كل ما تريد معرفته عن برنامج وسام الأهلي، بالتفصيل الممل

الموضوع في 'ساحة الخريجين' بواسطة CODEX, بتاريخ ‏27 أكتوبر 2017.

  1. CODEX

    CODEX عضو

    انضم:
    ‏20 مايو 2017
    المشاركات:
    12
    التخصص:
    N/A
    الجامعة:
    N/A
    سنة التخرج:
    N/A
    التقييمات:
    +17 / 0 / -0
    #1 CODEX, ‏27 أكتوبر 2017
    آخر تعديل: ‏27 أكتوبر 2017
    السلام عليكم ورحمة الله وبركاته

    موضوع اخونا The Impossible, كان مفيد جدًا، الله يجزاه خير

    كل ماتريد معرفته عن برنامج رواد الأهلي و برنامج وسام الاهلي

    ولكن حبيت احط تجربتي كمان لعلها تفيد زيادة، وحتكون مُركّزة على برنامج وسام الأهلي

    ---------------------------------------------------------------------------------------------------------​

    1. طريقة التقديم

    شفت الإعلان في موقع LinkedIn

    وقدمت عن طريق الموقع

    Al Ahli Careers

    بعد التقديم بـ اسبوعين ارسلولي الاختبار

    ///////////////////////

    2. SHL Exam:

    مبدئيًا الاختبار هذا يضغطك من ناحية الوقت، ومستوى الأسئلة يختلف، رح تلاقي حاجات مباشرة

    ورح تلاقي حاجات تخليك تلف حول نفسك، فـ نصيحتي: لا تضيع وقتك على سؤال تحس حياخذ منك وقت

    الاسئلة من هذي النوعية تكون واضحة، فـ عشان تستفيد من وقتك وتلحق تجاوب كل الاسئلة

    للأسف رح تضطر تختار عشوائي فيها عشان توفر لنفسك وقت للاسئلة اللي بعدها، هذي كانت استراتيجيتي.

    الاختبار مقسم لخمسة اجزاء، حسب الجدول التالي:

    [​IMG]

    أ/ الحسابي:

    اختبار قدرات مطور، فيه حاجات مباشرة، زي بعض الاسئلة يقلك يبغى مثلا قيمة الربح من عملية تجارية بعد خصومات معينة بنسب معينة

    وفيه اسئلة يخليك تسوي ممكن 3 لـ 5 عمليات حسابية عشان توصل للي تبغاه.

    ب/ اللفظي:

    هنا للأسف ما يعطيك مثلا قطعتين او ثلاثة وكل الاسئلة عنهم، هنا كل 3 او 4 اسئلة تتغير القطعة، واحيانا تكون طويلة جدًا

    واحيانا قصيرة، واحيانا السؤال يكون مباشر، واحيانا فيه لف ودوران

    وزيادة اختيار Cannot Say بين الاجابات يخليك ترتبك، لأن في اسئلة تجيك مالها جواب صريح في القطعة

    فـ انتا اقرأ السؤال وارجع للقطعة، ودور عن اجابتك، اقرأ كامل الجملة اللي تحس فيها جوابك، لأن ممكن تخدعك القطعة

    ت/ المنطقي:

    اسهل جزء فيهم (مو معناه انو سهل)، اكثر اسئلته مقدور عليها لو ركزت، ولكن ممكن الوقت يضغطك في آخر سؤال او اثنين

    طريقته كمثال انه يعطيك مجموعة اشكال بترتيب معين ويخفي الشكل الأخير، وانتا تحدد ايش الشكل الأخير بطريقة منطقية بالنسبة للأشكال اللي قبل

    يعني لو اعطاك 4 صور لساعة تتحرك 30 دقيقة كل صورة، واول صورة الساعة كانت 12

    الصورة الخامسة بتكون كم الساعة صارت؟

    زي كدا الاختبار ولكن مع اختلاف مستوى الصعوبة طبعًا، واحيانا تتعقد عشان تطلع العلاقة بين الأشكال

    ث/ تقييم الشخصية:

    اسئلة كثير هدفها تقييم شخصيتك، كمثال: كيف اللي حولك يصفوك: قائد، تابع، مدير كبير... إلخ

    ج/ انجليزي:

    زي اي اختبار انجليزي مريت عليه; اكمال جُمل، تفهم قطعة بسيطة وتجاوب، مو زي جزء اللفظي، ومافيه كتابة، كله اختيارات

    ///////////////////////

    3. مقابلة مبدئية:

    اذا عديت درجة معينة في الاختبار، بعد اسبوعين تقريبًا رح يرسلو لك دعوة لمقابلة شخصية مبدئية مع الـ HR

    مقابلة جدًا عادية، مافيها اي تعقيد ولا شي، وتجربتي مع موظفي الأهلي خلال المقابلات كانت ايجابية جدًا

    يتكلمو بـ احترام، ويبتسمو، والمقابلات تكون عبارة عن نقاش اكثر من انها مقابلة، ما يعيشوك جو التحقيق

    التركيز في هذي المقابلة على شخصيتك، الانجليزي حقك، اسلوبك في الكلام، وحركة يدك

    الاسئلة كلاسيكية زي: ليش تبغى تشتغل هنا؟ اتكلم عن تجربة لك اشتغلت فيها مع تيم، اتكلم عن مشروع تخرجك.

    ///////////////////////

    4. مقابلة مع لجنة:

    هنا غالبية الناس تجيب العيد بسبب التوتر والخوف، لأن رح تنحط قدام 3 او 4 من الإدارة العليا للبنك

    فـ تبدأ تحس بالضغط وانك ما تبغى تغلط او تنحشر

    ولكن اتذكر... ترى انتا غالب الامر فريش او بخبرة بسيطة، يعني مهما صار هم يتوقعو منك نسبة توتر

    وما رح يسألوك اسئلة متعمقة، وإنما حاجات سطحية بتفصيل اكثر. فيه ناس قالولي انها كانت نسخة من المقابلة المبدئية بالنسبة لهم

    وفي ناس طولو جدا معاهم، وكانت اسئلتهم عن حياتك خلال الدراسة، والحاجات اللي حققتها، والحاجات اللي تبغى توصل لها مستقبلا

    واسئلة عن مشاريع التخرج (مافي شي تيكنيكال، مجرد كيف اتصرفت خلال المشروع، وكيف تجربتك)

    تجربتي الشخصية كانت اكثر من ايجابية، لأن الانترفيورز كانو قمة في الاخلاق والاحترام

    وكانو يحسسوك انهم فاهمينك ومعاك
    في كل كلمة تقولها، ومتجاوبين معاك.

    الاسئلة حول: ايش تعرف عننا، ليش تبغى هذي الفرصة، ايش سويت من اول ما اتخرجت لحد دحين، لو ما جاتك هذي الفرصة ايش حتسوي،

    اتكلم عن مشروع تخرجك بالتفصيل، والسؤال اللي دايما في كل مقابلة رح يجيك: ليش انتا؟

    هذا السؤال اللي 99.99% رح يحدد اذا رح تعدي او لأ، وهوا فرصتك انك تتميز على كل المتقدمين الثانيين، او انك تجيب العيد

    هذي فرصتك انك تسوِّق لنفسك، ابدع في الاجابة، عرفهم انك مو زي احد ثاني، وانك واحد من النخبة، وجيبلهم دليل،

    كـ مثال انه تم اختبار مشروع تخرجك ضمن افضل مشاريع مرت على الكلية، طبعًا اقصد انجازات حقيقة صارت لك

    أو حاجات شخصية صارت لك وطريقة تصرفك فيها كانت مميزة

    هذا هو الوقت الي هدفك الوحيد فيه هو انك تسلط الضوء عليك، ومو على غيرك من المرشحين

    طبعًا لا تفكر انك تقول حاجات زي: انا احسن واحد بين المتقدمين، او حتى تلمح لهذا الشيء، فيه ناس من التوتر يقولو كذا :)

    مو انتا الي تقول انك احسن واحد بين المتقدمين، هذي شغلتهم هم، اعطيهم سبب او اسباب انهم يقولو الشي هذا

    مثلا قول انك اتخرجت بمرتبة شرف وكنت ضمن نخبة الطلاب، أو انك شاركت في مشاريع او ابحاث قوية، او لك اثر ايجابي في المجتمع

    يعني اعطيهم ادلة على تميزك ايًا كانت.

    ///////////////////////
     

    الملفات المرفقة:

    • x 5 إعجاب إعجاب
  2. CODEX

    CODEX عضو

    انضم:
    ‏20 مايو 2017
    المشاركات:
    12
    التخصص:
    N/A
    الجامعة:
    N/A
    سنة التخرج:
    N/A
    التقييمات:
    +17 / 0 / -0
    #2 CODEX, ‏27 أكتوبر 2017
    آخر تعديل: ‏27 أكتوبر 2017
    5. يوم التقييم (اسيسمينت داي، او اسيسمنت سنتر):

    وصولك لهذي المرحلة يعني انك اتميزت عن بقية المرشحين، وانتا ضمن 50 او 60 مرشح آخرين، من توتال 5000+ ابلكيشن.

    هنا حيكون يوم طويل، ولكنه آخر مرحلة في البروسس.

    في البداية، رح يرحبو فيكم اللجنة (مقيمين من شركة الاختبار اللي اخذته، وخبرتهم كبيرة جدًا، رح تلاحظ اغلبهم شياب)

    ورح يعرفوكم ايش حيصير خلال اليوم.

    أ/ المقابلة الشخصية الحالية (competency based interview):

    هنا هدي اعصابك ولا تخاف، اللي قدامك رح تلاقيه متجاوب معاك، ولو ما فهمت السؤال رح يعيده مليون مرة لك بصيغة مختلفة،

    ولو برضو ما فهمت رح يعطيك مثال. فـ لا تخاف لأنهم متعاونين.

    رح يجلس معاك حدود النصف ساعة، وممكن اكثر، وكل الاسئلة رح تكون عن تجاربك في الحياة، يعني كمثال رح يقلك:

    اعطيني مثال عن مرة حليت خلاف بين 2 في التيم حقك، وكيف حليته، وايش استفدت؟

    كل الاسئلة زي كدا.

    الفكرة انه هم عندهم صفات ومهارات معينة أُعطت لهم من جهة التوظيف،

    وهم رح يسألوك هذي الاسئلة عشان يستدلو منها اذا كانت عندك هذي الصفات او لأ

    الاسئلة اللي ممكن تجيك كثير جدًا، ولكن انتا تسوي دورك انك تتوقع ايش ممكن تنسأل، والطريقة انو لازم تعرف جهة التوظيف عن ايش تدور

    كمثال: في برنامج الوسام، طبيعي رح يحتاج يكون عندك مهارات قيادية وادارية، فـ من هنا تتوقع انك رح تنسأل اسئلة زي:

    كلمني عن مادة او مشروع وانتا كنت فيها ليدر القروب.

    ومن كلامك وتجربتك يستدلو على هذي المهارات، وطبعا في اسئلة تندرج تحت السؤال هذا خلال كلامك، كـ نقاش يعني عشان يوصل للي يبغاه

    فـ زي ما قلت، الطريقة هي انك تحاول تحدد الصفات اللي تدور عنها جهة التوظيف "Competency Framework"

    عادة تكون 5 او 6 صفات، وحولها تدور المقابلة، هذي طريقتها.

    افضل طريقة للإجابة على اسئلة المقابلة هذي هي الـ STAR، ح اسيب لكم ملف في المرفقات مفيد جدًا يشرح لكم الطريقة هذي بـ امثلة

    ب/ تمرين المفاوضة (negotiation exercise):

    هدف برنامج وسام الأهلي هو الرقي بمستوى خدمة العملاء، ويهدف البنك الأهلي انو يكون افضل بنك في جودة خدمة العملاء

    هذا التمرين يهدف لتحديد مهاراتك في خدمة العملاء وقدرتك على التفاوض معهم.

    رح يعطى لك السيناريو، حدود 5 لـ 7 صفحات، ورح يعطوك ربع ساعة تقرأ وتتجهز للدور، الورق مكتوب فيه ايش دورك، وفين شغال

    وايش خدمات الشركة اللي انتا فيها، وصلاحياتك، والتعويضات، وفيها براقراف او اثنين عن المشكلة اللي رح تحلها، ولكن مو بالتفصيل،

    وهنا يجي دورك; انك تسأل وتستفسر من العميل ايش اللي صار له، وتعتذر منه، وتهديه اذا كان زعلان او معصب وتحل له المشكلة

    بعد مرور الربع ساعة، رح يدخل عليك العميل، استقبله بطريقة تليق فيه، ورحب فيه، واسمع اللي صار له، واسأله عن الحاجات الي رح توصلك لحل المشكلة

    طبعًا خلال التمرين، العميل "المُقيم" رح يحاول يضغطك بكل الاشكال عشان يبغى يشوف كيف حـ تتصرف

    يعني مثلا يبدأ يرفع صوته، ويهدد انه رح يسيب شركتكم ويروح للمنافسين، وهنا تجي مهاراتك في التعامل معاه عشان يهدى

    الموضوع ياخذ ربع ساعة، وبعد ما تحل المشكلة (احيانا ما تكون المشكلة واضحة، وبالعاني يسوو كدا عشان يشوفو اذا حـ تعرف تسأل وتوصل لحاجات مو موجودة في الورق او لا)

    وبعد ما تحل المشكلة، احتمال يقلك انه خسر، ويبغى تعويض، او تكون هذي طريقتك عشان تهديه لو معصب، تقول له انو سيتم تعويضك وما خسرت شي

    فـ هنا تروح لقسم التعويضات في الورق، وتشوف كيف ممكن تعوضه، ولكن بذكاء، يعني ما تقول رح نعطيك كل التعويضات الي عندنا

    لأنه في نفس الوقت ما تبغى تجيب العيد في شركتك، يعني بحسب الموقف انتا تختار انسب تعويض له،

    ورح يصير شوية مفاوضة هنا، لأنو ممكن ما يرضى بالتعويض ويبغى زيادة منكم، ومن هنا يستدل على مهاراتك في المفاوضة، كيف رح تقنعه، وتخرجه راضي ومبسوط من عندكم،

    الحمدلله تجربتي كانت تتخللها شوية تعقيد من طرف العميل، وضغط عليا وخلاني اتوتر، ولكن الحمدلله كان مبسوط في الأخير

    نصيحتي: اقرأ الورق كويس، وحاول تكون سريع، احيانا جملة واحدة تخليك تجيب العيد، وهم يعرفو كيف يضغطو عليك عشان يشوفو شفت الجملة هذي او لا

    ورح يعطوك اوراق لنفسك، سوي خطة كيف رح تتعامل مع العميل، ولكن خليها خطة مرنة، يعني مو لو شي ما زبط في خطتك خلاص حتجيب العيد

    كـ مثال:

    1. defuse the situation
    2. ask questions -- write your questions here
    3. reach your conclusion
    4. compensate the customer if necessary

    برضو هنا لا تخاف، وحاول تهدي نفسك لأن اللي قدامك عارف كويس انك فريش وما قد اشتغلت في خدمة العملاء

    يعني هوا ما يتوقع تعاملك في الموقف يكون زي اللي عنده خبرة 5 سنوات وفوق

    ولكن يبغى يشوف ان عندك اسلوب تفكير منطقي وقدرة على التعامل مع العملاء بذكاء وشوية تفاوض

    ت/ تمرين العمل الجماعي:

    رح يحطوك مع قروب، ورح تعطى لكم المشكلة، او السيناريو، ويعطى لكم 15 دقيقة كل واحد يقرأ الاوراق لحاله، ويدون ملاحظاته

    وبعد الربع ساعة تبدأو في النقاش مع بعض، والمقيمين رح يجلسو حولكم، ويقولو لكم انسو اننا هنا.

    نصيحتي: اقرأ كويس، دون ملاحظاتك، حدد الحاجات المهمة، والمهم، المهم، المهم، انكم توصلو لاستنتاج بعد النقاش

    يعني توصلو لهدف هذا التمرين، كمثال ممكن يعطوكم مجموعة مشاكل، ويقولو لكم فكرو في حلول، والهدف انكم تقللو من خسائر الشركة

    فـ بعد ما تنهو النقاش في ايجاد الحلول، لازم تتكلمو عن كيفية حلولكم المقترحة رح تقلل من خسائر الشركة، لأن هذا الهدف من الميتينق اصلا -> the conclusion

    في هذا التمرين اياك تقعد ساكت، ولا تاخذ حق غيرك في الكلام برضو، اعطي الكل حقه،

    ولا تخاف انك تتكلم لو في بالك شي، وحاول تفكر في حلول ابداعية، فكر "خارج الصندوق"،

    وخلي عينك على الوقت، وهذا ابسط تمرين في اليوم المفروض

    ///////////////////////

    وكذا يعتبر اليوم انتهى، ورح يكلموكم بعدها بـ اسبوعين، اذا انقبلتو او لأ


    ---------------------------------------------------------------------------------------------------------​

    Q & A:

    س/ كم ياخذ البروسس كـ كل؟

    ج/ حدود الشهرين، ولو فيه اجازات رسمية رح تزيد المدة.

    س/ ايش يفرق برنامج وسام الأهلي عن رواد الأهلي؟

    ج/ برنامج رواد الاهلي مخصص للعمل في إدارة البنك، مالك علاقة في العملاء، ويؤهلك لمناصب في إدارات البنك بحسب مجهودك، اما وسام الأهلي فـ مخصص لخدمة كبار العملاء، وما رح تكون موظف عادي، رح يكون قدامك مسار برضو إداري ولكن من جهة الفروع وخدمة العملاء، من المناصب اللي بحسب مجهودك رح تتأهل لها: مدير فرع وسام الأهلي، مدير علاقات عامة... وغيرها. وفي الأخير، انتا بمجهودك رح تحدد فين رح تكون.

    س/ الرواتب والمميزات؟

    ج/ حاليًا مجرد الراتب والتأمين الصحي. في الاوفر الراتب 9 خلال التدريب، لحد دحين ما عندي فكرة كيف حيكون الوضع بعدين، ولكن رح يكون فيه زيادات وبدلات ورواتب اضافية بإذن الله فيما بعد.

    س/ فين مكان التدريب والتوظيف؟

    ج/ التدريب في جدة، مركز التدريب بطريق الملك تقاطع شارع حراء، جنب المشفى. ما عندي فكرة واضحة عن موقع التوظيف، ولكن من كلام موظفة HR سألتها، قالت انو بعد التدريب رح يتم تعيينك في فرع الوسام الأقرب لمنطقتك، وهذا شي منطقي بالنسبة لأنو فيه ناس جايين من برى جدة، وفروع الوسام حول الممكلة. لكن زي ما قلت، لسه ما في شي واضح تمامًا، بعد فترة رح تتبين الأمور اكثر بإذن الله.


    ---------------------------------------------------------------------------------------------------------​

    المرفقات (في الرد الأول):

    Competency Based Interview - Recommendations

    الملف يشرح لك فكرة المقابلة الحالية، طريقة الاجابة، وبعض الامثلة

    Role Play Exercise

    شرح لفكرة هذا التمرين، ونصائح كيف تبدع فيه

    Essential Customer Service Skills

    مهارات عامة المفروض تكون فيك عشان تتميز في خدمة العملاء، خذ فكرة عنها وكيف تطبقها


    ---------------------------------------------------------------------------------------------------------​

    -----

    ---


    وأخيرًا...

    اسأل الله التوفيق لكم، ولي.​
     
    • x 7 إعجاب إعجاب
  3. شدعوه

    شدعوه مشرف سابق

    انضم:
    ‏12 يوليو 2011
    المشاركات:
    7,573
    التخصص:
    Control & Instrumentation Engineering
    الجامعة:
    Kfupm
    سنة التخرج:
    2017
    التقييمات:
    +4,522 / 9 / -22
    الله يعطيك العافية على المعلومات القيمة .
     
  4. CODEX

    CODEX عضو

    انضم:
    ‏20 مايو 2017
    المشاركات:
    12
    التخصص:
    N/A
    الجامعة:
    N/A
    سنة التخرج:
    N/A
    التقييمات:
    +17 / 0 / -0
    تم الرفع للفائدة،،،

    التسجيل متاح في برنامج وسام الأهلي 5 عن طريق موقع البنك

    * ملاحظة

    بالنسبة للشباب: الدفعة هذي يبغو من خارج جدة؛ يبغو من الرياض، الدمام، وغيرها بالإضافة للمناطق النائية

    التدريب رح يكون في جدة والتوظيف في الخارج

    وبالنسبةللبنات: التدريب والتوظيف في جدة وخارجها زي كل الدفع الي قبلها

    بالتوفيق،،،
     
  5. شدعوه

    شدعوه مشرف سابق

    انضم:
    ‏12 يوليو 2011
    المشاركات:
    7,573
    التخصص:
    Control & Instrumentation Engineering
    الجامعة:
    Kfupm
    سنة التخرج:
    2017
    التقييمات:
    +4,522 / 9 / -22
    السلام عليكم
    شباب هل فيه طريقة للتواصل معهم ؟ لان واحد من الشباب اتصلوا عليه لكن ما انتبه لمكالمتهم إلا متأخر و أكثر من مرة يحاول يتصل فيهم لكن بدون رد !
    هل فيه احتمال يتصلون عليه مرة ثانية أو لا ؟
    ويعطيكم العافية
     
  6. Turki-a

    Turki-a عضو

    انضم:
    ‏20 فبراير 2017
    المشاركات:
    186
    التخصص:
    CIVIL Engineering
    الجامعة:
    ska
    سنة التخرج:
    2017
    الجنس:
    ذكر
    التقييمات:
    +98 / 8 / -10
    الله يعطيك الف عافيه شرح وافي وكافي ولكن عندي استفسار

    انا قدمت عالبرنامج وجاني ايميل اليوم بخصوص الاونلاين اسسمنت . ومعطيني اخر يوم اللي هو الخميس ١ مارش

    ف حاب اسئل .. الاختبار للسكشن الواحد ٤٥ دقيقه . هل اقدر اقسم هال 45 دقيقه ع يومين مثلا ؟ او اذ بديت لازم اخلص

    وشي ثاني اذ فيه مواقع تفيد بخصوص الاختبارات ياليت تفيدوني فيها وشكرا لكم


    طريقة التقديم عن طريقة موضوع اخونا شدعوة
     
  7. شدعوه

    شدعوه مشرف سابق

    انضم:
    ‏12 يوليو 2011
    المشاركات:
    7,573
    التخصص:
    Control & Instrumentation Engineering
    الجامعة:
    Kfupm
    سنة التخرج:
    2017
    التقييمات:
    +4,522 / 9 / -22
    لا ماتقدر تقسم ، و ترا المدة هي أقل من 45 دقيقة.
    الاختبار مب صعب ويشبه اختبار ارامكو ، بتحصل نماذج في قسم أرامكو & فيه أمثلة للتندريب على نفس موقع الاختبار فتقد تدرب قبل لا تدخل الاختبار.
    لاتشيل هم الاختبار لكن حاول تكون سريع. و اعتقد لو مانجحت في واحد من الأقسام بيرسلون لك ايميل عشان تعيد القسم الي مانحجت فيه
    هالشي صار لي.

    الله يوفقك
     
    • x 1 إعجاب إعجاب
  8. فايننس

    فايننس عضو

    انضم:
    ‏3 أكتوبر 2017
    المشاركات:
    14
    التخصص:
    Finance
    الجامعة:
    N/A
    سنة التخرج:
    2017
    الجنس:
    ذكر
    التقييمات:
    +4 / 0 / -0
    #8 فايننس, ‏25 فبراير 2018
    آخر تعديل: ‏25 فبراير 2018
    انا سويت مقابلة مبدئية مع الاتش ار في احد جاءه رد بعدها
     
  9. Turki-a

    Turki-a عضو

    انضم:
    ‏20 فبراير 2017
    المشاركات:
    186
    التخصص:
    CIVIL Engineering
    الجامعة:
    ska
    سنة التخرج:
    2017
    الجنس:
    ذكر
    التقييمات:
    +98 / 8 / -10
    تمام الله يجزاك بالخير يارب ولا حرمك الاجر
     
  10. Turki-a

    Turki-a عضو

    انضم:
    ‏20 فبراير 2017
    المشاركات:
    186
    التخصص:
    CIVIL Engineering
    الجامعة:
    ska
    سنة التخرج:
    2017
    الجنس:
    ذكر
    التقييمات:
    +98 / 8 / -10
    اول قسم هو Numerical test
    اقدا ابدا ب Verbal test ؟ والا لازم اخلص النمركل ؟
     
  11. شدعوه

    شدعوه مشرف سابق

    انضم:
    ‏12 يوليو 2011
    المشاركات:
    7,573
    التخصص:
    Control & Instrumentation Engineering
    الجامعة:
    Kfupm
    سنة التخرج:
    2017
    التقييمات:
    +4,522 / 9 / -22
    هم مرتبينهم بطريقة معينة ، يعني ماتقدر تروح لقسم ثاني إلا لما تخلص الي قبله.
     
جاري تحميل الصفحة...
مواضيع شبيهة - كل ما تريد معرفته عن برنامج وسام الأهلي، بالتفصيل الممل
  1. The Impossible
    الردود:
    151
    المشاهدات:
    100,301
  2. HaMmOdY_13
    الردود:
    24
    المشاهدات:
    87,715
  3. NO zzzzzzz
    الردود:
    3
    المشاهدات:
    1,118
  4. أبو خلدون 3
    الردود:
    21
    المشاهدات:
    19,698
  5. diCaprío
    الردود:
    114
    المشاهدات:
    41,824
  6. Dreamer_814
    الردود:
    1
    المشاهدات:
    3,853
  7. أبو خلدون 3
    الردود:
    94
    المشاهدات:
    174,885
  8. Tsmile
    الردود:
    10
    المشاهدات:
    2,347
  9. T.H.T
    الردود:
    7
    المشاهدات:
    1,237
  10. No3man
    الردود:
    22
    المشاهدات:
    52,772

مشاركة هذه الصفحة