استشارة لعرض وظيفي في الـ Sales لدى شركة سبكيم Sipchem تحت بند العقود

عزيزي كحديث تخرج انصحك بالتالي:
1. نظام العقود للأسف صار طبيعي وتم تطبيقه في كل الشركات. ليش عقود؟ تقليل المصاريف. وحط تحتها خطين. يعني موظفين سبكيم المباشرين بيكون عندهم بونص و برنامج تملك بيوت, و تأمين صحي ممتاز جدا, وتدريب ودورات سنوية. أنت كموظف بنظام العقود ما الك غير راتبك الشهري وتأمين متوسط في الغالب وبس (ممكن يكون لك نسبة من المبيعات بما انك شغال في هذا المجال). فأي وظيفة تجيك عقد سواء في ارامكو او سابك او اي شركة اعرف انه ما بتكون لك اي مميزات.
ومن العيوب في هذا الشي ممكن تحس بالظلم الكثير في المعاملة مثلا يجيبون لك واحد حديث تخرج كل فترة عشان يشتغل معك وتعلمه, او تشوف زملائك يطلعون كورسات ودورات وانت مكانك سر, فلازم تكون متوقع هالاشياء الي ممكن تأثر من نفسيتك, خصوصا اذا كنت من النوع الي ممكن يتضايق من هذه التفرقة.

2. اذا دخلت مجال المبيعات كوظيفة مؤقتة ضروري ومهم جدا تحط بعين الاعتبار انه ممكن ما تجيك وظيفة اخرى في وقت قريب وبعدها بينأخذ عليك مجال المبيعات خصوصا لو جلست فيه 3-5 سنوات. بعدها شبه مستحيل احد ياخذك كمهندس صيانة مثلا او تشغيل او عمليات. فضروري جدا يكون عندك الاستعداد انك تكمل في هذا المجال لو الله ما سهل لك شي ثاني.

شركة سبكيم شركة متوسطة الى كبيرة (خصوصا بعد اندماجها مع شركة الصحراء). ومهم ايضا ما تدخل على امل انك تترسم خلال فتر قريبة لانه بالغالب هذي الشركات صارت تبحث عن زيادة الارباح وباقل تكلفة ممكنة, فما عليك منهم لما يقولون لك اثبت نفسك وكلام فاضي, الا اذا يكتبون هالشي في عقدك انه مثلا العقد مدته سنة واذا الموظف حقق النتائج 1 و 2و 3و 4 و 5 فانه يتم تحويله لموظف مباشر, على سبيل المثال.

بالتوفيق لك في مشوارك.

 

اذا تشوف المهام الوظيفية ممتازة توكل على الله، اهم نقطة انك تكسب خبرة قوية وتكون مطلوبة في سوق العمل.
الراتب جيد جدا، بس انت كحديث تخرج ما المفروض ترفض عرض بس عشان الراتب، اذا ترفض ترفض الوظيفة الوهمية الي ما تفيدك لا من قريب ولا من بعيد.

 

عليكم السلام
المبيعات لها مستقبل و خبرتها تأهلك تعمل في غالب القطاعات
ممكن يجيك عروض من بنوك شركات ...

 

شركة سبكيم يعتبر اسمها قوي وهي احد شركات الزامل.

المبيعات كحديث تخرج ممتاز لان الشغل الاوبريشن يخليك تفهم اكثر ويطور التواصل مع الناس وتحتاج هالمهارة بعدين اذا صار عندك خبرة

بالنسبة للعقود، كل الشركات عقود