اول سمستر فرشمن، مستواي سيء.

وعليكم السلام
شيئ طبيعي الي تمر فيه ،
لكن بخصوص التوتر الأفضل تروح لمركز الإرشاد في مبنى 68 اعتقد الدور الأول وتكلم الدكاترة هناك , دكتور خوجلي الي اذكره انه متعاون ويساعد الطلاب
طبعا المركز مخصص للاستشارات ومساعدة الطلاب في مثل هذي المشاكل ( اقصد التوتر )


الشي الثاني : شيل فكرة انك تطلع من الجامعة ترا تحت الضغط قراراتك غالبا تكون مب منطقية و غالبا بتكون هروب من الضغط وماراح تنتبه انها كانت خطأ الا بعد فترة طويلة و وقتها ما يمدي تصحح خطأك

ما ادري الحين اي اسبوع لكن لو توكم مخلصين من المياجر ، اقعد بكرة وافتح ميجر 1 وشوف السلوشن وشوف حلك كيف كان
اذا الأخطاء كانت بسيطة مثلا في اشارات او من السرعة في الحل أو شي كذا ، فالمشكلة عندك في التدريب او التوتر مثل ماتقول ، اما لو كنت مب فاهم السؤال فالمشكلة في طريقة مذاكرتك
لو كان التدريب هو السبب فالموضوع سهل ابتدي بالتدريب قبل وقت كافي من الميجر واستعد للكويزات كأنه مياجر ( اقصد من ناحية تغطيتك للماتيرال )
وبخصوص الكويزات شوف stkfupm resource وموضوع تقييم الفزكس و الكيمستري يمكن تحصل فيهم ملفات لكويزات قديمة عشان ( تدرب عليها )


الشي الأخير : اذا ماعندك مشكلة ، ممكن تقول كم درجاتك ، لأن في شباب يفكر مستواه سيئ جدا، وتالي يطلع انها مب بذاك السوء الي هو يتصوره يمكن تكون نازلة لكن فيه فرصة يعوض.

وبخصوص الكويزات ترا فيه نورملايزشن و يمكن دكتورك يحذف اسوء كويز فلا تتحطم ، حاول تركز على الي باقي وتعرف اخطائك من الحين .


شوف هالموضوعين يمكن يفيدونك
زبدة الزبدة ؛ الطريق الى مراتب الشرف
نصائح كنت أتمنى أسمعها في بدايتي بالجامعة + روابط مهمة
طريقك للتفوق في الفريشمان + ملفات لأغلب الكورسات


الله يوفقك ولاتشيل هم ترا كثير من طلاب الجامعة مروا بهذي المرحلة ، وترا بعض الشباب سبب فرحتهم الكبيرة في حفل التخرج مب لأنهم خلصوا من الجامعة، هي لأنهم قدروا يتحملون مثل هذي الضغوط وكانوا في يوم من الأيام قريب من انهم يطلعون من الجامعة لكن تدراكوا وضعهم و بعضهم تخرج بمرتبة الشرف وبعضهم قدر يطلع بأقل الخساير.