماجد:حياك الله.

"ماجد وعبادي جيران منذ الطفولة"

نهاية الدوام..

عبادي بصوت عالي: خالد خالد..
خالد: هلا امرني.
عبادي: لاهنت بس وصلني البيت عشان بروح مع أبوي أخذ سيارتي الجديدة؟.
خالد: لا مبروك يعطيك خيرها ويكفيك شرها بس وشو نوعها.
عبادي: احم احم كامري أسود موديل .2006
خالد: حركات والله بس ماقلت لي وش رآيك بسيارتي.
عبادي: لا حلوة وعلى فكرة كنت بطلعها بس الوالد رفض.

"خالد عنده سيارة كابرس فضي 2006".

تزداد علاقة عبادي وخالد وماجد بثامر كثيرا وأصبح من ضمنهم..

الثلاثاء؟؟..

عبادي: صباح الخير خالد.
خالد: هلا والله.
عبادي: وش عندك بدري جاي.
خالد: عندي حصة رياضة.
عبادي: اها أنا الحين عندي حصة ورشة يالله خلني ألحق.

عبادي يدخل المحاضرة ويجلس,لحظات ويدخل المدرس ويبدأ بالتحضير..

المدرس:

إلياس_ حاضر
سعد_ حاضر
.
.
.
.
عبادي_ حاضر (يبتسم)
.
.
.
سالم_حاضر

عبادي يلتفت لسالم وينظر له بنظرات غريبة سالم لم يلاحظ ذلك
ويظل عبادي مشغول البال طوال الحصة لا ندري مايدور بباله


الساعة العاشرة صباحا..

عبادي: ها كيف الرياضة.
خالد: لا تمام ورجعت بيتي غيرت ورجعت.
عبادي: تمام..أقول؟.
خالد: هلا.
عبادي:ياخي في الحصة الماضية والأستاذ يحضر لفت انتباهي شخص مدري قلبي هفق يوم أشوفه تصدق ودي اعرف عنه كل شي بس مو داري كيف؟؟.
خالد: لالا وش فيك خبل يعني مو فاهم وش بالضبط هل شفته قبل؟.
عبادي: لأ أول مرة أشوفه بس مدري خلاص خلاص ولا شي..هههه.

انتهى الدوام والجميع ذاهب لمواقف السيارات.. عبادي يحمي سيارته الجديدة..
لحظات..تمر من جانبه سيارة تيوتا جيب أبيض لفت انتباهه عبادي و بسرعة يتصل بماجد.

ترن ترن ترن...

عبادي: الو ماجد بسرعة شايف اللند اللي طالعة خلنا نشوف من راعيها بسرعة ودي أتأكد وبعدين بأكلمك عند البيت.
ماجد: قدام يالله أنا وراك.

"ماجد يحب المغامرات"

عبادي منطلقا بسيارته ويشطف اللند وبعدها يهفق قلبه من جديد وماجد خلفه وبنفس الحركة.. تتوقف السيارتان بجانب بعض.

ماجد: ها لقيت شي؟.
عبادي: لا بس كنت أبي أتأكد من الشخص هو ولا لأ.
ماجد: من؟.
عبادي: هذا واحد معي بحصة الورشة بالصباح ومدري ودي إني أعرفه أكثر؟.
ماجد: يالله الله يعين توصي شي؟.
عبادي: سلامتك .

يرجع عبادي للبيت ويشغل باله سالم سالم ويحدث نفسه من هذا ووشو اللي أحس فيه..

ينقضي الأسبوع الأول بسرعة..




الخميس..

ترن ترن ترن

عبادي: الو.
خالد: هلا.
عبادي: كيفك.
خالد: تمام.
عبادي: وش رايك تتغدى معاي ومع ماجد.
خالد: قدام.
عبادي: مسافة الطريق ونكون عندك سلام.

يتغدي الشباب في مطعم فدركرز ووسط السواليف تدخل شلة للمطعم من طلاب الجامعة الجدد..

عبادي:ياشباب هذولي الظاهر معنا بالجامعة.
ماجد: الظاهر..عبادي ماثبت.
عبادي: آووه هذا سالم معاهم يووه أسلم ولا لأ.
خالد: روح سلم عادي.
عبادي: لا مايحتاج.

"أنقلب مزاج عبادي وسار يفكر كثيرا"

ماجد: عبادي وش فيك والله من يوم قلت سالم وانت مو طبيعي.
عبادي: لا ياخوي عادي بس طار تفكيري شوي بعيد.هههه.

"الله يستر من تفكير عبادي شكله ناوي مغامرة جديدة"



الأسبوع الثاني..

السبت..

يصل خالد مبكرا للمحاضرة ولحظات ويدخل عبادي المحاضرة ..

خالد: صباح الخير شكلك تعبان.
عبادي: صباح النور بس كنت أهوجس أمس.
خالد: عسى خير؟.
عبادي: ياخي والله سالم اشغل بالي وودي اعرف عنه كل شي.
خالد: والله أنا مو عارف انت وش بالضبط تبي توصل له بس إذا بغيت مساعدة أنا موجود.
خالد: طيب ماجد يدري بفكرتك هذه؟؟
عبادي: إيه كلمته قبل شوي بالجوال وقال هو معي إذا بغيت مساعدة.
خالد: زين زين.

نهاية الدوام..

الساعة الخامسة..

عبادي يحمي سيارته وجنبه خالد وثامر أيضا يسخنوا سياراتهم ويسولفوا
بعد قليل..
عبادي: يالله شباب عن إذنكم.

ويحرك عبادي مسرع جدا..

"الله يستر"

عبادي يتخفى بسيارته ويلاحق... سالم (تيوتا جيب أبيض) بدون علمه وبعد فترة يتوقف سالم أمام مواقف سكن الطلاب هنا عبادي يقول لنفسه الحمدالله ساكن بالجامعة يعني حول عيني.. ويرجع للبيت..



الثلاثاء؟؟

يستيقظ عبادي..نعم ينتظر يوم الثلاثاء..سالم..


ياترى ماذا سيخبئ لنا يوم الثلاثاء..وهل سننتظر كل يوم ثلاثاء..لنعرف المزيد..ولماذا سيصبح اللقاء حلم أبدي..مازلنا في البداية..وسنعرف ذلك في الحلقة القادمة.
someman2005 غير متواجد حالياً   رد مع اقتباس
قديم 07-09-2007, 16:52   #2
][ متكهرب ][
عضو ماستر
 
تاريخ التسجيل: May 2007
الدولة: In My Own World
المشاركات: 2,387
افتراضي

ما شاء الله بصراحه دخت من سالم عبادي خالد ثامر ...... معد اعرف من من من

ونحن في الانتظار @2@
][ متكهرب ][ غير متواجد حالياً   رد مع اقتباس
قديم 07-09-2007, 18:47   #3
أبو عزووز
مشرف سابق
 
تاريخ التسجيل: Sep 2006
المشاركات: 3,508
افتراضي

غريبه وين راح سامي ؟؟؟ @18@

تصدق تلخبطت من كثر الاسامي @18@

في انتظار الباقي على احر من الجمر >>>>>>>>>>>>>>>>>>>>>>>>>>>>>
أبو عزووز غير متواجد حالياً   رد مع اقتباس
قديم 07-09-2007, 19:40   #4
أبـو شموخ
عضو ماستر
 
تاريخ التسجيل: Jun 2007
المشاركات: 1,156
افتراضي

رواية جميله .. ويعطيك العافية
أبـو شموخ غير متواجد حالياً   رد مع اقتباس
قديم 07-09-2007, 21:14   #5
طموووح
عضو ماستر
 
تاريخ التسجيل: Jul 2006
الدولة: في قلب امـــــــــــــي
المشاركات: 3,411
افتراضي

جميل
طموووح غير متواجد حالياً   رد مع اقتباس
قديم 07-09-2007, 23:03   #6
سنافي
عضو ماستر
 
تاريخ التسجيل: Feb 2007
الدولة: بعد الأذان
المشاركات: 729
افتراضي

مدخلني بقصتك بعد!!
سنافي غير متواجد حالياً   رد مع اقتباس
قديم 07-09-2007, 23:10   #7
someman2005
عضو سفمور
 
تاريخ التسجيل: Apr 2007
الدولة: داخل الحدود
المشاركات: 141
افتراضي

وصبركم علينا يا أعزائي القراء وكل ما ندخل في مرحلة متقدمة في الحلقات حتبك الرواية أكثر وستظهر أمور أكثر...

أنتظروووونا
someman2005 غير متواجد حالياً   رد مع اقتباس
قديم 08-09-2007, 00:03   #8
password
عضو ماستر
 
تاريخ التسجيل: Aug 2007
الدولة: حولك حواليك
المشاركات: 1,211
افتراضي

طيب وين بيتقابلون عبادي وسالم خلونا نروح نشوفهم @4@@4@@4@

مشكور على القصة الجميلة بس يليت تعلمنا متى مواعيد تنزيل الحلقات اذا ممكن

و يعطيك العافية
password غير متواجد حالياً   رد مع اقتباس
قديم 08-09-2007, 07:33   #9
golden senator
عضو جونير
 
تاريخ التسجيل: Aug 2006
الدولة: بعد الاذآن
المشاركات: 226
افتراضي

مالي حيل اقرأ شكرا خخخخخخخخخخخخخخخخخخخ
golden senator غير متواجد حالياً   رد مع اقتباس
قديم 09-09-2007, 00:22   #10
الماهر
مدير منتديات sKFUPM
 
تاريخ التسجيل: Feb 2006
المشاركات: 2,195
افتراضي

ماشاء الله عليك رواية جميلة وجيدة تشكر عليها

وبانتظار ماتبقى

دمت بود
الماهر غير متواجد حالياً   رد مع اقتباس
قديم 09-09-2007, 00:49   #11
أبـو فـوِاز
عضو ماستر
 
تاريخ التسجيل: Jul 2006
الدولة: N/A
المشاركات: 1,513
افتراضي

يولد سالم شكله مو هين لازم نشوفه .. بالله باخر الرواية حط لنا صورة سالم ههههههههه


مشكور ع الرواية وبانتظارك
أبـو فـوِاز غير متواجد حالياً   رد مع اقتباس
قديم 10-09-2007, 08:49   #12
حمووود
عضو سينير
 
تاريخ التسجيل: Dec 2006
المشاركات: 482
افتراضي

باين عليها حلوه

بس لا تطول علينل
حمووود غير متواجد حالياً   رد مع اقتباس
قديم 10-09-2007, 13:43   #13
red-devil
عضو ماستر
 
تاريخ التسجيل: Dec 2006
الدولة: دنيا الأحلام
المشاركات: 2,538
افتراضي

مدري ليه نهاية القصة (رغم انها طويلة)..

أحس اني أعرف النهاية من أول القصة..

لانو زي كذا كانت أحداث قصة سارتلي أنا..

مشكور يا غالي..

وننتظر جديدك..

تحياتو
red-devil غير متواجد حالياً   رد مع اقتباس
قديم 10-09-2007, 13:46   #14
وسيم عازب
لا يعلم كيف عاد إلى هنا !
 
تاريخ التسجيل: Jul 2006
المشاركات: 3,147
افتراضي

I smell homosexuality!
وسيم عازب غير متواجد حالياً   رد مع اقتباس
قديم 10-09-2007, 14:26   #15
البدراني
عضو ماستر
 
تاريخ التسجيل: Sep 2005
الدولة: الدمام
المشاركات: 542
افتراضي

احس انها زي رواية (قيس وليلى في مضارب الجامعة)
البدراني غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 16:15.


Powered by vBulletin® 2020
Copyright ©2000 - 2020, vBulletin Solutions, Inc
sKFUPM Modern Plug-ins, Developed by ONE


جميع الحقوق محفوظة لموقع طلاب جامعة الملك فهد للبترول والمعادن 2003 - 2011 sKFUPM ©.