مدارس الجامعة؟

أعرف فيها ناس مسجلين ... ( قرايب لي )

بس الظاهر عشان ابوهم ... يشتغل بالجامعة .....


روح اسأل .. وشوف ...

 

هي مدارس أهلية

وهذي شروط القبول :

نظراً للإمكانات الاستيعابية المحدودة للمدارس وكثرة المتقدمين للالتحاق بها، فإنه يتم القبول وفقاً لنظام يضمن حسن اختيار الطلاب المتميزين دراسياً وسلوكياً ويراعي الظروف الخاصة لمنسوبي الجامعة والمحافظة على المستوى المتميز للعملية التعليمية والتربوية. ولهذا فإن نظام القبول المعمول به في مدارس الجامعة يعتمد على أسس ثلاث:

■ الدقة: حصر وتحديد جميع المتقدمين في الفترة المعلنة.

■ التميز: اختيار الطلاب المتميزين والمتفوقين الذين يساهم قبولهم في تطوير ورفع المستوى التربوي والتعليمي في المدارس.

■ المساواة: توفير الفرصة لجميع الطلاب المتقدمين والقبول بناء على شروط و مميزات لائحة القبول.



يجب أن تنطبق شروط القبول على المتقدمين للمدارس، وهي:

■ أن يكون المتقدم قد بلغ السن النظامية للالتحاق بالدراسة حسب أنظمة وزارة التربية والتعليم.

■ أن يكون المتقدم لائقاً صحياً.

■ أن يجتاز اختبار القبول التحريري و المقابلة الشخصية.

■ أن تكون هناك إمكانية في الفصول الدراسية القائمة مع المحافظة على أعداد الطلاب في الفصول حسب ما ورد في لائحة المدارس.

■ أن يكون المتقدم حسن السيرة والسلوك في المدرسة التي انتقل منها و لم يسبق أن عوقب بالإيقاف أو الفصل حول سلوكه وتصرفاته.

■ أن لا يقل مستوى نتيجة الطالب المتقدم للالتحاق بالمدارس عن تقدير ممتاز في النتيجة النهائية للصف السابق.


الرسوم

1 – أبنـاء منسـوبي الجامعــة :

الابــن
المرحلة الابتدائية والمتوسـطة
المرحلـة الثانويـة

الابـن الأول
5000
7000

الابـن الثانــي
4000
6000

الابـن الثالـث
4000
6000

الابن الرابع ومافوق
3500
5500




2 – الأبنــاء من خـارج الجامعــة :

■ (11000) ريال طلاب المرحلـة الابتدائية والمتوسـطة 0

■ (13000) ريال طلاب المرحلـة الثانويـة 0

■ (500) ريال خصـم للابن الثانـي 0

■ (1000) ريال خصم للابن الثالث ومافوق 0


ولمزيد من المعلومات راجع


http://www.kfupm.edu.sa/school/


تحياتي لك

 

الأسعار اختلفت اخي معدن الآن وخلال سنتين فقط قفزت قفزات سريعة لأعرف ماهو السبب مع العلم ان المدارس تابعه لجامعة الملك فهد يعني مدعومه من الحكومة حفظها الله فلا اجد مبرر لأرتفاع الأسعار

 

^^^^^^^^^^^

ممكن لان الحديد غالي ههههههههه

 

الرسوم للطالب الجديدفي الإبتدائي 15000 ريال +4000 رسوم تسجيل وبدون خصم للأخ الثاني لغير موظفين الجامعة اما موظفين الجامعة اللي اكثرهم اجانب فلهم خصم 50%(وطبعا صعب تتوظف فيها لأن الأجانب مسيطرين على الوظايف لأن المسؤل عن التوظيف اجنبي وغالبية السكرتيرات اجانب غير اللي متجنسين وطبعا والدم يحن) يعني اللي مستفيد منها الأجانب ايضا ارتفعت للطلاب المتوسط والثانوي مع احضار القرطاسيه للسنه الدراسية كاملة وطبعا الطلبات اللي يطلبونها لازم تكون باهظة الثمن علشان اتصير مناسبة مع مستوى المدارس علما بأن المدارس الثانية يتفكلون بالقرطاسية واسعارهم اقل حتى من الأشياء اللي طالبينها في بداية السنه الدراسيه مناديل ديتول معقمه يمسح فيها الطالب طاولته يعني على كل هالمبالغ اللي يطلبونها وعجزانين ايوفرون الديتول مع العلم ان ادارة التعليم مأمنه للمدارس الحكوميه المعقيمات

 

اختبار تحريري ومقابلة شخصية .. ياساتر

 

ما ناقص إلا يسوون بعد اختبار التوفل toefl شرط أساسي للقبول وتصير جامعة أمريكية ،،خخخخخ

 

المدارس اهليه ولا يجيها دعم حكومي ابد من الجامعه وكان انشاءها من الاساس لابناء المنسوبين وبعد ماصار لها سمعه طيبه بالمنطقه صار فيه اقبال كبير على التسجيل فيها وللعلم للسنه الثالثه على التوالي تحقق المرتبه الاولى على مستوى مدارس المملكه بناء على تقييم المركز الوطني للقياس لاداء طلابها ​

..

 

الأولوية لأولاد أعضاء هيئة التدريس ..

لكنها مفتوحة للجميع إذا كان في قدرة..

وتزيد فرصة القبول إذا كان له أخ سابق في المدارس..

والأسعار مرتفعة كما ذكر معدن ..

تقريبا الثانوي 13000 ..

 

ولكن مستوى بعض الطلاب اللي تخرجوا منها وهم طلاب معنا لايوجد فارق كبييير بينهم وبين خريجين المدارس الأخرى. لذا اأنا أرى الدراسة في مدارس عالمية أجنبيه لربما أفضل .

 

ياودّ ودّي أن الدكتور معاضه يشوف هالموضوع
ياهو بكل كلاس يقول لنا أنه هو من المأسسين لمدارس الجامعه !!

 

تقصد موفرينها لأبناء المنسوبين يعني دكاترت الجامعة مش الموظفات والموظفين العاديين اللي في الجامعة وفي المدارس لأن الموظفات والموظفين اللي في المدارس غالبيتهم اجانب من مدرسين واداريين ليش عجزانين ايحطون سعوديين وسعوديات على الأقل اداريين وكل مره انروح فيها للدارس للمراجعه انلاقي الإداريات زايدين يعني وظيفة الإدارة والسكرتاريا وش يبيلها ليش مايحطون فيها مواطنين وبتالي هالمواطنين ايصيرون من منسوبين الجامعة ويستفيدون من الخصم ليش مايستفيد من االخصم الإ الأجانب وكل مالهم يكثرون وين السعودة والحكومة الله يخليها لناماقصرت وفرت لهم على اقل تقدير المباني والكهرب والماء والهاتف مجانا مو مثل المدارس الأهلية الثانيه اللي هم ايجيبون المبنى وكل شي عليهم وهم ايضا ايوفرون للطالب كل شي واسعارهم اقل يعني الله ايخلي لنا الحكومه ويحفظهم ودهم ايوفرن كل شي للمواطن جامعة رائعة ومدارس جيدة وارامكو السعودية ايضا اكيد ماقصر ت وودهم اكيد يستفيد من هالأشياء الموطن من وظائف وتعليم بأسعار مقبوله

 

المنسوبين يقصد بها اعضاء هيئه التدريس والموظفين والطلاب ومدري بناء على أي اساس تقولين اغلب الموظفين اجانب ؟؟

يعني المدارس اهليه ( اهليه ) يعني خاصه ومثلهم مثل باقي المدارس برا يبحث عن الموظف الاقل تكلفه اما ان كان كلامك عن موظفين الجامعه فهم بالغالبيه سعوديين وان كان فيه اجانب فهم ليسوا اكثر من السعوديين مثلما ذكرتي

وهي بالاساس للمنسوبين ( اساتذه وطلاب وموظفين وموظفات ) فقط ولكن اصبحت تقبل من خارج الجامعه حسب الامكانيه ولكثره المتقدمين صارت تحط مقابله واختبار ولا احد ينكر ان هالشي والاقبال هو بسبب تميزها عن باقي المدارس بالمنطقه والاعداد الكبيره اللي يتقدمون لها كل سنه ودامك تمدحين باقي المدارس الاهليه ليه ماتسجلين ابناءك فيها دامها ارخص ومهتمه اكثر واتمنى مثلك لو وظايف المدارس الاداريه فيها مواطنين ومواطنات ولكن تدني الرواتب ربما يسبب عزوف البعض عنها وفوق هذا هي مدارس اهليه يعني خاصه ماهي برسميه زي باقي وظائف الدوله ​