Rami_Ali_CE_1990

اول امس فكيت اللمبات الامامية حق الكامري، انبسطت لاني تابعت مقطع عاليوتيوب ونجحت !

استعمل مواردك بشكل إيجابي لا تتركها ابدا

الحياة جميلة جدا وأتمنى اني أكون تركت بصمة إيجابية في أماكن مختلفة

الدنيا ارزاق والحمدلله !

الترم الدراسي توه يقول بسم الله .. اليوم حجلس اطقطق على اول اسايمنت !

زمان كنت احسب اللي يدرس اكتر تجيه فلوس اكتر هههههههههههههههههههههههههههه يا ويل ويلي طلع السخيف الجاهل مكيش الدنيا باللي فيها !

نصيحة من مجرب اختار ماستر لا يزيد 33 ساعة لانك حتشوف خلق ربنا خلصوا الماستر في سنة وانتا جالس تطبخ فوق السنتين !

جاني واحد من الشباب في الدوام يشيد بتعليق كتبته هنا في المنتدى .. كان شعور جميل | كنت كاتب الحقيقة تماما من دون حسيب ولا رقيب !

اكتشفت ان فيه ناس متابعين لي بصمت ! حاب اسالهم | ان شاء الله عاجبكم المحتوى ؟

بمناسبة العودة للدراسة .. احب اقلكم الاسبوع مخصص للتعارف وكيف حالك واش اخبارك و كيف كانت الاجازة معاك

بمناسبة العودة للمدارس .. اسأل الله لكم التوفيق والنجاح والسداد جميعا .. اخوكم رامي علي

الحياة جميلة بس مين يفهمها ويعيشها بكل تفاصيلها.

استغرب من اللي يقول ارامكو وسابك كرف .. يبويا كل اللي شفتهم جالسين يلعبوا ويقلك احنا مكروفين !

ايام كنت ادرس بكالريوس كنت اقضي اول اسبوع في جدة ! تتوقع فاتني شي ؟ وربي كان لا احساس ولا ضمير !

ها ان شاء الله مستعدين .. العودة للمدارس اعلان كريه للابد !

زمان احسب اللي يروح يتطوع عشان يشبك بنات , تغيرت نظرتي وتيقنت انهم رايحين يشبكوا وياكلوا الاخضر واليابس ويطلعوا قدام المجتمع بروح المبادرة !

في ناس من كتر ما اهلو عايشين في نعمة مايعرف اش يعني معاناة او كفاح ! يا رجل لدرجة انو معزول عن العالم الخارجي ويحسب اللي افقر منه عدو له !

بابا وماما في ارامكو وبيتنا كبير وفخم وكل سنة نسافر اوروبا وكل ويكند بالبحرين وعندنا سيارات كتير .. صرنا نشوف حياتنا هنا يع ! #عيال_النعمة

اتوقع نص الشباب اللي متخرجين من امريكا وبريطانيا وغيرها من الجامعات اللي تبيع الشهادات جالسين يصكوني ديسلايك .. يقلك اضغط المضغوط اكثر

كل عام وانتم بخير .. عيد سعيد ان شاء الله انبسطتوا باللحم والكبدة المقلقل والسلات المديني يبويا .. واللي ماكان له نصيب عسى الله يعوضو خير.