السلف ما يدق،، إيش المشكلة وإيش الحل؟

1 - بطاريه

او

2 - دينمو

او

3 - السلف نفسه

 

اشهد انك فزعة وخوي

 

هي صارت معي بعد كم مطرة السلف مايشتغل


شف واحد يشركلك

بالتوفيــق

 

اذا لسع ما حليت المشكلة وودك باشتراك ...راسلني على الخاص

في الغالي هي مشكلة البطارية

 

تصير لي واجد

إذا كان يطلع صوت "تك" بدون ما تدق سلف ، فجرب دبل لها (دوس دوسات خفيفة بنزين و انت تدق السلف اكثر من مرة)

لكن إذا تدق السلف بس المكينة معية تشتغل ، فهذا من البطارية .

موفق

 

و بالنسبة للمشكلة ، فهي راح تكون وحدة من ثلاث إذا ما كانت من البطارية :

1) الفيوز اللي بدقمة السلف محترق .
2)فحمات السلف منتهية (ما تصير عادة إلا بالمواتر القديمة).
3)السويتش ما يوصل الكهرب (إما التماس أو تلف).

 

اول شي حاول تشغل الانوار او تدق بوري اذا اشتغلت معناتوا زي ماقال اخوي محمد اما بطارية او دينمو او سلف ..

بس انا احصرها بثنين :-

اما . . دينمو , او . . بطارية

لانو مافي صوت يطلع لمن تدق سلف , بينما اذا كان الخراب بالسلف رح تسمع صوت طقطقة ...

على العموم اذا حاولت تشغل الانوار والبوري ومااشتغل شي , شيك على اصبع البطارية ترى احتمال كبير

يكون منو .. حاول تلعب فيه يمين يسار .. اذا صار التماس معناتو البطارية تمام .. بس لازم تغير الاصبع ..

 

اول شي ايش نوع السيارة بعدين نحدد المشكلة

لانو احيانا في السيارات الجديدة السنسور حق التعشيق يعلق ما يعطي امر انو الشيارة في وضعية البارك p

معليش الاجوبة اللي فوق ماهي محددة مزبوط

دمت بود

 

لاتنسى تشيك اصابع البطارية

 

اخوي اول شي تأكد انك حاط القير على p

ثاني شي احيانا يصير الدركسون معلق فـ انت حركه يمين ويسار قبل ما تحاول تدق

موفق اخوي

 

على الخاص لو ما انحلت

 

انا صارت لي مرتين

و في كلا المرتين طلعت المشكله ان البطاريه فااااضيه

غيرت البطاريه و مشت الامور

 

شوف هي مو دينمو ولا سلف

الاغلب انها بطارية

لان لو دينمو اساسا ماتمشي كان طفت عليك وانت تمشي (لان الدينمو يشحن البطارية والسيارة تمشي ماله علاقة اذا طفيتها ) ويبين الدينمو من اعطاله فجاة لكن دامك وقفتها وماكان فيها شي وقبله كانت تشتغل والامور سليمة معناته مو دينمو ولا سلف


هي بطارية حسب توقعي شوف تاكد من اصابع البطارية حقتك هل هي قديمة ورايحه فيها نصحية روح اقرب محل بطاريات ينظف لك الاسلاك ويركب لك اصابع نحاس اصليه عشان تشتغل معك على طول ويشدها لك زين

او اذا مو اصابع او اسلاك معناته احتمالين يا السيارة تهرب كهرب يعني فيه لمبة جو السيارة شغاله وماتطفي او ناسي شي شغال ويسحب بطاريتك هذي تبين اذا كانت سيارتك توقفها وتجيها بعد كم ساعه وتشتغل لكن تجيها بعد كم يوم ماتدق سلف لازم تشرك

لكن اذا كانت بطارية معدومه اذا طفيتها ورجعت له بعد ساعتين الا هي منتهية ماتمسك شحنات


المفروض الواحد يغير بطاريته كل سنة او سنة ونص


وموووفق خيررر

>>عانيت من الكهرب بسبب سيارتي طفشتني لين لقيت لها حلول هع هع