Phys 102 مادة ليست مستحيلة

السلام عليكم ورحمة الله وبركاته

طبعا الي يكلمكم شخص جاب في PHYS101 (اD+) وبالمضاربة وفي PHYS102 (اA) ولله الحمد وراح اقلكم الاسباب الي غيرتني وان شاء الله م ابخل عليكم فيها و للمعلوميه انا مو طالب اونر

اول شي PHYS 102 عند الكثير من الطلاب انها اصعب من الكورس الي قبل وانا اشوف من وجهة نظري العكس تمااماا.
اكثر شي حمسني في هذي المادة هو بعض الطلاب الي اعرفهم واخذو الكورس قبلي جابو درجات اعلى في phys 102 عن phys 101 وبفرق كبير وطبعا قلت في نفسي اني انا طالب بترولي زيهم و مو صعب عليا هذا الشي , وفعلا من قبل الكورس الى نهايته وانا حاط في بالي A+ وكنت جديا افكر فيه ولا تستهونو في هذي النقطة لانها تفرق كثير وتعطيك دافع.

هذي نقاط من خبرتي في هذي الماده

1-اول شي اكتشفتو ان الفيزياء مادة منفووووخه و لا ترتهب منها ابدا .

2- الكونسبت ثم الكونسبت , قبل لا تبدا في حل المسائل حاول قدر المستطاع انك تكون (فاهم) الكونسبت حق الدرس زيين لانو حتسهل عليك حل المسائل كثييييييير وانا اشوف هذي النقطة فارقه كثير معايا عن PHYS101 الي كنت فيه تقريبا م اهتم في الكونسبت بشكل كبير, وطبعا سلايدات الجلال جدا كافيه وواضحه لفهم الكونسبت زين, الزبدة اعطي الكونسبت وقت كافي لانه صدقني ح حتس في الفرق لما تحل المسائل.

3- استخدم اولد اقزام (عبيد) في المكتبه جدا ممتازه وفيها عدد وتنوع ممتاز وحاول تحل كل او اغلب الاسئله في كل الشباتر لانه كل م حليت اكثر كل م كسبت وقت اكثر في المياجر في حل المسائل .

4- طريقة مذاكرتي كانت بسيطة , كنت انتبه مع الدكتور و احاول افهم منه و كان تقريبا كل ااسبوع فيه كويز لكل تشابتر فكنت اذاكر قبل كويز (من السلايدات وبعدين حل اولد اقزام عبيد ) وطبعا كنت احاول اكون جدي في المذاكرة , بهذي الطريقة تقريبا شبه ضمنت الكويزات.

5- وقت مذاكرة الكويزات او المياجر, لما اكون اذاكر من سلايدات الجلال احاول اكتب كل القوانين الموجودة في التشابتر واكتب بعض النقاط المهمه في التشابتر الي حتفيدك في CONCEPTUAL QUESTIONS الي بعدين تقدر تراجعها بشكل سريع من الملخص البسيط الي انتا سويته, طبعا بعد كتابة كل القوانين وبعد النظر في الفورمولا شيت الي حتجيك في المياجر او الفاينل حتعرف ايش القوانين الي لازم تحفظها والي م راح تكون موجودة في الفورمولا شيت.

6- لما تحل من عبيد , الاسئلة الي م عرفت كيف تحلها الا بعد النظر في الحل حاول تحط عليها اشارة عشان بعدين تحاول تحلها في وقت ثاني عشان تشوف نفسك اتقنت الفكره ولا لا .

7- حاول م تطالع في الحل الا بعد م تخلص من حل السؤال بنفسك لانك م راح تستفيد شي اذا م حليت من نفسك.

8- بعد م تخلص من السلايدات حاول تقرا ملخصات مكي ممتازه كتثبيت المعلومه (تُقرأ بعد السلايدات لانها م تنفع من دون السلايدات).

9- اذا كان عندك وقت قبل المياجر حاول تشقر على بعض الاولد اقزامز الاخيرة في الموقع.

هذي تقريبا ملخص لبعض النقاط الي حاولت اتبعها و فرقت معايا فعليا عن PHYS 101 , وانا اتوقع اني لو استخدمت نفس طريقة مذاكرتي هذي فيPHYS101 شي اكيييد اني راح اطلع بقريد قريب منو (بعد مشيئة الله وتوفيقه) لانه المشكلة م كانت في المادة بل في (الرهبه) و طريقة المذاكرة.

ومثل م قلتلكم انا مو طالب اونر و م كنت متعب نفسي في المذاكره والخطوات الي فوق صدقوني مو صعبه وكل طالب يقدر يسويها ,والشي الي منعني عن A+ كانت اخطاء م تتعلق بالكونسبت ابدا كانت فهاوة مني مثل اني احل السؤال صح واختار خيار ثاني سهواً , لاني فعلا بعد م ركزت في الكونسبت صح واعطيت الاولد اقزام حقه حسيت اني ملم جيدا في المادة .

اسف على الاطالة و التنسيق الماش :D , بس حبيت اني افيدكم والي عنده اي سؤال انا حاضر ان شاء الله و فالكم ان شاء الله A+​