أي استفسار عن أسواق المال

هلا فالشباب نورتوا والله ، لاتقطعون ،،

وعليكم السلام والرحمة

ماشاء الله شكل لك خبره بالسوق ، خلّك قريب ولاتبعد نبي نستفيد منك صدقت بعض الاسهم تلاحظ انها ودها تنفجر لكن تلقى المضارب يضغط السهم ويرش ، اعرف انها راح تنفجر ،، والمضارب الذكي اللي يتابع هالمضارب اللي يحاول يخوف المستثمرين الجدد ويصير يهبط فيهم وبعدها اذا فك حمله مايفكه الا التدبيله ...


بالنسبه لي العب على الجهتين مضارب ومستثمر على حسب السهم والحمل عليه ،،، انا اجلس بالسهم من ساعات الي اقصى حد وصلت له هو 18 اسبوع بعدها اعرف ان فيه تطبيل على السهم واطلع ،،، شركات الاستثمار حلوه والله حلوه بس يبيلها "صبر" ... المشكله تلقى قبل انعقاد الجمعيه العموميه بفتره بسيطه ارتفاع عالي بالسهم وهذا يعلمك ان المضاربين دخلوا وقاعدين يدورون توزيع اسهم او تقسيم او زيادة رأس المال ،، بس المضارب ماهو غبي ، تلقاه يخفس بالسهم بعد انعقاد الجمعيه "قاعد يجمع" او انه يرفعه حبتين وبعدين ياخذهم رالي نازل ،،،،

باختصار اللي يبي ارباح شركه وينتظر توزيع ارباح ، لازم "مايناظر للسعر اليومي للسهم " ،،،

اتوقع انك عارف كل اللي قلته ولكن صدقني التأمين شي حلوا ورائع ولسبب واحد "الشعب قاعد يحذّر منه"

​

 

ياهلا والله بالعميد الشايب وياهلا باهل الاحساء كلهم الظاهر انك من عهدي ، العهد الذهبي ، عهد الريس معدن ،،،،

يالعنيد انت شيخنا وترا انا انا ماني متخصص فارأي طالع من "تحليلات" شخصيه لا علميه ،،

:: وجهة نظري ،،، "علميا" يجب فصل الريال عن الدولار وربطه بسلة عملات ممكن يكون الدولار واليورو جزءا منها ،،،،
"اقتصاديا وعقليا" مانقدر نتخلى عن الدولار وعن "الرابط الامريكي" ..

​

 

ياهلا ياهلا والله بابوعبد العزيزي ،،، شكلك ماشاء الله متابع السوق ، تحيه لك

انا اوافقك الرأي كاسايكولوجية مضاربين ،،، لو تلاحظ حاليا "بمنظور المضاربين" السوق متضخم ، لان اخر مره اندمر فيها السوق كان واصل ٢١ الف نقطه والسيوله كانت ٢٠ مليار ، والحين السوق وصل الـ9200 نقطه والسيوله قفزة لـفوق ٩ مليارات فالتوخوف موجود ،،، ولكن سوقنا يتبع الاسواق العالميه ،،، لانه بالنهايه اقتصادنا يعتمد على البتروكيميكالز واللي يغذي العالم كله واقتصاده ، لذلك مادام ان اسواق العالم "امريكا" بمقدمتها و "الداو جونز" خصوصا يحقوقون ارتفاعات فاحنا راح نمشي معهم ،،،

والغريب ان حتى بالاسواق الامريكي فيه ناس تقول انه بيصير سقوط والسوق في تضخم ،، بس اكتب في اليوتيوب economic collapse 2014 واستمتع ،،،

باختصار حاليا اشوف الدخول للستثمار للمدى الطويل خطر جدا جدا غير كذا اذا انت ذكي ادخل و"الحق الهوامير"

​

 

^^^^^
ابو عبد العزيز ، انا رديت عليك واختفى الرد وبعدها طلع واختفى ، اخيرا لقيناه ،،، الزبده انها تهمني نقطتك واللي هي الى وين رايح السوق؟ ياليت تعطينا رأيك...