كيف تصحيحه بـ 201 لاهنتو؟

 

معلومات اكثر بالله.. up up

 

نزلت معاه ترم 141 - ماث 201 .

الدكتور ما كان يحضر أبدا لكن يقول اني اعرف من يحضر ومن يغيب.

عطانا 5 كوزات أظن، اثنين منهم كانو بكلاس واحد، واخذ افضل 4 ،، ما زاد الطلاب أي درجة بحكم الأفرج العالي لكن قالنا ببداية الترم أنا أخلي الافرج حقي 30 بالكلاس وورك وهذا شيء كويس.. عموما كوزاته كانت سهلة ومن الكتاب.

شرحه أشوفه عادي وسريع جدا وملخبط , اذكر بدينا بماتيريال ميجر تو قبل ميجر ون بأسبوع وشوي وكان يقولنا بخلص بدري من ماتيريال الميجر عشان تذاكرون واعطيكم هيلب سيشن لكن ما عطانا شيء. عموما شرحه عادي وشايف نفسه أنه أعلى من الكورس هذا وذكر لنا ان الطلاب يقولون عنه بالمنتدى ما يعرف يشرح وان الكورس هذا حق High School بـ ألمانيا وانا بروفيسور - وهو مب درجته العلمية أستاذ ، أظنه استاذ مشارك - يعني شرحي له كويس. غاب عنا وألغى تقريبا 6 كلاسات.

بالنسبة للتصحيح، الدكتور يحب يكون أنه أعلى أفرج بين السكاشن وذكر لنا انه الترم الماضي كان أعلى سكشن وكذا فـ بميجر ون دفّنا دف وكان الافرج عالي اما بالنسبة لميجر تو صحح بالملي على المانوال سولوشن لكن بالفاينال عطانا فوق حقنا بكثير برضه. انصحك تراجع وراه اذكر مخطي كان باختباراتي بـ فوق 7 نقاط.

عموما الكورس يحتاج اولد اقزامز واليوتيوب ما يقصر بالشروحات، الدكتور خيار جيّد بالنسبة للتصحيح يعني أفضل من غيره لكن لو حصلتو عادل خلف الله أتوقع أفضل.

 

up up up up up up

 

شباب انا منزل عنده 161 ماث 201
اتمنى الافاده

 

Math201 term 153
التحضير: نادر يحضر
طريقة الشرح: سريع وإذا ما حضرت بأول ٥ دقايق راح عليك الكونسيبت، الشرح يعجبني لأنه سريع ودائما ما يذكر أمثلة مثلا قال بأول كلاس أن الحياة ما فيها متغير واحد مثل لمن تتزوج وحدة عندك عامل الجمال والدين والنسب والمال ولذلك 201 كورس واقعي أكثر من 101 و 102 ودائما ما يبدأ الأمثلة بـ: تخيل أنت وزوجتك بهذا الموقف....... يخلي الحصة خفيفة بالرغم أنه فيه الصيف الحصة ساعة كاملة
الكويزات: عطانا ٦ وأخذ أفضل ٥، +ترا كلها من الكتاب يعني تحل أسئلة الكتاب قبل تضمن تأخذ فل، + في النهاية أفرج الكلاس وورك خلاه على الليميت ٣٠ من ٤٠.
المياجر: كومن
الفاينلات : كومن
القريد النهائي: B+, اللي قلل من القريد أن صعب تكتب معه نوت، كنت الطالب الوحيد اللي يكتب معه وواجهت صعوبة بالكتابة، +شرحه السريع ممكن ما يناسب كل الطلاب.
الصوت: واضح جدا
إضافات: Math201 كورس سهل وممتع وقريب من الواقع، أنصح بحل أسئلة الكتاب بفهم +فيه فيديوهات باليوتيوب بقناة patrickJMT وأيضا Krista King و Professor Leonard.
في الجامعة عموما إذا تكبرت على كورس بتاكلها على رأسك لذلك عطه حقه واجتهد وربي يوفق الجميع.

 

Math201 term 161
التحضير: نادر يحضرمرتين او 3 طول الفصل لكنه يحطك براسه ويخسف بالكلاس وررك اذا حطك براسه فلا تخليه يحطك براسه
طريقة الشرح: سريع وإذا ما حضرت بأول ٥ دقايق راح عليك الكونسيبت، الشرح ما يعجبني لأنه سريع ويصارخ وهو يشرح (فعلا يصارخ كنت احيانا اصدع واسحب على الكلاس) ودائما ما يذكر أمثلة مثلا قال بأول كلاس أن الحياة ما فيها متغير واحد مثل لمن تتزوج وحدة عندك عامل الجمال والدين والنسب والمال ولذلك 201 كورس واقعي أكثر من 101 و 102 ودائما ما يبدأ الأمثلة بـ: تخيل أنت وزوجتك بهذا الموقف....... يخلي الحصة خفيفة وممتعة وشرحه مب ذاك الزود لكن المادة كانت كريهة شوية(مدري ليه ما حبيتها) ولكن الاستاذ ما يكرف ويعطيك اللي يخليك تعدي والباقي عليك

الكويزات: عطانا ٦ وأخذ أفضل ٥، +ترا كلها من الكتاب يعني تحل أسئلة الكتاب قبل تضمن تأخذ فل، + في النهاية أفرج الكلاس وورك خلاه على الليميت ٣٠ من ٤٠.
المياجر: كومن وتصحييحه بطللللللللللل


الفاينلات : كومن (في 161 بما ان المياجر كانت دمار اغلب الاساتذة حاولوا يدفون ويخلون الافرج حول ال95 فكانوا متساهلين من ضمنهم استاذنا شفنا دف مب صاحي )

القريد النهائي: B+, اللي قلل من القريد أن صعب تكتب معه نوت، كنت الطالب الوحيد اللي يكتب معه وواجهت صعوبة بالكتابة، +شرحه السريع والصوت العالي ممكن ما يناسب كل الطلاب.
الصوت: واضح جدا
إضافات: اذا تبي استاذ ما يكرف ويسامح على التاخير واحيانا الغياب ويخلي الحصة جدا خفيفة بخفة دمه وان الدرجة اللي بتاخذها تعتمد على مجهودك فانصح فيه

 

ترم 161- Math 201

التحضير : مايحضر الا نادراً طول السمستر يمكن مرتين او ثلاث بس ..... لا تمصخها واجد في الغياب لأنه يحفظ الاشكال واذا جيت في المياجر والكويزات يقولك احذر من الـ DN....نهاية السمستر قال الي ماراح يحضر آخر اسبوع ماراح اساعده في الكلاس وورك وتقريبا آخر حصة حضر فيها والي حضروا زودهم اكثر من غيرهم في الكلاس وورك

طريقة الشرح :
* يشرح سريع سريع بداية الحصة وبعدين يكتب أمثلة ويحلها
*ويكتب مثال صعب ويخلينا خمس دقايق نحله في مجموعات طبعا يكون المثال صعب علينا كونه ماشرح عدل وبعدين لما تذاكر وترجع تحل نفس المثال تشوفه اسهل من السهل
* شرحه سيء كونه غير مرتب ولا عنده شيء يمشي عليه لا نوت ولا كتاب يجي حافظ الكونسبت ويشرحها وعادي عنده انه يشرح درسين ثلاثة في حصة
* خطه جدا جدا سيء وشرحه على السبورة خرايط يكتب يمين وشوي تشوفه يسار وشوي فوق وشوي تحت

هذا نموذج لخطة http://aisys.kfupm.edu.sa/WBKFUPM/Departments/MATH/153/coursefile_data/MATH201_153_01_E2.PDF

الكويزات :6 كوزات واخذ افضل خمسة... بعضها سهلة نوعا ما وبعضها صعبة ماتقدر تحلها ... يجي يقولك طلع ورقة ويكتب سؤال على السبورة وحله ... في كويز ماكان واضح على اي درس هو كلموه الطلاب وحدد الدرس واجل الكويز لكن جاب سؤال الكويز عن درس ثاني

المياجر: كون ... رتن ....في 161 الكوردنيتر لعب فينا الميجر الاول كان طويل جدا مايمديك تحله وماكان شامل كل الكونسبت كان مركز على اشيا معينة المدرس كان شاغلنا على الرسم والسمتري وماحا منها شي ....والميجر الثاني اقصر لكن نفس الحكاية كان مركز على كم كونسبت وناسي الباقي

الفاينلات :كومن
* الفاينل من 140
* سبعة اسئلة رتن على دروس مابعد الميجر الثاني عليها 70
* 14 سؤال اختيارات اسئلة مخلوطة لكن اكثر شي من الدروس الاولى عليها 70
القريد النهائي: C+
الصوت:واضح بالانجليزي مستحيل يتكلم عربي ولا يسمح للطلاب يتكلموا عربي
إضافات :
*المدرس يدف في الدرجات ومتساهل جدا في التصحيح
*زودنا في الكلاس وورك حول 10 الى 13 بوينت
*نصيحة لا تترك سؤال فاضي لان يعطي درجة على اي شي

إيجابيات

---

تصحيحه ممتاز
يزيد في الكلاس وورك
مايحضر

سلبيات

---

شرحه سيء
ماتقدر تكتب وراه

اذا كنت تحب السيلف ستدي فهو خيار جيد ذاكر صح وحضر قبل الدرس وراجع بعده وراح تاخذ فوق الـ B بالراحة

 

MATH 201 - TERM172
التحضير : مايحضر أبد ، لكن ينبه من وقت لآخر على أهمية الحضور والتركيز معاه .
طريقة الشرح : اول شيء يشرح الدرس نظريا ثم يكمل على السبورة ، عيبه الوحيد هو خطه وعدم ترتيب التمارين على السبورة .
الكويزات : سهلة ،اغلبها يجيبها من مخه ، وأحيانا يفتح الكتاب ويختار سؤال .
المياجر: كومن
الفاينلات : كومن
القريد النهائي: A
الصوت: عالي وواضح ماشاء الله .
إضافات : الدكتور جدا حبيب ومتساهل بالتصحيح ، ركز معاه باللكتشر وفالك A+.

 

التحضير : نادر جدًا، بس يقول "تراني أعرف اللي يغيبون".. مدري صادق ولّا لا.
طريقة الشرح : يشرح على الصبورة. يشرح بسرعة و يركز على الأخطاء اللي يكررونها الطلاب.. أحيانا ينكت ويشطح ويتكلم عن مواضيع برا المادة.
لا تفكر تكتب نوتز لأن: خطه سيء + يشرح بسرعة + غير منظم.(ما كنت أكتب معه فما يفرق معي)
الكويزات : يخليك تطلع ورقة وتكتب سؤال.. غالبًا سهله.. بس إذا ما تعرف تحل السؤال بتاخذ صفر.
التصحيح: كان جيد وعادل في التصحيح
الكلاس وورك: مضمون، أخذت قريد حلو مع أن مستواي عادي جدًا.
المياجر: كومون
الفاينلات : كومون
القريد النهائي: b+
الصوت: واضح وعالي جدًا
ملاحظة:
باختصار شديد:
إذا أنت من النوع اللي تذاكر بنفسك للمياجر وتبغى دكتور متساهل ويعطي كلاس وورك كويس وما يحضر فهذا الدكتور خيار ممتاز.
إذا أنت تعتمد على شرح الدكتور وعلى النوتز اللي تكتبها في الكلاس لا تنزل معه.

 

Math201 -182
الشرح :هو فاهم مرة بس شرحه للاسف ملخبط و سريع م تدري هو في اي درس و يشطح كثير و خطه للاسف سيء مرة اذكر اخلص متيريل الفاينال قبله ب اسبوعين

التحضير :الدكتور صار يحضر مو زي قبل و زود انه يخصم عالغياب و من ناحية التاخير يمشي الا لو جيت متاخر نص ساعة هنا بيزبد لك لكن بيحضرك اذكر كان يزبد لواحد بالكلاس و قفطه انه كان يتقهوى

التصحيح :يعطيك فوق حقك و م يخصم لو شافك فاهم يعني غلط بسيط

الكوزات :صراحة سهلة و من الكتاب

التعامل :طيب بس مشكلته صوته عالي مررررة بيصدع راسك
القريد :D مرة م انصح فيه و ندمت درست معه

 

التحضير : اخر حصة دايما
طريقة الشرح : يكتب على السبورة عن نفسي ماتابع مع شرحه ماخذ المادة تعليم ذاتي لانه مايجوز لي اللخبطة الي يسويها
الكويزات :سهلة بسذاكر لها ويمديك تجيب 30/30 وتراه مايعيد كويزات الا بعذر يعني انتبه تغيب
المياجر: .
الفاينلات :.
القريد النهائي:C+
الصوت: عالي يطير النوم
إضافات الدكتور اخلاق وممتاز ومبين فاهم المادة بس مشكلته مايعرف يوصل المعلومة للطالب وعشوائي بالشرح انصح فيه لمادة سهلة زي 101 عشان تاذ اعمال صفية كاملة واعتمد على نفسك بالشرح يعني عندك يوتيوب واونلاين كورس وبس وفالكم A+ إن شاء الله

 

J ABUIHLAIL
MATH201 - T203
بنود التقييم :

التحضير:
يرسل نهاية كل كلاس فورم. راح يحاول انه يبين لك شدته في التحضير, لكن بالنهاية اعطى كل الطلاب تحضير كامل.
طريقة الشرح:
شرحه ممتاز ويعطيك امور اشمل من الاونلاين كورس بحيث انك تكون فاهم الفكرة وتطبقها على كل انواع القرافات.
الكويزات:
الدكتور في هالناحية كسول جداً. ياخذ الاسئلة جاهزة. الارقام في الكويزات فلكية, راح تحس انه يختبر مهارتك في ضرب وقسمة الاعداد الكبيرة. مع انه المفروض يركز على الفكرة اكثر لكن الشكوى لله.
المياجر:
كومون
الفاينلات:
كومون
القريد النهائي:
A
اضافات:
الدكتور غير متعاون وراسه يابس شوي.
على فكرة , الدكتور شاعر ويحب الشعر.

هذا فيديو له للي يبي يشوف قريحته الشعرية.

 

Math 201
Term 203 (Online)

الشرح وطريقة التدريس:
الدكتور جواد طريقة في الشرح يشرح الكونسبت في البداية بس شرحه اسرع من السريع فصعب تفهم معه. بعدها يبدأ يحل مسائل بس حله غير مرتب فلو سجيت (فهيت) شوي بتنصدم من الحوسه وما تدري وش صار.

البونص :
الدكتور ما عنده اي بونص بس اذا كان الافرج طايح وهذا الي صار معنا يرفع لين يوصل الافرج المطلوب (70-75)%.

الاختبارات القصيرة (الكوزات) :
كل الكوزات والكلاس تست كانت على ويب اساين، والدكتور ما كان يتعب نفسه شوي ويختار الاسئلة والارقام لا تجيك ارقام فلكيه يضيع وقتك وانت ما عرفت تحسبها واذا واجهتك مشكلة في اختبار او شيء يقول مو مشكلتي مشكلتك ابد ما كان متعاون من هذي الناحية.

التحضير:
في بداية الترم كان يرسل رابط microsoft forms في وقت عشوائي ممكن نص المحاضرة ممكن بدايتها او في نهايتها وكان ينادي الطلاب بشكل عشوائي ويسألهم واذا ما جاوب يغيبه واذا جاوب غلط حط عنده علامة. بعد كم اسبوع صار يرسل الرابط بشكل ثابت بداية المحاضرة وقليل ينادي الطلاب.

إضافات:
الدكتور بشكل عام غير متعاون ورأسه يابس ونا يقبل النقاش حتى لو عندك عذر

 

Term211-Math101

التحضير : يحضر اخر الكلاس وبعض الاحيان مايحضر, مابهمه اللي يجي متأخر او يطلع.
طريقة الشرح : بالبداية كان يشرح بدون سلايدات وكان جدا ملخبط وماندري وين وصل وبعض الاحيان ينسى يغطي جزئية. اخر كم اسبوع صار يشرح من سلايدات. للأمانة ماحسيت شرحه كافي كنت اشوف مقاطع احمد مقبل.
الكويزات : جدا سهلة, يوم شاف الافرج مرتفع صعب اخر كويزين
المياجر: كومن
الفاينلات : كومن
الصوت: واضح جدا
القريد النهائي: C+
إضافات : اشوف فيه دكاترة كثير افضل منه لكنه ماهو الاسوأ. عطانا بونص اخر الترم نسوي كود لمعادلة معينة.

 

Term 231 - Math 201
التحضير : كل كلاس يحضر ويختلف وقتها مرات بالبداية ومرات بالنهاية واحيانا بنص الشرح. وطريقة التحضير بالباركود وما يدقق كثير بالتاخير
طريقة الشرح : من سلايدات الكتاب الجديدة واشوفها مملة جدا. يحل اكزامبل الكتاب واشوف شرحه جيد بس مو اللي تعتمده كمصدر رئيسي للمذاكرة. كنت اشوف ابو زهرة بدال شرحه
الكويزات : بسيطة جدا. يقولك طلع ورقة ويعطيك سوالين من الكتاب وتصحيحه ممتاز اذا شاف طريقة حلك انك فاهم السوال
المياجر: كومن
الفاينلات : كومن
الصوت: واضح
إضافات : اذا حصلت دكتور ثاني روح فيه كثير افضل
الدكتور يشطح احيانا برا الدرس وتراه شاعر عادي تلاقيه بنص الشرح يقط لك بيتين