كل ما تريد معرفته عن اختبار ال FE الخاص بالمهندسين

اللي نجحوا بال FE,هل فيه رخصة EIT في السعودية بعد النجاح في الاختبار أو لا؟ وان كان فيه هل أقدر أخذها إن كنت عديت الأختبار بمكان ثاني غير السعودية؟

 

الاختبار متى مواعيده في السعودية؟
سمعت انه يصير بشهر 4 وشهر 10 ميلادي كل سنة

 

أنا مثل الرجال ودي أختبره في البحرين تجنباً للرسوم تنصحوني ولا

 

لا هي مب رخصه, لكن في امريكا اذا نجحت فيه يصير التايتل حقك EIT.
فالسعوديه ماعرف اذا الشركات تستخدم هالمسميات لكن انا شخصيا حاطه فالCV وفي لنكد ان

 

انا اخذت الاختبار في امريكا وعديته, أيش تقصد بال EIT?شاكرًا لك

 

هناك اذا عديت ال FE يصير المسمى حقك Engineer in Training حتا تلقاهم في بعض اعلانات الوظائف يكتبون من الشروط انك تكون EITيعني ناجح في الاختبار. مجرد شي تحطه بعد اسمك

 

اهاا، يعطيك العافية

 

للزملاء المهندسين

احد وجد فرق في التوظيف او الفرص بعد الاختبار ؟ خصوصا في الشركات الاميركية ؟

 

الحمدلله رب العالمين نجحت في FE Electrical and Computer ..

طريقة تحضيري للاختبار كانت مراجعة الكتاب المقدم من NCEES وعندي كتاب Lindeburg .. طبعا هذا الكتاب ميزته يشرح لك شرح مفصل جدا وكل قانون موجود بال reference book اللي راح تستخدمه وقت الاختبار راح يكون موجود و معاه مثال.. وزيادة عن ذلك مع كل نهاية شابتر فيه اختبار ع السكشن اللي غطيته (طبعا اشوي اصعب من الامثله الموجوده) وحل الاختبار هم موجود...

انا عن نفسي صراحه لان عندي دوام طويل جدا مارحت للشرح فقط اكتفيت امر ع الاسئله بشكل سريع جدا واللي ماعرفه اشوف الحل والحمدلله النتيجه نجاح...

مثل ماقال اخونا ME_1 اذا لك سنه او سنه ونص من تخرجت وكنت فاهم وقت الجامعه، ان شاء الله راح تنجح فيه بس يبيلك تتعود ع الرفرنس مالهم وتحرك يدك شوي ع حل المسائل..


بالتوفيق للجميع!

 

بالنسبه لعضويتي للهيئه السعوديه للمهندسين، كيف اقدر ادخل نتيجة الاختبار تحت خانة اساسيات الهندسه (FE,FS) ؟

 

الحمد لله والشكر له اولا واخرا: عديت اختبار FE Mechanical

الاختبار كان بصراحة متوسط لم يكن صعبا ولم يكن في متناول اليد

لم اشتري الا كتاب FE Practice exam من موقع NCEES ز
اما بالنسبة لكتاب FE review manual فوجدته متاحا في "النت " ولا يوجد داعي لشرائه . هذا الكتاب فيه اغلب مواضيع الهندسة الميكانيكية ماعدا بعض المواضيع التي لابد ان تراجعها كطالب من كتبك الدراسية

الاختبار صحيح انه كان طويلا تقريبا 5 ساعات ونصف لكن المدة مضت كلمح البصر

الأسئلة التي تقريبا أجبت عليها 100% صحيحة هي بين 75-85

احببت ان اشكر ابا خلدون حفظه الله على اثرائه لهذا الموضوع في المنتدى وأسال الله ان يكتب له الاجر لكن تصحيح بسيط: ان درجة الاختبار ظهرت بالضبط في الساعة 9:00:00 بتوقيت CST الخامسة عصرا بتوقيت المملكة

 

لدي سؤال: ما اهمية "البورد" Board الذي اختبرت فيه؟ هل له اهمية ام لا؟

 

بعد ما اختبر واعدي الاختبار, وش المطلوب؟ كيف اعلمSCE بنتيجتي عشان يسوونلي ابديت في البروفايل؟
وهل فيه شهادة اقدر اطبعها؟

 

يا شباب انا تقريبا شبه جاهز للاختبار ومذاكر
بس السؤال الواحد عشان يعرف

هل الموضوع فرق معاكم في التوظيف ؟ او في في فرص الحصول على مقابلات وظيفية ؟
اي شيء يتعلق بهذا الموضوع ياريت يفيدنا راح يهمني كثير

وشكرا

 

ما راح يفرق معك ابدا. لا القطاع الخاص مهتم فيه ولا الحكومي. الشركة الوحيدة الي شفتها تهتم فيه هي ارامكو فقط, ومع ذلك ما يأهلك لمقابلة. يعني ارامكو تطلبه منك اذا كانوا ناوين يحطونك في مسار تقني بحت ويكون مسماك "سبشلست" لأنه احد متطلبات السبشلست باث هو رخصة الPE الي هي بعد الFE .
الاختبار قيمته الحقيقية في امريكا وليس في الدول الأخرى.

 

NCEES & Qiyas for FE exam for engineering
اختبار FE المقدم من (NCEES وقياس) والمخصص للمهندسين

قروب للفايده
NCEES & Qiyas (FE exam)

 

سلام شباب

أقدر أحصل على كتاب FE Chemical Review Manual pdf؟
محتاجه ضروري و التوصيل راح يأخذ وقت...

و اذا تعرفون وين أقدر ألقاه بالسعودية يا ليت تدلوني عليه

 

الله يعطيك العافية استفدت جدا من موضوعك قبل اختباري, اتفق معاك في نقاط واختلف في اخرى ..

حسب تجربتي الاختبار كان متوسط مايل للسهولة, انا للامانة دخلت الاختبار ( FE mechanical ) من غير اي تجهيز او مذاكرة, كل الي سويته اني اخذت نظرة على المانوال الي يجي مع الاختبار وكذلك مقطع او مقطعين في اليوتيوب فقط ريفرش لاستخدامات الالةالحاسبة في صبحا يوم الاختبار, مش ثقة في نفسي او دفرة ولكن لاني نسيت موعد الاختبار وتفاجات فيه قبل يوم من موعده

نصائحي للمتقدمين للاختبار هي كالتالي:

1- اول 53 سؤال (قد تزيد او تنقص شيء بسيط) هم يمثلون القسم الاول من الاختبار او القسم العام, هذي ال 53 لازم تضمنها في جيبك لانها سهلة جدا وكلها او جلها ينحل بالالة الحاسبة وفيها اسئلة اخلاقيات المهنة وامور في التخصص بسيطة جدا.
2- راجع استخدامات الالة الحاسبة خاصة ضرب المصفوفات وايجاد ال determinant, كذلك حل المعادلات بالحاسبة وايجاد كذلك المتوسط والانحراف المعياري والامور الاحصائية بالحاسبة.
3- راجع دروس ال normal distribution وكيفية ايجاد ال z value .. الخ << مهم جدا ثلاث او اربع اسئلة جات من هذا النوع.
4- في اقسام في الاختبار ما يمنع لو تقسها كلها, بالنسبة لي قسيت كل اسئلة المشين والكنترول , فمو شرط تذاكر كل مواد الميكانيك قبل الاختبار, شوف توزيع الاسئلة من موقع NCEES وشوف ايش الاقسام الي عليها اسئلة كثيرة وذاكرها والبقية طنشها منت خسران شي.
5- في اسئلة كثيرة ما كنت اذكر اي شيء عنها ولكن بنظرة او بحث سريع في المانوال بتحصل المعادلة الي تحتاجها وتعوض وفيها وتحصل الجواب قدامك , تعويض مباشر ..
6- الي ذكرته فوق ينفع لك اذا كنت متخرج توك مالك سنة بالكثير والمعلومات او الحس الهندسي لسى في بقايا منه في دماغك, الاسئلة كثيرة والماتيريال كبير وماحد فاضي يذاكر خاصة اذا كنت موظف وترجع البيت هلكان على نهاية اليوم تدور الفراش, Play it smart

بالتوفيق للجميع ..

 

اختبرت الاسبوع الماضي FE Electrical وامس طلعت النتيجة ولله الحمد عديت.

انا صار لي 5 سنوات من تخرجت وفي البداية كنت متردد اختبره او لا, بس اخذت الموضوع كتحدي واستعديت للإختبار في 3 شهور تقريبا (طبعا متقطعة بحكم الظروف) احيانا اذاكر نص ساعة في اليوم واحيانا 5 ساعات على حسب الجدول.

استعملت مرجعين للمذاكرة الأول هو كتاب مراجعة من امازون



الكتاب هذا بصراحة مختلف عن طريقة اسئلة الاختبار بس يفيد من ناحية رفرش للمعلومات و تدريب على الحل.

المرجع الثاني هو الاختبار التجريبي من NCEES وهذا اهم مرجع في نظري عند الاستعداد للإختبار.


انطباعي عن الاختبار مثل ما قالو الشباب هو متوسط ليس بالصعب المستحيل ولا السهل. بشكل عام هم يختبرو فهمك للأساسيات فقط ومو هدفهم تعقيدك او افشالك في الاختبار.
اي شخص عنده خلفية كويسة عن تخصصه وفاهم بيعديه ان شاء الله.