171 Geology101

التحضير : القاعة كانت كبيرة و تشيل 120 طالب تقريبا , ف ما كان يحضر الا اذا شاف الجماعة سحبوا على ام الكلاس. ( ما صارت الا مرتين في الترم )

طريقة الشرح : ممتازة ! يعرض لنا ملف pdf, نص الصفحة تكون للشرح سواء صور او كلام و نص الصفحة الثانية يكون فاضي ع اساس اذا طبعنا ال pdf نكتب ملاحظاتنا معاه زي ما تشوفونها .


اذا ركزت معاه في الشرح و اخذت الملاحظات المهمة معاه راح ترتاح , انا كنت ماشي صح معاه الى درجة اني طول الترم مافتحت الكتاب وطلعت بقريد كويس .
الكويزات : طول الترم ما اخذنا الا كوزين , بلغنا قبل كل كوز قبلها ب اسبوعين تقريبا عشان نستعد له , و الصراحة كوزاته مخادعة , يعني اللي ذاكر مذاكرة تسليك ( مثلي -__- ) ما راح يعيين خير. فعشان كذا, الكوز الثاني ذاكرت من قلب وجبت 10/10 .

المياجر : هو بنفسه يكتب المياجر , و اسئلتة زي ماقلت ( مخادعة ) مش صعبة. وفي اكثر من نقطة كتبتها معاه ف الكلاس وجات حرفيا ف الميجر , ف عشان كذا انبه من جديد على ضرورة اخذ الملاحظات ب الكلاس.

الفاينلات : نفس قصة المياجر ‍♂️

القريد النهائي : A معا مرتبة الشرف

الصوت : الدكتور امريكي معا لهجة امريكية بححححتة, ف ما راح تعاني من هالناحية. و ب النسبة للصوت, كان يلبس مكرفون عشان يوصل الصوت للكل

اضافات : الدكتور دمه خفييييييييييييييييييف ويحب الطقطقة في وقتها , كان يعصب اذا شاف الكلاس قليل ومافي حضور , كان يقول لنا " ! we are here to learn geology ". يستقبل الاسئلة بشتى انواعها و يجاوب عليها ف الكلاس او حتى بعد نهاية الكلاس.

اتمنى اني افدتكم جميعا طلاب و طالبات .

 

GEOL 101 - 181

التحضير : م يحضر ( وهذا الي خلاني اسحب ع كلاساته كلها هههه )
طريقة الشرح : حضرت اول كلاسين واشوفه ممتاز نسبيا
الكويزات : كوزين كل واحد ع 3% ( كوزاته سهلة جدا )
المياجر: طبعا كل ميجر من 18% كل واحد من 40 سؤال 15 منهم صح وخطأ و 25 منهم اختر ( الأول كان سهل نسبيا الأفرج كان 31/40 اما الثاني 28/40 ) عن نفسي اخذت ف الأول 35 والثاني 25 هههه
الفاينلات : احسن م فيه مب شامل لكل المنهج .. فقط للدروس الاخيرة التي لم تشمل في الميجرين ونظامة بالضبط نفس المياجر من 18% اخذت فيه 33 والأفرج الظاهر 30
القريد النهائي: B
الصوت: أمريكي ويتكلم سريع وبشكل عام ممتاز .. عن نفسي كنت أفهم بنسبة 80%
إضافات : مشكلته احيانا يجيب اسئلة من برا المنهج ( مرا ج سؤال في الميجر يقول في تسونامي صار الاسبوع الي راح وين صار ؟ ) أو اسئلة من بين الصور الي ف سلايداته ( اهوه ع كلامه يقول الي يحضر عندي يجيب درجات لكن عن نفسي م حضرت ف م ادري عن الوضع ) ع العموم احب اذكر ان اللاب عليه 40% ف مهم جدا انك تجيب فيه عالي وافضل شيء انه مب افرج ف يمديك تاخذ كامل ( اخذت فيه 33% ) سهلات ف الغالب لكن المد تريم والفاينل فيهم صعوبة .. المدتريم كان عن المعادن والصخور وهذا الشيء الي اكرهه .. تحفظ أشكالهم وخصائصم والمشكلة كثير يتشابهون .. الفاينل كان الخرايط واشياء كثيرة نسيتها

 

لتحضير : مايحضر لكن نصيحة احضر كلاساته لان هو الي يحط الاسئلة ويقول اشياء مب موجودة في السلايدات
طريقة الشرح : سلايدات واشوفه جيدة جدا لكن اذا لغتك ضعيفة يمكن تعاني شوي ( في ناس كانوا يسجلون صوته وبعد الكلاس يرجعون يكتبون نوت ويقولون الطريقة نفعت)
الكويزات : سهلة
المياجر:كل ميجر عليه 18 درجة صح وخطأ واختر , اذا تبي درجة عالية نصيحة اطبع السلايدات وسجل نوتات عليها. الميجر الاول كان اسهل من الثاني والافرج كان مرتفع فركز على الاول
الفاينلات :الفانيل يعتبر ميجر ثالث ( عليه 18 درجة ويشمل اخر شي من المنهج) نقس صعوبة المياجر
القريد النهائي: B+
الصوت:,,واضح
إضافات: مرة ثانية اقول اخذ نوت معه واحضر كل الكلاسات

 

GEOL102-T202

التحضير: المحاضرات يسويها عن طريق زوم و يحضر من البرنامج نفسه اتوماتيكيا. يحضر المتاخر بعد بس الماده عليها 6 درجات حضور و على كل غياب ينقص 0.5.

الكويزات: مفروض تكون كوزين كل واحد عليه 5% الاول يكون عن الجدول الزمني و كان سهل. الكويز الثاني بدله لنا و عطانا واجب نكتب 3 برقرافات عن بركانين صارو قبل فترة قريبه و نقارن بينهم. كان الافرج حق الواجب 3.25/5.

المياجر و الفاينل: الماده فيها 3 مياجر و الفاينل مضمون معهم كل واحد عليه 28% و الحلو فيه انه اذ اختبرت الميجر خلاص الاشياء الي اختبرتها ما بتجي بعدين مو كمبرهنسف. و صعوبة المياجر اعطيها متوسط الى صعب شوي لبعض الاسئلة. بالميجر الثاني سالنا عن زلزال صاير قبل اسبوعين صاير بنيوزلندا و سال عن اسمه فا الي مركز بالشرح بيسمع الدكتور يتكلم عنه و يعرف+ لازم تكتب نوتات معه عشان تجيب درجة كويسه ما ينفع بس سلايدات لان الدكتور يسوي الي يبي و يجيب اسئلة شاطحه عن المنهج لكن يكون متكلم عنها بالكلاس.

القريد: الافرج حق الكلاس كان 78.94% و سوال له كيرف الى 84% زادنا 5.06% و ذا الشي يسويه كل ترم انه يسوي كيرف الى B or B+. و ذا توزيع الدرجات حق الكلاس
A+ = 7, A = 5, B+ = 5, B = 6, C+ = 6, C = 4, D+ = 2, D = 1, F = 1

الصوت: واضح لكنه مرات يتكلم بسرعه فا بعض الشباب ما يلحقون على كلامه لكن اشوف كويس انا. و اذ ما فهمت عليه فهو ينزل الريكوردنق ببلاك بورد فا يمديك تراجع.

الدكتور حبوب و يحب ياخذ و يعطي بس ما يحب تجادله مثال: اذ قلت له ياجل كويز بيقول انك طالب بترول و و و و. + يوم عطانا الواجب بعض الطلاب كلموه و فصل بعد