فزكس 102
ترم 162
التحضير : اول شهرين نهاية الكلاس ومتساهل , والنص الثاني بسبة المصخره الي تصير وتسليكه الزايد على حسب المزاج وانواع ام الاستقعاد , يعني الشهرين الاخيرين بالترم يبدا يوم يحضر اول دقيقة ويوم يحضر عقب خمس ويوم يحضر بنص المحاضرة ويوم يحضر بالنهاية !
طريقة الشرح : سلايدات الجلال وهو ضايع والطلاب ضايعين واذا كتب على السبورة حوسه يبدا يكتب يمين فوق بعدين يروح يسار تحت بعدين يرجع بالنص وكذا , واشين شي اذا بدا يكتب بالطبشور الازرق ! تنحول عيونك وانت تحاول تناظر .
الكويزات : اغبى كويزات ممكن تشوفها بهالجامعه ! يعني عادي تذاكر لكويز شابتر واحد اربع ايام وتدخل عليه معطيك كويز مال ام امه دخل بألي ذاكرته ابد , واحد من الكوزات جايب لنا اذكر الوحدات وحاط لنا جدول ! ودايم فيه سؤال نظري عليه اربع درجات ولا حولها مدري وش يبي هالسؤال الشاطح . وغير كذا يحدد موعد ويغيره مليون مره لانه طيب ويسلك للطلاب فاذا انت منظم بيحوسك معه . بس كويزاته بالكلاس بالمدرج لان كل العالم ضايعيين فتساليك الوضع , يعني عطانا اربعه مدري خمسه كويزات ما فيه كويز زي الناس الا واحد اتوقع علما اني مذاكر لهم كلهم , وواحد منهم الافرج 4 من 12 !
المياجر: كومن
الفاينلات : كومن
القريد النهائي: F
الصوت: واضح
إضافات : اول شهرين كان حليييييل ويسلك بكل شي , جوال , دراسة , تأخير , بس مع استهبال الطلاب صارت الشهرين الاخيرات انواع الاستقعاد , حتى لو تدرس بآخر المدرج ممكن يجي ويسألك عشان يقاله يحرجك , ودايم يقول "اف يو ار كومنق تو ستادي كالكولوس هير قو اوت سايد ذا كلاس ناو"علما انه بدا ينشب للدراسه بالكلاس قبل الجوال
اشوف انه ابعد عنه قدر الامكان , اذا انحديت عليه نزل معه لان اول شهرين الين ثلاثه الرجال حليل ويسلك , بس بتقلب الماده 100% سيلف ستدي .
إعجاب