تجربتي في شركة Samaa Technologies

السلام عليكم ورحمة الله وبركاته

انا توظفت في شركة سما ك Field Engineer وطلعت بعدها واعلمكم تجربتي مع الشركة .

اولا مجال الشركة سيرفس رقوق وبالاخص في مجال تنظيف آبار النفط WBCO. و Negative inflow test وبرضو PBL )قطعة تنزلها في البير أثناء الحفر تساعدك في سد مكان التسريب .

دخلت الشركة متحمس جدا فترة تدريب ٣ شهور في الورشة و وكانت كثرة ومالها داعي لان انصدمت ان طول هال ٣ شهور بس ٧ قطع تفتح وتركب فيهم وتتعلم كيف تاخذ ID و ال OD كانت ضياع وقت الصراحه واشوف آت الوقت اللي يكفي للتدريب بالكثير شهر والباقي خله يتعلم في الرق المفروض .

المهم دوام ٦ اسابيع و اسبوعين اجازة ومالك اجازة سنوية ومافي التزام بالروتيشن رواتبه من ٧ إلى ٨ آلاف ريال و بونص اليومي ١٥٠ دولار ويتأخر البونص عادي شهر أو ٣ شهور ع ماينزل في حسابك يعني ماتشوف بيتكم بالشهر ونص ع راتب ٧ آلاف.


نجي للأهم عقدهم سنتين وركزوا عليها اذا حصل لك عرض وظيفي احسن ماراح تطلع ببلاش تدفع باقي العقد حقك لان عقدك محدد المدة مافي شي اسمه شهرين إنذار ، يعني بعض اللي اعرفهم طلعوا ودفعوا ٩٢ الف وفي اللي دفع ٧٠ الف ، الحالة الوحيدة اللي ماتدفع فيها هي اذا جاك عرض وظيفي ارامكو بس ، لو جاك شلمبرجير او بيكر من هالشركات القوية احلم تروح لها ببلاش .

 

فل بكج ، نادر ماترجع تطلع من رق إلى رق يطلعوها من عينك ، افضل شركة ماعندي علم ، لكن اللي تعرفه حاليا الشباب يقولو لي كثير مايبي يجدد عقده ويبون يطلعون إلى درجه يترجوا الجماعه يضلوا معهم