معلومات ياشباب ؟؟؟؟
الكورس 353

 

التحضير :يحضر في النهاية بس مرررررة متساهل في التحضير
طريقة الشرح :جميله على السلايدات وعلى السبورة
الكويزات :سهلة جدا
المياجر:سهله وجميله ما تاخد وقت طويل
الفاينلات :سهلة بنفس طريقة المياجر
القريد النهائي:ممتاز
الصوت:عالي
إضافات :الدكتور شبابي وجدا حبوب ياخد ويعطي ويضحك معاك في الكلاس مرررة عادي، محترم جدا ويحاول يساعدك قد ما يقدر في اي شي يخص الطالب سواء في المادة او خارجها. الدكتور الوحيد اللي خلاني احضر بدري في كلاس خلال فترة دراستي بالجامعة لان كلاسه بكل بساطة ممتع

 

دكتور رائع و مخلص . لو ينزل كرة سلّة في عز الظهر نزل معاه .

اللي ما أخذ مع الدكتور ( الدكاترة ) يحيى , فاته نص عمره . لو باقي لي مواد في الجامعة بأنزلها معاه .. لكن الحمد لله تخرجت .

الدكتور فلة و حبوب و متوااااااااااضع و مستحيل يعصّب إلا إذا جيته بالوقت الغلط . الدكتور سعودي من خريجي البترول ثم كندا و معه PHD .

الدكتور كان أحد منظمين برنامج Create - E اللي في الجامعة و كان مسؤول عن الجزء الفنّي لتكوين المشاريع في الجامعة .

الدكتور يعطي تقريباً ٤ كورسات من التخصص . أحدها مادة تطبيقات الويب (Web services COE 445 ) و الثانية مادة رؤية الحاسب ( Computer vision ) . و زي ما قلت لو ينزل إنقلش ٠٠٢ , أرجع أخذها معاه .

الدكتور شهادتي فيه مجروحة , و لا أقدر أوفيه حقّه . صحيح إني ما طلعت بالقريد اللي شفت أني استحقّه , لكن العتب عليّ بحكم غياباتي .

أنصح فيه و بقوة . اللي أقدر أقوله أن : " اللي ما نزل مع الدكاترة , ماله داعي يكمل بالتخصص "

و الله يوفقه وين ما حل و ارتحل .

أنا شخصياً أظن الدكتور يحيى بيكون له شأن كبير و خصوصاً بالجامعة .

 

ICS103 TERM 182

التحضير : منتظم كل كلاس.
طريقة الشرح :شرحه ممتاز جدا جدا جدا . يعطي مقدمة عن الموضوع ويشرح بعض الجزئيات يكتب على السبورة ويكتب أمثلة ، بعدها يروح يمر على السلايدات يشيك عليها. طريقة شرحه تعجبني يعلمك شنو اللي قاعد يصير داخل الكمبيتور . الدكتور شبابي وشرحه ممتع، حضرت عنده 30 محاضرة من 30 بلا غياب ، لأن الكلاس روعة !
الكويزات :اغلبها ستاندرد مع ترك وحيد في الاوت بوت.
المياجر:كومن
الفاينلات :كومن
القريد النهائي:A
الصوت:واضح ، نص الكلاس انجلش ونصه عربي.
إضافات :مشكلة الدكتور يتاخر شوي في الماتريال وهالشيء سبب مشكلة خصوصا مع اللابات ، عشان كذا ماعطيته A+ ، بس لو تشوفه تنزل عنده وانت مغمض!!!!

 

ICS103-182
التحضير : باخر الكلاس والدكتور متساهل
الشرح : اسطوري لا يعلى عليه
الكويزات : سهلة ودائما يحل سؤال من الكويز او يشرحه قبل الكويز عشان يسهل للطلاب وهالشي سبب ارتفاع افرج الكلاس ورك فاضطر الدكتور انه ينزلنا كلنا
الصوت : واضح
القريد النهائي : D

راح تستغربون من القريد النهائي وهذا بسبب تعامل الدكتور السيء صراحة
الدكتور مستحيل يرد ايميلات وهالشي وضحه ببداية الكورس
اذا تبي شي تعال الاوفس، والمشكلة ماعنده غير يومين وساعة وحده بس وتشوف جيش من الطلاب ينتظرون عند بابه
الدكتور مشغول ٢٥ ساعة باليوم لانه ينظم مسابقات وايفنتات ويتواصل مع شركات عشان يسهل عملية توظيف طلاب كلية هندسة الحاسب وغيرها مما سبب في اهماله لطلابه بالكورس
ايضا الدكتور تأخر بالمنهج من بداية الكورس وهالشي عذبنا باللاب ندخل اللاب واحنا ماخذنا الدرس
صارت لي صراحة الكثير من المواقف السيئة مع الدكتور يحيى وماقول غير الله يسامحه

 

معلومات أكثر عنه ياشباب؟

 

ics104-201

التحضير : يحضر اخر ٥ دقايق ب فورم يرسله ف الشات تدخل وتكتب ايديك ومايشدد على التاخير


طريقة الشرح : الدكتور وسيع صدر وعفوي وشرحه واضح الصراحه، وكل شرحه تطبيق، اشوفه افضل من انه بس يقعد يشرح كونسبت ويقرا سلايدات

القريد النهائي:A
الصوت: واضح
إضافات : الماده جدًا ممتعه

 

ICS104-201

التحضير : يحضر في اخر 5 دقايق بملف يرسله + لو شاف انك جي متاخر مرررة ، يقوم يقلك لا تحضر نفسك و ذا نادر يسوي كذا.

طريقة الشرح :
في مادة ics104 للاسف شرحه كان سيء نوعا ما و كان يشرح من سلايداته مو من حقت القسم و كان يضيع الحصة على اشياء ما لها داعي ابدا يعني يقعد يتعمق فيها مرررة كاننا ناخذ مادة تخصص ، و فيه سلبية مرررة كبيرة : انه هو دائما ياخرنا في الليكتشر و كنا نتورط في اللاب، و كنا نخلص متيريال
التيست قبلها بكم يوم!!

الكويزات : لا يوجد
المياجر: كومن
الفاينلات : كومن
القريد النهائي: D
الصوت: واضح ما فيه خلاف

إضافات : الدكتور اخلاقه كويسة نوعا ما يعني فلاوي وكذا لكن بعض الاحيان في الحصة لمن يجي يساله كم واحد يقعد يرد بردود مزعجة .....الين ما عاد و صاروا قليلين اللي يسالوه، فنصيحتي اذا تبغى تنزل مادة ICS104 فنصيحة لا تنزل عنده الا اذا قفلت كل السكاشن.

 

COE202 - TERM211

التحضير : نهاية كل كلاس و نادر ما يسمح بالميك اب
طريقة الشرح : يستعمل السلايدات يقرا منها و مو ذاك الزود بالشرح.
الكويزات :سهلة جدا نفس الواجب الي ينزله ، لدرجة ان النورملازيشن نرلنا كلنا ٥٪؜
المياجر: كومن
الفاينلات :كومن
القريد النهائي: B+ صراحة الرجل خلوق و حبيب مره و يحب ينكت بالكلاس كثير، بس زي ما قلت شرحه مو ذاك الزود.
الصوت: واضح و مسموع
إضافات : الشرح ما هي مشكلة حقيقية في هذا الكورس لان مقاطع الدكاترة الثانين موجودة و بكثرة.

مثال
د.الصويان:
https://www.youtube.com/playlist?list=PLjusC38NfWcPR6LdcCRVLPpFFfmgDF6iQ


د.مدور:
https://www.youtube.com/playlist?list=PLeurb_BIjrxifPpf5Z1B5nSNmwI_GHXFZ

 

CGS 392- Term 231
التحضير:
في نص الكلاس وماعنده مشكلة بالتأخير.

طريقة الشرح :
المادة سوالف ما فيها شرح او شي لكنه كان لطيف.

التقييم النهائي:
B+

اضافات:
الدكتور كويس في هالمادة بشكل عام، وعموما ما يفرق الدكتور