إلى خريجي علوم الحاسب وهندسة البرمجيات

السلام عليكم
محدثك خريج علوم حاسب
من ناحية الوظيفة فانا اظمن لك الوظيفة , تسعة وتسعين بالمية من الشباب اللي تخرجوا معي توظفوا على طول بل اعرف كثير من الشباب جتهم العروض قبل لا يستلمون الوثيقة وانا واحد منهم ولله الحمد والمنة
بالنسبة للرواتب فلا تتكلم بالرواتب من الان , الفلوس مو كل شي , بيئة ونوع العمل هي اللي تحكم . باعطيك رينج من 9000 الى 16000 الف بالشهر كخريج فرش لكن مثل ماقلت مو كل شي الفلوس .
من ناحية هل بتشتغل على الشي اللي درسته ؟! مو شرط واقدر اقول ان دراستنا ما غطت ولا واحد بالمية من اللي قاعد يصير ويحتاجه السوق . لكن راح يكون شغلك امتداد للي درسته ويمكن يختلف بالشي البسيط على حسب احتياج الشركة اللي موظفتك .

من ناحية الندم فالحمدلله ولا واحد بالمية ندمت بالعكس احس ان التخصص فيه ابداع وفيه تغيير وفيه تبحر مو مثل التخصصات العلمية الاساسية , يعني الحاسب اليوم شي وبكرى شي اخر فاعتقد انه ممتع لابعد حد ممكن تتوقعه.

توكل على الله واجتهد وشد حيلك بالدراسة وبالمعدل والله يوفقك

 

انت من اي مدينة ؟ الرياض و لاجدة او الشرقية عندك فرص قوية

 

لي خمس سنوات وما جاني عرض من الشركات

 

خريج بترول ؟

 

لا

 

من وين متخرج ؟

 

أنت مبتعث؟

أنا لاحظت ان كثير من المبتعثين ما يحصلو وظايف مثل نظرائهم في جامعه البترول، حتى لو كان تخصص المبتعث هندسه كهربائيه او كيميائيه او ميكانيكيه مثلاً ما يحصلها بسهوله فما بالك بالتخصصات الاخرى زي النظريه والاداريه والادبيه والعلميه (كيميا فيزيا... الخ) بحكم ان تخصصات الهندسه عليها طلب كبير وفي المقابل الخريجين من السعوديين ليسوا بأعداد كبيره. لكن إلي في جامعه البترول إذا تخرج على الارجح يحصل على الوظيفه اقل صعوبه من المبتعث وهذا في صالح الطالب في البترول.

 

صح ان الجامعة لها تاثير كبير بالتوظيف بس هي مب كل شي ! لا بترول ولا غيره !

الشهادة تدخلك للمقابلة وبعدها عاد انت وشطارك

 

أخ Bukha يا ريت تفيدنا تجربتك في سوق العمل و من وين متخرج

 

أستاذي بوخا أنا لا اتفق معك.. رأيي المنبثق من تجاربي وخبراتي الشخصيه و ما أراه واسمعه، إلي تدخلك المقابله على الترتيب الآتي:
1) الواسطه.
2) الخبره الوظيفيه.
3) المعدل فرست اونر او سكند اونر ثم 3 فما فوق.
4) الشهاده الجامعيه واسم الجامعه

هذا الترتيب هو ما أومن به في التوظيف في أي شركه، و انت لست ملزماً بأن تؤمن برأيي، أنت مخيّر لتؤمن به او لأ.
لك مني كل الود

 

مو من الابتعاث متخرج

 

@@من وين يعني!

 

الحاسب موجود في كل القطاعات .

فيه الشركات الحكومية المتخصصة بالاشياء البترولية مثل سابك وارامكو وصدارة ومصافي ارامكو الجوينت فينشر
القطاعات الحكومية من مستشفيات "الحرس والتخصصي وغيره" وكل الهيئات الموجودة بالبلد مثل"الاستثمار والمدن والغذاء والدواء وغيره"
الشركات الحاسبوية او القطاعات المختصة بالحاسب مثل "علم والالكترونيات وشركات الاتصالات وبرنامج يسر وتكامل وغيره " غير الوزارات والمؤسسات الحكومية

الوظائف موجودة بس انت شد حيلك وبتلقى انشالله
الله يعينك ويوفقك

 

اخوي انا خريج امريكا في الكمبيوتر وحصلت عروض وظيفية كثيرة وجميع الي تخرجو معاي
ماشاء الله دخلو برامج التدريب الي تخصصها الشركات الكبرى لتخصصات الكمبيوتر

يبقى الأمر يرجع لك هل انت تحب التخصص لان التخصص مطلوب في السوق
وبيظل يطلب طالما العالم تستخدم الكمبيوتر والتوفيق بيد الله