اوريا , سوبر اوريا , تجربة قاسية و نجاح في الاخير

الموضوع في 'ساحة السنة التحضيرية' بواسطة Mr pedro, بتاريخ ‏22 يناير 2017.

  1. Mr pedro

    Mr pedro عضو

    انضم:
    ‏30 يونيو 2016
    المشاركات:
    15
    الجنس:
    ذكر
    التقييمات:
    +8 / 0 / -0
    السلام عليكم مع نهاية الفصل الأول كثير من الاوريات الراسبين متحطمين والبعض يفكر يترك الجامعة لذلك راح اشاركم تجرتبي

    نبدأ بترم 151

    محدثكم من سكان الشرقية وما افضل ادخل اكثر في التفاصيل الشخصية

    جيت الجامعة كلي حماس وبدأ الأسبوع التعريفي حضرته وانا مبسوط خلاص صرت بترولي :) مر الأسبوع خفيف واختبرت تحديد المستوى و حطوني 01 مع اني ما استاهل 00

    الأسبوع الدراسي الأول / الإنجليزي كان ليت عندي فكنت ابدأ بحصة الرياضيات :) جاء الدكتور 50 دقيقة يتكلم انجليزي مافهمت شي منه و اغلب الطلاب نفس الشي بعد كذا جت حصة الإنجليزي مدرس شايب ما فهمت منه شي والطلاب بعد ولا هو فاهم منا شي مر الأسبوع الأول بسلام

    * باقي الترم

    الإنجليزي /
    طبعا القاموس و ترجمة الجوال كانوا أصدقائي في البداية كان عندي ضعف شديد في الكلمات . مع الوقت بديت افهم اكثر و اكثر في الإنجليزي والأمور بدت تتسهل جاء البروقرس الأول جبت تحت الافرج بشوي حسيت بخوف قلت خلاص برسب شديت حيلي اكثر كنت اترجم كل شي اشوفه و أحاول استمع اكثر . جاء الميد وجبت فوق الافرج بعشرة حسيت بالراحة وجاء البروقرس الثاني جبت على الافرج و جاء الفاينل وجت أسئلة امير مالك الجلاد كان فاينل صعب جدا طلعت وجسمي كله معرق وكنت متوقع الرسوب ورحت مكتب المدرس وقالي انت جبت 71 والافرج 72 قلت يعني راسب قال لا نجحت وانتهيت من لفل 01

    -02
    هذا اللفل للأمانة كان سهل لان اللي ماسك الكورس مسهله دخلت الفاينل وانا مرتاح و نجحت فيه ب c لان الافرج كان عالي

    ------------------------------------------

    ماث 001
    البداية كانت صعبة كويزات سيئة وكنت خايف كثير لاني اذاكر و اخر شي 2 من 10 ولا 5 في احسن الأحوال جاء الميجر الأول وجاء بصدمة جبت 4 من 20 نزلت علي مثل الصاعقة يومين مكتئب و مو مصدق بعدها قررت اشد حيلي وفعلا الكويزات بدأت تتحسن وجاء الميجر الثاني جبت فيه 12 او 11 وتحطمت لان الاغلاط غبية لكن حسيت في فرق وكملت على نفس المنوال جات نهاية الترم وكان باقي لي 32 عشان اعدي وكان عندي انجليزي و فيزياء حسيت اني عاجز وخلاص قبل الاختبار بيوم صنفت نفسي راسب جاء الفاينل وجبت في 21 الظاهر و اخذت F كبر وجهي وحسيت ان مالي مكان في هذي الجامعة

    -----------------------------------------
    PYP001
    فيزياء تعتمد على الثانوية بس بالانجليزي ما أطول عليكم عامل اللغة اثر علي لكن ما ابرر اني كنت مريح شوي لان النجاح من 40 مثل ما سمعت وهذا اكبر غلط انك تسمع بدون ما تتأكد جت القريدات و اخذت F كبر وجهي الفرق بين اف الماث والفيزياء ساعة وبيتهم درجة الإنجليزي ولو ما نجحت في الإنجليزي كان ممكن انا الحين في جامعة ثانية
    ---------------------------------------
    PE PYP003
    مواد عديتها بسهولة بس كنت ما اغيب ما يحتاج أتكلم اكثر

    انتهى الترم ب 2 F و معدل تحت 1.75 وانقطاع للمكافاة و ما قلت لاهلي أي شي لانه مالي وجه

    --------------------------------------------------------------------------------------------------------------------

    ترم 152
    طبعا بدا الترم وانا ناوي اعوض المصيبة اللي صارت في 151

    الإنجليزي /

    -03 هذا الكورس اثقل وادسم كورس في انقلش الاوريا pt1,2 كلها على الافرج و الميد نفس الشي جت الفاينلات وجاء التوفل اللي بعد ما اختبرته حسيت اني ما درست شي اول ترم طبعا انخسفت في التوفل ورسبت فرق درجة عن النجاح

    -03 اخذت الكورس مرة ثانية و نجحت بسهولة مو لاني شاطر لان الافرج حق الكورس كان 65



    -------------------------------------------------------------------
    ماث 001

    نجحت فيه بسهولة بحكم اني اخذته من قبل وعرفت استعد كويس للمياجر

    ----------------------------------------------------------
    باقي المواد نجحت فيها ب c

    انتهى الترم الثاني برسوب واحد وصار المجموع ثلاث كورسات اثنين في الصيف وواحد في 161
    واستمرار في اقل من 1.75 وانقطاع في الصيف مع استمرار كتمان الموضوع عن الاهل
    ------------------------------------

    ترم 153

    بدا الترم وانا احوالي المادية بدت تسوء

    ماث 002

    قررت اشد حيلي من اول ميجر وفعلا رغم الضغط الدراسي وضغط الوقت الميجر كان في اقل من ثلاث أسابيع وكل يوم درس
    جبت 14 في الميجر الأول فرحت كثير وقلت خلاص بركز على الإنجليزي وبرجع للماث وفعلا مشت الأيام وقبل الميجر الثاني بأسبوع بديت بتشابتر 6 فصل سهل عن رسم الساين و التان وغيرها وبديت بتشابتر 7 الأصعب قبلها ب 5 أيام لكن قدر الله و مرضت مرض شديد جسمي كان يرجف وعيني تدمع انا خفت فيني مرض خطير لان اول مرة تجيني حالة مثل هذي طبعا دخلت الميجر ارجف من المرض و نسيت كل شي وللأسف جبت 5 من 20 على طول جاء في بالي ترم 151 وماث 001 بين الميجر الثاني والفاينل اقل من أسبوعين ما كنت ملحق وجاء الفاينل ورسبت على درجة وحدة

    ------------------------------------
    انجليزي 04
    هذا من اسهل الكورسات لو حفظت الكلمات كويس وبدعت في التوفل
    طبعا كانت اختباراتي على الافرج وكنت ساحب ومركز على الماث كليا وهذي غلطتي لان جاء الفاينل قبل الماث بيوم وجبت فيه العيد مع اني جايب 470 في التوفل لكن الفاينل كان طايح والنتيجة رسوب وانا جايب 66.37 والنجاح 67 لكن المدرس قالي ما راح ازيدك غيرك يستاهل . حقدت عليه ما انسى شكله يوم يقولها وهو يبتسم

    انتهى الترم الصيفي بفشل كامل ومخزي بس قلت دام اني قريب من النجاح دايم ودام عندي فرصة اتمسك فيها و استمر كتمان الموضوع عن الاهل

    ---------------------------------------
    ترم 161

    كنت متحطم من داخل لكن قلت هذا ترم أكون او لا أكون الفرصة الأخيرة

    ماث 002

    نفس اللي حدث ب001 شديت حيلي من البداية الى نهاية الترم وجبت مجموع 53 قبل الفاينل ونجحت بدون ما اذاكر للفاينل والاهم اني جبت في الميجر الثاني 17 الميجر اللي رسبني في الصيف حسيت بلذة الانتقام :)

    ---------------------------------------

    الفيزياء قلت انا لازم اضرب من البداية وفعلا من الميجر الأول جبت +15 والثاني +15 ونجحت قبل الفاينل

    ----------------------------------------
    انجليزي 04

    كانت درجاتي تمام كل شي على الافرج وجت رسالة القريدات وكنت واثق والنجاح كان من 65 الا الصدمة صفر في التوفل ودرجة سيئة في الريدينق والنتيجة الرسوب طبعا تحطمت بشكل لا يوصف طبعا التحطيم كان بيني وبين نفسي ما كنت أقول لاحد شي عني وحزنت لان على أساس اذا نجحت بشتغل في دوام جزئي لان الحالة المادية كانت صفر بعت نص اغراضي عشان امشي نفسي في الصيف الحين وش اسوي ؟واحد من اقرب أصدقائي في الثانوي قلت له عن وضعي وجاني اليوم الثاني وعطاني مبلغ ما قصر معي اول مرة بحياتي ابكي من الفرحة لاني حرفيا كنت معدم


    بعد المساعدة اللي جتني قلت لازم اعدي

    04 للمرة الأخيرة

    هذا الكورس شديت حيلي من البداية لكن كل اختباراتي تحت الافرج وجاء موعد التوفل استعديت كويس والحمدلله جبت +485 وعديت 04 وطلقت الاوريا بعد سنة و صيف وترم ثالث

    انا ما تعمقت في التفاصيل اكثر ولا ما راح نخلص مرت علي ظروف نفسية انك تشوف اهلك مبسوطين فيك وبالاصل انت جايب العيد او تشوف اخويائك بعضهم مستواه في الثانوي اقل مني ومع ذلك ما شاء الله مبدعين في وعاطفية بموت احد الأصدقاء وظروف مادية كيف كنت متقشف بس حبيت اعطي صورة عامة عن التجربة

    ختاما بعد ما قرأته عزيزي الاوريا هل لازلت حزين ؟ ابتسم الفرص كثيرة وشد حيلك عشان ما تصير مثلي :)

    وأتمنى اني أكون رفعت من معنوياتكم ولو بالقليل وسامحوني على الأخطاء الاملائية

    واحمد الله دائما وابدا
     
    • x 8 إعجاب إعجاب
  2. Ahmad.AH

    Ahmad.AH الإدارة
    طاقم الإدارة

    انضم:
    ‏30 ديسمبر 2016
    المشاركات:
    86
    التخصص:
    SWE
    الجامعة:
    KFUPM
    سنة التخرج:
    N\A
    الجنس:
    ذكر
    التقييمات:
    +78 / 0 / -0
    ماتدري هالموضوع وش غير في نفسيتي بشكل ماتتصوره "محدثك راسب في ماث ٠٠١ قبل يوم "، قصة كفاح ، درس المفترض يوزع لكل طالب خرج من الجامعة من اول الاسابيع او من اول رسوب له

    الله يوقفك في حياتك وباذن الله نشوفك خريج اونر
     
    • x 1 إعجاب إعجاب
  3. First_Step

    First_Step عضو

    انضم:
    ‏30 أكتوبر 2016
    المشاركات:
    9
    التخصص:
    N/A
    الجامعة:
    N/A
    سنة التخرج:
    N/A
    التقييمات:
    +2 / 0 / -0
    ماشاء الله قصة كفااح :قلب:
    الله يوفقك ويسهلك طريقك .. :قلب::قلب:
     
  4. HARD-WORKER

    HARD-WORKER عضو

    انضم:
    ‏20 يناير 2016
    المشاركات:
    100
    التخصص:
    Accounting
    الجامعة:
    KFUPM
    سنة التخرج:
    2018
    الوظيفة:
    B.S in Accounting
    الإقامة:
    جـدة - الظهران
    التقييمات:
    +100 / 1 / -2
    صراحه مو تسليك للسوبر اوريات لكن اللي اشوفه ناس كثير يخلصون الاوريا في سنه ونص ويتعلمون من اخطائهم ويصيرون أونرز بالجبل .. تحيه لهؤلاء الأشخاص
     
    • x 2 إعجاب إعجاب
  5. BinShraim

    BinShraim عضو

    انضم:
    ‏22 يوليو 2016
    المشاركات:
    4
    التخصص:
    هندسة طيران وفضاء
    الجامعة:
    KFUPM
    سنة التخرج:
    2021
    الجنس:
    ذكر
    التقييمات:
    +1 / 0 / -0
    إنت أسطورة .
     
  6. غروب الشمس

    انضم:
    ‏27 يوليو 2008
    المشاركات:
    693
    الوظيفة:
    Studnt at KFUPM
    الإقامة:
    KFUPM hostel
    التقييمات:
    +13 / 0 / -1
    ذكرتني بماضي عشته قبل 9 سنين من الحين ..

    و بعشر ايام تغيرت حياتي فوق تحت بسبة هالاوريا ..

    و تخرجت من الجامعة بفضل الله و الان مهندس بشلمبرجير و طالب ماجستير ادارة اعمال ..

    ولازال للمجد بقية :)
     
    • x 1 إعجاب إعجاب
جاري تحميل الصفحة...
مواضيع شبيهة - اوريا سوبر اوريا تجربة قاسية نجاح في الاخير
  1. خالد عليي احمد
    الردود:
    6
    المشاهدات:
    3,455
  2. .707saeed
    الردود:
    2
    المشاهدات:
    3,730
  3. A.T
    الردود:
    2
    المشاهدات:
    2,260
  4. علاوي 112233
    الردود:
    2
    المشاهدات:
    1,217
  5. علاوي 112233
    الردود:
    0
    المشاهدات:
    1,594
  6. A.T
    الردود:
    7
    المشاهدات:
    3,320
  7. A.T
    الردود:
    0
    المشاهدات:
    916
  8. علاوي 112233
    الردود:
    3
    المشاهدات:
    2,200
  9. Mr pedro
    الردود:
    3
    المشاهدات:
    1,642
  10. Mr pedro
    الردود:
    10
    المشاهدات:
    2,902

مشاركة هذه الصفحة